1 Minwiinzannu 16:31 - Kazambale lé Sebe Sauunu 1979

³¹ Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

1 Minwiinzannu 16:31 ပူးပေါင်းရင်းမြစ်များ

Wepélisiananu 30:15

Léa lé a lɛ léé: An zana sile an lee a bii gi we sɛné nya, amalé i an be lé mandragoonu sié é ziin? Rasɛl léé: É béli ’ko é dan yi gyɛ lɛ i va i be lé mandragoonu lé we ma.

Wepélisiananu 6:2

yé Bale benu munu lunu ye, léé, wa nɔnɔmi, yé wo wo si ’wo nanu nya, é sɔ wo lɛ fɛan zo, a zo.

1 Minwiinzannu 18:18

Éli a zi pa léé: Maa‐an maa we tɔntɔn bɔ Izraɛl ma lo, bii valé i ti lé munu lé; ka Gakelebale lé bélidɔwe vo yé i go Baalnu zuo, ’bɛzama.

1 Minwiinzannu 18:19

Sin, ’i Izraɛl faa zén ékeva an va, Kaamɛl gɔ nwiin, Baal lé balelayezannu wuru fié yɔ fié wɔlɛ vu valé Asataté lé balelayezannu wuru fié lé woo fɛ blé Jézabɛl lé tablé ta, woo koo é ziin.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

2 Minwiinzannu 10:18

A zuo é munu faa zén ékeva yé é lé wo lɛ léé: Akab Baal bɔ sɛ, Jéu é dan a bɔ lɛ é baba.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinzannu 3:2

We lé ke é naané Gakelebale yuɛ gi, yee lé é a kɛlɛ, naa, é ’ka a kɛlɛ lɛ bélé é ti valé é bu zé zo lo. Miyilinu lé a ti a kɛlɛ Baal nya, é wo zana a gi;

2 Minwiinmunu lé Wezuofe Sɛbɛ 17:4

Naa, éé é ti lé Bale naginian, yé éé tawoo alé bélidɔwenu yɛrama. É ’ka Izraɛl kɛlɛwenu zuo sona lɛ lo.

2 Minwiinmunu lé Wezuofe Sɛbɛ 21:13

naa, i tawo Izraɛlnu nwiinzan blɛnnu lé tawobɛ yɛrama; i Judanu valé Jérusalɛm munu nyunu léé, ’wo miyilinu bɔ, Akab lé munu a kɛlɛ fɛan zo Izraɛl lɛ, a zo, yé i zuannu, i ti lé nénu lé wo zima mini i ta, i wo kulu so.

Ézai 7:13

Naa, Ézai léé: ’Kaa David gɔnɔlazannu lé ka ke minwiinzannu nya, ’ka tɔné dɔ. Dé ka munu wɔlɛ gi nyaa ’wo ma, ’bɛ ’ka kazé bɔa loo? É a lé ka anlé Bale wɔlɛ gi nyaa é ziin?

Ézékiɛl 16:20

Négɔnénu valé nélomu lé i wo yaa an lɛ, i wo bo saraka nya léé, wo kɛlɛ miyilinu blefɛ nya; ilé gɔnéginilenu ’ka izé bɔ lɛ loo?

Ézékiɛl 16:47

I ’ka tawo lɛ é wo wolé zi ta lo; i ’ka wolé bozowe saa kɛlɛ lɛ lo, ’bɛ a izé ma kiéné; i kɛlɛwenu faa a é vɔnle é mini wozé ta.

Ézékiɛl 34:18

Naa, dé ka lu ble fɛblena zima na ’naan, ’bɛ a we kiéné nya ka yuɛ gi, amalé ka fɛ pɔné zɔn‐o ka ganenu nyaa? Dé ka ’yi zima mini ’naan, ’bɛ a we kiéné nya ka yuɛ gi, amalé ka ’yi pɔné yuɛ sɛra ka ganenu nyaa?

Ézékiɛl 8:17

Yé é lé an lɛ léé: Blami be, bé yee? ’Bɛ zo wenu lé Juda munu a kɛla ’ko, ’bɛ a we kiéné nyaa? É a lé wo tɛrɛ ’ko fan é ziin glawe nya yé ’té wo ’ka daan an blifliwenu kɛlɛle ma loo? Bé ye, wa yilibɛnu biéna wo nyé ma.

OZÉ (Osée) 2:15

Yinuan nya lé é lasikɔrɔpo kyɛ ble Baal lɛ, ’té éé ’lɛra bɛmafɛ valé bɔrɔmakyanbale nya, ’té éé goo é bwɛnu zuo, ’té a gi éé saan an ma, an dan we lɛdɔ lɛ a gi a we ma. A zo lé Gakelebale a fe.

Mi Nɔnɔle 16:9

Izraɛlnu lé Bale ka si Izraɛl munu va, yé é ka bié ’é sɔnɔ, léé, ka kɛlɛ Gakelebale lé sɔkɔn gi nyanamapazannu nya, yé ka dɔ munu ’lɛ Gakelebale bɔzannu nya, ’bɛ a we kiéné nya ka yuɛii?

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Wegɔɔnle 2:20

Naa, i ma we do a an gi; yee lé ke léé, lezan Jézabɛl lé é a fe léé, ’é a balelaye le nya, i zi nɔ a lɛ léé, é we paa an wuozannu gi, ’té éé wo saan léé, ’wo ’wobo nɔ pɛnpɛnnégyɛle lɛ, ’té woo miyili banwi blé.

Weblezannu 1:31

Azɛɛnu ’ka Ako munu bin lɛ lo; Sidɔn munu koo, Akla munu koo, Azib munu koo, Elba munu koo, Afik munu koo, Réob munu koo, é ’ka wo do kpen bin lɛ lo;

Weblezannu 10:12

Bléyian va lé Sidɔn munu Amalɛk valé Maɔn kle pa ka ta yé ka siaa an lɛ, an ’ka ka si lɛ wo lee loo?

Weblezannu 10:6

Izraɛl lé nénu wo Gakelebale ’namawe kɛlɛ é ziin; Baalnu koo, Asataténu koo, Siri lé balenu koo, Sidɔn lé balenu koo, Moab lé balenu koo, Amɔn benu lé balenu koo, Filisitinu lé balenu koo, wo wo bɔ, yé wo Gakelebale vo, ’té wo ’ka a bɔa é dɛrɛ lo.

Weblezannu 18:7

Gɔné soru go yé wo bɔ Lais. Wo ana munu ye, ’té wa é nyanale duaa é pla, Sidɔn munu nyanabɛ gi, ’té wa drɔɔ, ’té wo gi a é sanle wobo ma; yé mi do kpen ’ka wolé tɛrɛ la yé ’bɛ é wenyané kiiéné kɛla wo lɛ yé ’bɛ é pla wo nwiin lo; wa Sidɔn munu ma baa, yé wo ’ka goo mi bɛnu va lo, yé mi bɛnu ’ka dan wo va lo.

Weblezannu 2:11

We lé é ’ka sɔ lɛ Gakelebale lɛ lo, Izraɛl lé nénu a kɛlɛ, yé wo Baalnu bɔ.

Weblezannu 3:7

We lé é ’ka sɔ lɛ Gakelebale lɛ lo, Izraɛl lé nénu a kɛlɛ; wo gi san Gakelebale ma, yé wo Baalnu valé miyilinu bɔ.