1 Minwiinzannu 11:7 - Kazambale lé Sebe Sauunu 1979

⁷ Moab lé bozobale Kémos valé Amɔnnu lé bozobale Mɔlɔk, Salomɔn wo banna kɛlɛ loru, gɔ lé ke Jérusalɛm yara, a nwiin.

1 Minwiinzannu 11:7 ပူးပေါင်းရင်းမြစ်များ

Wepélisiananu 33:2

É wuolomu valé wolé nénu dɔ zi ’lɛ, ’bɛ zuo Léa valé élé nénu, yé Rasɛl valé Jozɛfu vo é voéla.

2 Samuɛl 15:30

David Ɔlivigɔ gié. É a gié wuvɔle nya, ’té sɔ a é zénle a ’wuo ma, ’té sawala ’ka a gane ma lo; a vamunu faa sɔ zén ’wo ’wuo ma é ziin, yé wo gɔ gié wuvɔle nya.

1 Minwiinzannu 11:5

Salomɔn go Sidɔn munu lé baleda Asataté valé Amɔn munu lé bozo bale Milkɔm zuo.

1 Minwiinzannu 11:6

Yé we lé ke é naané Gakelebale yuɛ gi, Salomɔn a kɛlɛ yé é ’ka tawo lɛ Gakelebale zuo tegele, a ti David a kɛlɛ fɛan zo, a zo lo.

1 Minwiinzannu 11:8

Yé é kɛlɛ ’bɛ zo bɛnlomu lé ke a nanu nya, ’té woo lasikɔrɔ valé sarakanu boo wolé balenu lɛ bɛ, wozé nya.

1 Minwiinzannu 15:12

É bɔrɔdɛ lomu si élé tɛrɛ la, yé miyilinu faa lé a tinu a kɛlɛ, é wo faa si ana.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinmunu lé Wezuofe Sɛbɛ 21:11

Joram é ziin, é yobannanu kɛlɛ Juda gɔnu nwiin. É Jérusalɛm munu nyunu léé, ’wo miyilinu bɔ, yé ’bɛ nya lé é Judanu saan.

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Ézai 44:19

É ’ka ’é gi bɔrɔan lo; é ’ka we dɔɔa lo, yé ’wuo ’ka a ta yé é a fe léé: Maa a kuru do sɔn kyɛ nya, yé maa fɛ dɔne a nyɛ ma; maa wi pane a ma yé maa ble ’naan, yé maa bozofɛ kɛlɛ a pɔnénu nyaa? Maa diaan an bli la yilikuru do lɛɛ? ’Wuo ’ka wo ta yé wa fé ’bɛ zo lo.

Jérémi 32:31

Naa, fla ’ko an bli fli yé an wɛwɛ dɔ, é sia a pabléyi va fɔɔ kyɔ, amalé é sɔ an lɛ léé, maa a si an yuɛ gi.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 48:13

Yara é dan Moab munu gyɛ lɛ wolé bale Kémɔs lé we ma, bélé fɛan zo lé Bétɛl bale lé, Izraɛl munu bli vo a lɛ, é wo gyɛ yara nya fɛan zo, a zo.

Jérémi 48:46

Moab munu, we tɔntɔn ’é kɛlɛ ka lɛ ma. Kémɔs banmunu san. Naa, wo go ka benu nya luu gi, é valé ka lunu nya.

Ézékiɛl 18:12

’té éé yaan we tɔntɔn bɔmazan valé nyanégyɛzan ta, dé éé glawenu kɛla, dé é ’ka mi bɛfɛ no ézan lɛ lo, dé éé miyilinu baan, yé ’té éé bozowenu kɛla,

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Daniɛl 12:11

É sia bléyian va lé balebanwi lé wa kyɛ blé yifaama, wa nɔle yi ga, fɔɔ yé fɛ naané lé mi ’ka é yuɛ vɔa a ta lo, yé wa dɔ fɔɔ bléyi ’ko va, yi wuru suiɛdo yi yɔ ziɛn wɔlɛ vu é dan gié lɛ.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Zakari 14:4

’Bɛ yi nya a ganenu é dan dɔra lɛ ɔlivigɔ lé ke Jérusalɛm yara yirinwanazia, a nwiin, ɔlivigɔ fén é dan gyɛ lɛ é méléna, é sia yirinwanazia yé é bɔ yirivɔnazia yé a worona é dan kɛlɛ lɛ blɛn. Gɔ ’ko fee do é dan bié lɛ yirinwana bɛbolazia, yé a fee do é dan bié lɛ yirinwana bɛyilazia.

Mi Nɔnɔle 21:29

Moabnu, ka gale nyɔ, ’Kaa Kémosimunu, ka san. Moab gɔnénu kɛlɛ fwilazannu nya, Yé alé blɛnnénu kɛlɛ Amorénu nwiinzan Sioni lé luunu nya.

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Matio 26:30

Dé wo lɛrɛ vɔ faa yé wo go Ɔlivi gɔ nwiin.

Kelewenu 1:12

Gɔ lé wa laama Ɔlivi gɔ, ’té é ke é sile Jérusalɛm ma kilo do, flinyi do lé tawole yɛrama bɛ, wo si a nwiin yé wo go Jérusalɛm.

Kelewenu 1:9

Jézu lé we ’ko fele zuo é gole sia la gi, ’té a zuomunu yuɛ a a zuo, yé é san lati wuo wo yuɛ va.

Kelewenu 7:43

Ka Mɔlɔk lé sɔkɔn valé Réfan bale lé monéné si; Miyilinu ’ko lé ka wo kɛlɛ, wo bɔle we gi. Maa dan go lɛ ka nya é ziin Babilɔn zi.

Bélidɔwesɛbɛ Fiézan 13:14

’ka we ’ko zuoi kuli; ’ka a va gini, ’ka we gi laa é zima. Dé we ’ko a a zo weboen nya, dé wa gi dɔɔ é zima, dé wo bozowe ’ko kɛlɛ ka va weboen nya,

Bélidɔwesɛbɛ Fiézan 27:15

Mi lé é miyili nyaa, ɛɛ, é miyili kɛlɛ foliɛwɔlɛ selele nya, gikinizan panyanama lé é a bélé bo zo Gakelebale yuɛ gi bɛ, dé mian a nyaa yé é a dɔ kyeen gi fɛdona, ’té bale a é pale ’bɛzan ma ma; yé munu faa é dan a zi pa lɛ léé: lin, ’é kɛlɛ a zo.

Weblezannu 11:24

Fɛ lé izé bale Kémɔs a nɔ i lɛ izé nya, é ’ka dan kɛlɛ lɛ izé nya loo? Yé fɛ faa lé Gakelebale, kozé Bale a nɔ ko lɛ, é ’ka dan kɛlɛ lɛ kozé nya loo?