1 Minwiinzannu 14:9 - Kazambale lé Sebe Sauunu 1979

⁹ I wenyané kɛlɛ é mini mi faa lé wo ke i ’lɛ é vinin, wo ta; i go izé bale bɛnu valé miyili serelenu kɛlɛ lɛ, an bli flile we gi, yé i nwun zi dɔ an ta.

1 Minwiinzannu 14:9 ပူးပေါင်းရင်းမြစ်များ

1 Minwiinzannu 12:28

Dé é ’é gi bɔrɔ faa minwiinzan kyandiriné kɛlɛ fié yé é lé munu lɛ léé: Izraɛl munu, ka gole Jérusalɛm bɔ é yi; kalé Bale lé é ka si Éjipiti tɛrɛ la, yee lo.

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

1 Minwiinzannu 14:22

We lé ke é naané Gakelebale yuɛ gi, yee lé Juda a kɛlɛ; wolé wenyané kɛlɛle nya lé wo Gakelebale lé maabole nwa é mini wo tranu la.

1 Minwiinzannu 15:29

É kɛlɛ minwiinzan nya aan wo, é Jéroboam lé kɔn ’léé munu faa gyɛ, é ’ka mi do kpen vo lɛ lo, yé fɛ faa lé éé flin‐é é wo gyɛ, dére lé Gakelebale a fe é wuozan Silozan Akija lɔlu nya, a yɛrama.

1 Minwiinzannu 15:30

Wenyanénu lé Jéroboam a kɛlɛ, é valé wenyané lé é Izraɛl kɛlɛ a kɛlɛzannu nya, yé ’bɛ zo lé é Gakelebale élé Bale bli fli, wolé we ma lé Bale a kɛlɛ.

1 Minwiinzannu 15:34

We lé ke é naané Gakelebale yuɛ gi, yee lé é a kɛlɛ, yé é tawo Jéroboam lé tawobɛ zo, yé wenyanénu lé Jéroboam Izraɛl kɛlɛ wo kɛlɛzannu nya, ébo nɔ wo kɛlɛle lɛ.

1 Minwiinzannu 16:25

We lé ke é naané Gakelebale yuɛ gi, yee lé Omri a kɛlɛ, yé é wenyané kɛlɛ é mini mi faa lé ke a ’lɛ é vinin, wozé ta.

1 Minwiinzannu 16:30

We lé ke é naané Gakelebale yuɛ gi, yee lé Omri be Akab a kɛlɛ é mini munu faa lé ke a ’lɛ wozé ta.

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

1 Minwiinzannu 16:33

Akab Gakelebale, Izraɛl lé Bale blifliwe kɛlɛ é mini Izraɛl nwiinzannu faa lé ke a ’lɛ, wozé ta.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinzannu 23:26

Naa, duowo, Gakelebale bli lé ke flina Judanu ma é baba, we faa lé Manasé a kɛlɛ a bli flile we gi, a we ma, Gakelebale ’ka daan lɛ é bliflile blɛɛn ma lo.

2 Minwiinzannu 3:3

naa, ébo nɔ Nébat be Jéroboam lé é Izraɛl kɛlɛ wenyanékɛlɛzannu nya, alé wenyané kɛlɛle lɛ, yé é ’ka daan lɛ a ma lo.

2 Minwiinmunu lé Wezuofe Sɛbɛ 11:15

Jéroboam boligɔnénu fotonu valé dirinénu fotonu kɛlɛ, yé é munu dɔ wo banzannu nya gɔnu nwiin.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Néémi 9:25

Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Lɛrɛvɔ Sɛbɛ 106:29

Wo Gakelebale bli fli wo kɛlɛwenu nya, Yé mi gyɛgyɛ vɔ wo ma.

Lɛrɛvɔ Sɛbɛ 50:17

Biian anlé wepaale za ke i gi loo? Yé biian i an dére vuli i zuo loo?

Lɛrɛvɔ Sɛbɛ 78:40

Dé wo nwa Bale ma nyéné saa lé fɛna gɔnɔ nɔɔ? Dé wo a ’léé gini bwi gi gɔnɔ nɔɔ?

Lɛrɛvɔ Sɛbɛ 78:56

Naa, wo Loruzan Bale gi dan, yé wo nwa a ma, Wo ’ka tawo lɛ a dére yɛrama lo,

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Fwile 34:17

Té i fɛ do kpen sele yé é kɛlɛ ilé bale nya pelo.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Jérémi 7:18

Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 23:35

Amalé Mizan Gakelebale léma: An sele saan i gi, i an vuli i zuozia, amalé ’i ’wuo dɔ i kɛlɛwe plenu valé ilé gɔnéginile ma nyanénu wuo.

Ézékiɛl 8:17

Yé é lé an lɛ léé: Blami be, bé yee? ’Bɛ zo wenu lé Juda munu a kɛla ’ko, ’bɛ a we kiéné nyaa? É a lé wo tɛrɛ ’ko fan é ziin glawe nya yé ’té wo ’ka daan an blifliwenu kɛlɛle ma loo? Bé ye, wa yilibɛnu biéna wo nyé ma.

Ézékiɛl 8:3

Yé fɛ do lé ke mi bɛ zo, é a soi yé é an kun an nwun ma. Yé Léli an si an pɔlɛ gi yé é go an nya tɛrɛ valé la méléna, yé é go an nya yuɛzi gi Jérusalɛm, flagɔrɔ ’léé lé ke yirinwana bɛbolazia, ana, miyili lé, éé Gakelebale lé maawole nwaan, é ke fɛana, ana.

Lévinu 19:4

Té ka go miyilinu zuo lo, yé té ka bale selelenu kɛlɛ kabo lɛ lo.

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.

Bélidɔwesɛbɛ Fiézan 9:24

Maa ka dɔɔ a pélisia bléyi va fɔɔ kyɔ, ka a tɔnégiplɛplɛzannu nya Gakelebale ma.

Weblezannu 5:8

Izraɛl bale bɛ dɛrɛnu si, ’Bɛwemalé guli a fla ’léé; Golɛtayɔɔfɛ koo, din koo, Wo ’ka wo do kpen yé Izraɛl mi baa yɔ boen méléna lo.