1 Minwiinzannu 2:15 - Kazambale lé Sebe Sauunu 1979

¹⁵ ’Bɛ lé a lɛ léé: Bé fe. Yé é léé: Bé gi dɔɔ léé, kɛlɛle minwiinzan se a anzé nya yé Izraɛl munu faa yuɛ a an lɛ léé, ’an pla wo nwiin. Naa, kɛlɛle minwiinzan nya se nɔla yé é kɛlɛ an zuané zé nya, Gakelebale a nɔ a lɛ, azama.

1 Minwiinzannu 2:15 ပူးပေါင်းရင်းမြစ်များ

2 Samuɛl 12:24

David é na Bat‐Sééba tɔrɔ paa, yé é go a va yé é yii a va. É négɔné yaa yé wa laa Salomɔn yé é sɔ Gakelebale lɛ.

2 Samuɛl 15:13

Mi do da a zuo fe lɛ David lɛ yé é lé a lɛ léé: Izraɛl munu wo bli nɔla Abusalɔm vazia.

2 Samuɛl 15:6

Dé Izraɛl mian da minwiinzan blɛn va élé we blele we gi, a zo lé Abusalɔm a kɛla. Yé Abusalɔm Izraɛl munu bli nɔla ’é va.

2 Samuɛl 16:18

Usai a zi pa Abusalɔm lɛ léé: Mi lé Gakelebale koo, munu ’ko koo, Izraɛl munu koo, wa si a va ’wozé nya, maa a ’bɛzan ɛ va, yé ’bɛzan va lé maa a a va lé an vo.

2 Samuɛl 3:3

a fiézan lé ke Nabal na Kaamɛl le Abigail be Kiléab nya; a yaazan lé ke Gésuu nwiinzan Talmai lu Maaka be Abusalɔm nya;

2 Samuɛl 3:4

a ziɛnzan lé ke Agit be Adonija nya; a soruzan lé ke Abital be Séfatia nya;

2 Samuɛl 7:12

Dé ilé yinu lɛ sɔɔ yé i yi gyɛ i tinu va, mi lé é si ibo bɔn gi, i kulu nya, maa dan a nwa lɛ i zuo, yé maa dan alé plale mi nwiin dɔ lɛ gligli.

1 Minwiinzannu 1:25

Naa, é go kyɔ yé dirigɔnénu koo, diriné bualenu koo, ’blanu koo, é wo gyɛ kiɛre; minwiinzan benu koo, sunyanu nwiinzannu koo, Balebanzan Abiataa koo, é wo laa. Yé bé ye, wa fɛblena ’té woo fɛ minian a ’lɛ yé wo léé: Minwiinzan Adonija ’é vo é yuɛma ma!

1 Minwiinzannu 1:38

Yé Balebanzan Sadɔk go balelayezan Natan koo, Jéojada be Bénaja koo, Kérétimunu koo, Pélétimunu koo, wo nya é va. Wo Salomɔn nyana minwiinzan David lé sokofale ta, yé wo go a nya Giɔn.

1 Minwiinzannu 1:39

Wibéli lé nyɔnɔ ke a gi, Balebanzan Sadɔk a si sɔkɔn gi yé é a zén Salomɔn nwiin. Wo béli fɛn, yé munu faa léé: Minwiinzan Salomɔn ’é vo é yuɛma ma!

1 Minwiinzannu 1:5

Agit be Adonija blii boblɛn nya fɔɔ yé é léé: Maa ɛ dan kɛlɛ lɛ minwiinzan nya. Yé é goro valé wisootazannu ye, é valé mi yɔ fié wɔlɛ vu lé woo vlan buruwo a ’lɛ, wo nya.

1 Minwiinzannu 2:14

Yé é lé é ziin léé: ’An dére do fé i lɛ.

1 Minwiinzannu 2:16

Sin, maa we do laa i lee. Té bé nyané kɛlɛ an lɛ lo.

1 Minwiinzannu 2:22

Minwiinzan Salomɔn a zi pa é bu lɛ léé: Mɛmalé i Sunɛm le Abisag ma laa Adonija zé nyaa? ’I kɛlɛle minwiinzan nya se ma laa azé nya é ziin. Naa, é a an bwe nya . . . yee koo, Balebanzan Abiataa koo, Séruja be Joab koo, bé ma laa wo faa zé nya.

Wegɔnévɔlenu 21:30

Dé é a wedɔɔle nyaoo, dé é a gikinile nyaoo, dé é a weplale nyaoo, wo vazan do kpen ’ka bɔa dɔle lɛ Gakelebale ma lo.

Daniɛl 2:22

We wɔlɛma lé é ke é yɔɔle, yee ɛ a bɔraan. Yee ɛ gunutinu va wenu dɔɔ, yé yee ɛ va lé san ke.