1 Minwiinzannu 17:13 - Kazambale lé Sebe Sauunu 1979

¹³ Éli lé a lɛ léé: Té i kana lo, ’i go, bé fe fɛan zo bɛ, bé kɛlɛ. Naa, ’i anzé buru sɛné kɛlɛ é vinin yé ’i da a nya an lɛ, ’bɛ zuo i dan bii valé i be zé kɛlɛ lɛ.

1 Minwiinzannu 17:13 ပူးပေါင်းရင်းမြစ်များ

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

1 Minwiinzannu 17:12

É a zi pa léé: Gakelebale, ilé Bale a é yuɛma. Buru ’ka an lee lo, bɛ nya do burupun a bɔ gi yé nyɔnɔ kiéné a kuo gi. Yé bé ye, maa a kyɛ bɛné fié siana, yé maa go ’bɛ dɔne maa valé an be zé nya; ko dan a ble lɛ, a zuo ko dan ga lɛ.

1 Minwiinzannu 17:14

Naa, Gakelebale, Izraɛl lé Bale léma: Burupun lé ke bɔ gi é ’ka dan nyaa lɛ lo, yé nyɔnɔ lé ke kuo gi, é ’ka dan nyaa lɛ lo, fɔɔ yé Gakelebale é lɛɛ da.

2 Minwiinzannu 6:16

É lé a lɛ léé: Té i kana lo; ko vamunu a kiɛre é mini wo vamunu ta.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Wegɔnévɔlenu 3:9

’I Gakelebale bɔ i leefɛnu valé ilé féifɛ vininnu faa nya,

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:13

Naa, maa a Gakelebale, ilé Bale nya, Maa i bɛyi dɔa plɛplɛ, Maa ɛ fe i lɛ léé, an dan bɔ lɛ i va, Amalé té i kana we do kpen lee lo.

Malasi 3:10

’Ka da kalé fɛvuzannu faa nya fɛwezan tadɔkɔn gi, léé, fɛblele ’é kɛlɛ anlé kɔn gi; lai sunyanu lé Gakelebale léé: ’Ka an gi dan a nɔle nya, yé ka dan a ye lɛ léé, maa la lɛ so ka lɛ yé maa ka drɔɔ vo fɔɔ, yé é gié é glɛ la.

Matio 10:37

Mi lé é ti valé é bu we minié an ta, a yara ’ka lé, ’é kɛlɛ anzé nya lo; yé mi lé é be valé é lu we minié an ta, a yara ’ka lé, ’é kɛlɛ anzé nya lo;

Matio 28:5

Lanje lé lomu lɛ léé: Té ka kana lo, naa, maa a gi dɔɔ léé, Jézu lé wa gyɛ yili ta, ka a a naginina.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Kelewenu 27:24

yé é lé an lɛ léé: Pɔl, té i kana monomono lo. É a lé i dɔ Sézaa ’lɛ. Yé bé ye, munu faa lé wo ke ’yitagoro gi i va, Kazambale wo nɔ i lɛ.

Ébrunu 11:17

Bléyian va lé Kazambale Abraam gi dan, blipale nya lé é é be wɔlɛ do kpen Izak nɔ saraka nya; Abraam lé, Bale blivolɛdére fe a lɛ léé,

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.