1 Minwiinzannu 14:23 - Kazambale lé Sebe Sauunu 1979

²³ Wo é ziin, wo gɔ nwiin yobannanu kɛlɛ, ’té yofoto valé miyilinu a gɔ faa nwiin valé yili drɔɔdrɔɔ faa wuo.

1 Minwiinzannu 14:23 ပူးပေါင်းရင်းမြစ်များ

1 Minwiinzannu 12:31

Jéroboam yobankɔn dɔ gɔ nwiin, yé é munu si munu faa méléna yé é wo dɔ balebanzannu nya, ’té wo ’ka Lévi kululazannu nya lo.

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

1 Minwiinzannu 15:12

É bɔrɔdɛ lomu si élé tɛrɛ la, yé miyilinu faa lé a tinu a kɛlɛ, é wo faa si ana.

1 Minwiinzannu 20:23

Siri nwiinzan blɛn wuomunu lé ’é lɛ léé: Wolé bale a gɔ ma bale nya; bɛwemalé wa plɛplɛ é mini ko ta. Naa, kaa guli dan wo va fɛna pɛblɛɛna, yé dé ko plɛplɛ ’ka mini lɛ wo ta lo, ko dan a ye lɛ.

1 Minwiinzannu 3:2

Munu éé bale baan gɔnwiin balebannanu saa ɛ na, naa, fɔɔ bléyi ’ko va wo ’ka tan Gakelebale tɔ gi kɔn dɔ lɛ lo;

1 Minwiinzannu 3:3

Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

2 Minwiinzannu 10:26

Wo go Baal lé kɔn looné gi yé wo miyilinu bɔra béera yé wo wo kyɛ ble.

2 Minwiinzannu 16:4

É sarakanu boo, ’té é lasikɔrɔ no gɔ nwiin yobannanu koo, gɔ nwiinnu koo, yili drɔɔdrɔɔ faa wuo koo, wo faa na.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 17:19

Judanu bozen‐oo, wo ’ka tawo lɛ Gakelebale wolé Bale lé bélidɔwe ta lo, yé wo go Izraɛl lé gɔnɔlawe zuo.

2 Minwiinmunu lé Wezuofe Sɛbɛ 24:18

Yé wo sɔn vɔ Gakelebale, wo tranu lé Bale lé kɔn ma yé wo miyilinu valé yofotonu ban. Gakelebale bli fli Juda munu valé Jérusalɛm munu ma. We ’ko kɛlɛle ma lé we dɔ wo nwiin.

2 Minwiinmunu lé Wezuofe Sɛbɛ 28:4

É sarakanu bo yé é lasikɔrɔnu kyɛ ble gɔnu valé gɔpanénu nwiin, é valé yili drɔɔdrɔɔnu wuo.

Fwile 34:13

Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Ézékiɛl 6:13

Dé wo galenu vo é diale wolé miyilinu méléna wolé yobannanu zi, gɔ nwalenu valé gɔ zoroné faa nwiin, yili drɔɔdrɔɔnu faa valé sɛnéyili kwɛɛzannu faa wuo, dé wo wo galenu ye é diale fɛfaana lé wo ’wolé miyilinu faa ban lasikɔrɔ nya, ’té wa gin sié néné, wona, ’bɛna lé wo dan a gi dɔɔ lɛ léé, maa ɛ ke Gakelebale nya.

Ézékiɛl 6:3

Bé fe léma: Izraɛl lé gɔnu, ’ka tɔné dɔ Mizan Gakelebale dére lɛ. Mizan Gakelebale we fe gɔnu koo, gɔpanénu koo, gɔ guruginu koo, pɛngurunu koo, wo lɛ, yé é léma: Maa dan da lɛ ka va gwɔun nya, yé maa dan kalé gɔ nwiin yobannanu sɛrɛ lɛ.

Ézékiɛl 6:6

Fɛ faa lé ka nyanaan ana, ana flanu é dan kɛlɛ lɛ é ’bin nya, yé kalé gɔ nwiin yobannanu guru é dan zana lɛ a gi, yé ka dan daan lɛ kalé yobannanu ma yé ka wo vo; wo dan kalé miyilinu yéli lɛ yé wo ta é dan saan lɛ. Yé kalé miyilinu lé ka a dɔ yiri zé nya bɛ, wo dan wo sɛrɛ lɛ, yé ka bɛ panyanamanu é dan sɛrɛ lɛ tata.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

Lévinu 26:1

Té ka miyilinu kɛlɛ kabo lɛ lo, té ka fɛ do kpen foto kɛlɛ lo, té ka yobɔ kɛlɛ lo; gɔlɛ lé wa ma guru vɔ mi ’wuo foto nya, té ka do kpen dɔ kalé tɛrɛ la, ka diale wo ’lɛ we gi lo; maa a Gakelebale, kalé Bale nya, azama.

Misé 5:14

Bɛnnu lé wo ’ka ’wo tɔné dɔ lɛ an lɛ lo, maa dan anzé lɛgi pa lɛ wo ma, blifllile valé wɛwɛ dɔle nya.

Bélidɔwesɛbɛ Fiézan 12:2

Bɛnnu lé ka dan wo bin lɛ bɛ, fɛ faa lé woo ’wolé balenu bɔa ana, ’ka wona sɛrɛ; dé wa gɔ grɔgrɔ nwiin‐oo, dé wa gɔpanénu nwiin‐oo, dé wa yilinu wuooo, ’ka wo sɛrɛ.

Bélidɔwesɛbɛ Fiézan 16:22

Té ka yowɔlɛnu kɛlɛ lo; Gakelebale, kalé Bale léabo ’bɛ ma.