1 Minwiinzannu 12:16 - Kazambale lé Sebe Sauunu 1979

¹⁶ Izraɛlnu faa a ye aan wo léé, minwiinzan blɛn ’ka ’wo dére ’ma lɛ lo, wa fe minwiinzan blɛn lɛ léé: Kolé mɛ fɛ ɛ ke David vaa? Kolé tɔnɔ do kpen ’ka Izai be va lo. Izraɛl munu, kaa go kaalé sɔkɔnnu ’léé. David, ’i ibo lé kɔn mawe kɛlɛ sin, yé Izraɛlnu go ’wolé sɔkɔnnu ’léé.

1 Minwiinzannu 12:16 ပူးပေါင်းရင်းမြစ်များ

2 Samuɛl 15:13

Mi do da a zuo fe lɛ David lɛ yé é lé a lɛ léé: Izraɛl munu wo bli nɔla Abusalɔm vazia.

2 Samuɛl 16:11

Yé David lé Abisai valé é wuozanu faa lɛ léé: Ka ye, an be lé é si an bɔn gi, é a a va léé, ’é an gya ’naan, ’té Bɛnjamɛn mi ’ko nii? ’Ka a vo, ’é bale pa ma, naa Gakelebale ɛ fe a lɛ.

2 Samuɛl 20:1

Mi ple do ana bɛ, Bɛnjamɛn mi Bikri be lé wa laama Sééba, yee lé. É béli fɛn yé é léé: Kozé ’ka David va lo, kolé zarafɛ ’ka Izai benu va lo! Izraɛlmunu, ’ka faa é go kalé sɔkɔn ’léé.

1 Minwiinzannu 11:11

Gakelebale lé Salomɔn lɛ léé: Bé kɛlɛ aan wo ’bɛ zo, yé i ’ka dɔ lɛ anlé gipawe ta lo, yé bélidɔwe lé maa a fe i lɛ, i ’ka a ta tawo lɛ lo, amalé maa dan plale mi nwiin si lɛ i lee yé maa a nɔ i wuozan do lɛ.

1 Minwiinzannu 11:13

Maa ’ka dan kalé tɛrɛ faa si lɛ a lee lo; maa dan bɛn do vo lɛ i be lee, an wuozan David valé Jérusalɛm lé maa a si a va, wolé we ma.

1 Minwiinzannu 11:34

Maa ’ka dan bɛntɛrɛ faa si lɛ a lee lo, é dan vo lɛ minwiinzan nya élé tɛrɛla faa gi, an wuozan David lé maa a si a va, ’té éé anlé bélidɔwe sɔnnénu paan, ’té éé tawoo anlé bélidɔwenu ta bɛ, alé we ma.

1 Minwiinzannu 11:35

Naa, maa dan bɛntɛrɛnu si lɛ a be lee, yé maa dan bɛn vu nɔ lɛ bii lɛ;

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

1 Minwiinzannu 11:39

’Bɛ nya lé maa dan David kulu tua lɛ, naa, yifaama kaan lo.

1 Minwiinzannu 22:17

Misé a zi pa léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.

1 Minwiinzannu 22:36

Yiri vɔ bléyian va, wo siaa sɔkɔn dɔna faa na: Mi faa do do ’é go ’wolé fla! Yé wo faa do do é go ’wolé tɛrɛ la.

2 Minwiinmunu lé Wezuofe Sɛbɛ 10:16

Izraɛlnu faa a ye aan wo léé, minwiinzan blɛn ’ka ’wo dére ’ma lɛ lo, wa fe minwiinzan blɛn lɛ léé: Kolé mɛ fɛ ɛ ke David vaa? Kolé tɔnɔ do kpen ’ka Izai be va lo. Izraɛl munu, kaa go kaalé sɔkɔnnu ’léé. David, ’i ibo lé kɔn mawe kɛlɛ sin. Yé Izraɛl munu go ’wolé sɔkɔnnu ’léé.

Lɛrɛvɔ Sɛbɛ 132:17

Ana lé maa dan David lé plɛplɛ nwa lɛ, Anlé mi lé, an nyɔnɔ zén a nwiin, maa dan kyɛbɔ ma’lɛrɛ lɛ a lɛ.

Lɛrɛvɔ Sɛbɛ 76:10

Bléyian va lé Bale nwa we tegele kɛlɛle we ma, Wenaanébɔmazannu faa sile we gi we ma tɛrɛ la, a bléyi va. Ka ye do.

Wegɔnévɔlenu 15:1

We zi pale dére drɔɔ nya éé bliflizan bli dɔralaan, naa, dére blɛn fele éé bliflile gi gya.

Ézai 7:17

Wenu lé Gakelebale é dan a kɛlɛ lɛ bii koo, ilé munu valé i ti kulunu koo, ka lɛ, é sia yian nya lé Éfraim valé Juda kini ékema fɔɔ kyɔ, wo ’ka ’bɛ zo wenu ye lɛ lo. É dan da lɛ Asirinu nwiinzan nya.

Ézai 7:2

Munu da a fe lɛ David kulunu lɛ léé: Siri sunyanu ’wolé sɔkɔnnu dɔ Éfraim tɛrɛ la. Yé Akaz valé élé munu bli nano wo gi bélé fu éé pɔrɔ gi yilinu manyɔɔn‐an fɛan zo, a zo.

Jérémi 33:21

’té gipawe lé maa a kɛlɛ an wuozan David va, ’té é sɛrɛ, ’té a kululazan ’ka nyanaan alé webleblin ta é dɛrɛ lo, yé anlé gipawe lé maa a kɛlɛ Balebanmunu Lévinu lé woo an va nyanama paan bɛ, wo va, ’té é dan sɛrɛ lɛ.

Ézékiɛl 37:16

Yé bii blami be, ’i yilifee do si yé ’i sɛbɛ gyɛ a ta léé: Juda munu valé Izraɛl munu lé woo zén‐é wo va bɛ, wozé lé. ’I yilifee do si é ziin, yé ’i sɛbɛ gyɛ a ta léé: Jozɛfu zé lé. Éfraim munu valé Izraɛl munu faa lé woo zén‐é Éfraim va bɛ, wolé yili lé.

Maak 3:24

Dé tɛrɛ do la munu a é kinile ékema, ’té tɛrɛ ’ko lé we ’ka bɔa mɔnle lɛ lo,

WENÉNÉ LÉ LUK A GYE (Évangile selon Luc) 19:14

A za a élé tɛrɛlamunu gi, amalé dé é go faa wo munu nwunvɔ a zuo a fele we gi léé: Mi ’ko plale ko nwiin ’ka sɔ lɛ ko lɛ lo.

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

WENÉNÉ LE JAN A GYE (Évangile selon Jean) 13:8

Piɛri lé a lɛ léé: Gba, i ’ka an gane ma folié monomono lo. Jézu lé a lɛ léé: Dé maa ’ka i gane ma folié lo, ’té izé ’ka an va lo.

Weblezannu 8:35

Yé Jérubaal, ’bɛ gi lé Jédéɔn, alé we zin faa kɛlɛle Izraɛl lɛ zuo, wo ’ka wezin kɛlɛ lɛ alé munu lɛ lo.

Weblezannu 9:28

Yé Ébɛd be Gaal léé: De ɛ ke Abimélɛk nyaa? Yé de ɛ ke Sisɛm nya yé ko pla Abimélɛk wuoo? É ’ka Jérubaal be nya loo? Zébul ’ka a zuo sunya nya loo? ’Ka pla Sisɛm ti Amɔɔ wuo; naa, ko, mɛmalé ko plaan Abimélɛk wuoo?