1 Minwiinzannu 11:4 - Kazambale lé Sebe Sauunu 1979

⁴ Salomɔn lé kwagyɛbléyi va, a nanu a bli nɔla bale bɛnu va; yé a bli faa ’ka Gakelebale, alé Bale lɛ, a ti David bli a fɛan zo, a zo lo.

1 Minwiinzannu 11:4 ပူးပေါင်းရင်းမြစ်များ

1 Minwiinzannu 11:2

Bɛnnu lé Gakelebale wo ma we fe Izraɛl lé nénu lɛ léé, té ka go wo va lo, té wo da ka va lo; wo dan ka bli nɔla lɛ wozé balenu va webozen nya bɛ, woo lomu ’konu si ’bɛ bɛnnu gi. Wo va sɔlɛle Salomɔn sia ana, amalé é yere bɛn ’konu ma.

1 Minwiinzannu 11:33

Wo si an va yé wo yia ’wo bli la Sidɔn munu lé baleda Asataté koo, Moab lé bale Kémɔs koo, Amɔn munu lé bale Milkɔm koo, wo ’lɛ, yé wo ’ka tawo lɛ anlé zinu ta, we lé ke é drɔle an yuɛ gi, a kɛlɛle we gi lo, yé wo ’ka anlé bélidɔwenu valé an déretawenu kɛlɛ lɛ, Salomɔn ti David a kɛlɛ fɛan zo, a zo lo, amalé maa dan we ’ko kɛlɛ lɛ.

1 Minwiinzannu 11:38

Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 11:42

Salomɔn pla Izraɛl faa nwiin lɛɛ yɔ fié Jérusalɛm.

1 Minwiinzannu 11:6

Yé we lé ke é naané Gakelebale yuɛ gi, Salomɔn a kɛlɛ yé é ’ka tawo lɛ Gakelebale zuo tegele, a ti David a kɛlɛ fɛan zo, a zo lo.

1 Minwiinzannu 11:9

Gakelebale bli fli Salomɔn ma; é bli si Gakelebale Izraɛl lé Bale lé, é bɔra a va gɔnɔ fié bɛ, a lɛ, azama.

1 Minwiinzannu 14:21

Salomɔn be Roboam pla Juda nwiin. Bléyian va lé é kinin minwiinzan nya, ’té a lɛɛ a yɔ fié wɔlɛ do, yé é pla munu nwiin lɛɛ vu ta sɔrafié Jérusalɛm, fla lé Gakelebale a si Izraɛl bɛnnu faa va é tɔ pale a ma we gi, a ta. Wa bu tɔ laama Naama, Amɔn le lé.

1 Minwiinzannu 15:14

Naa, gɔ nwiin yobannannu ’ka si lɛ ana lo, dɔlé ’té Aza bli faa kɛlɛ Gakelebale lɛ élé tɛrɛla faa gi.

1 Minwiinzannu 15:3

Wenyané faa lé a ti a kɛlɛ é vinin, ébo nɔ ’bɛ faa kɛlɛle lɛ; a bli faa ’ka Gakelebale, alé Bale lɛ, a tra David bli a fɛan zo, a zo lo.

1 Minwiinzannu 3:3

Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

1 Minwiinzannu 6:1

Izraɛl lé nénu sile Éjipiti tɛrɛ la zuo lɛɛ wuru fié yɔ ziɛnzan nya, Salomɔn kɔn dɔ Gakelebale zé nya. Salomɔn plale Izraɛl nwiin lɛɛ ziɛnzan lé moné fiézan lé wa laama Ziv, a nya.

1 Minwiinzannu 8:61

Ka bli faa a Gakelebale kolé Bale lɛ kyɔ fɛan zo, ’é vo a zo ma, kalé tawole alé bélidɔwenu ta valé a sɔnnénu pale we gi.

1 Minwiinzannu 9:10

Lɛɛ yɔ do giéle zuo, Salomɔn nyaa kɔn fié dɔle nya, Gakelebale lé kɔn valé minwiinzan lé kɔn lé.

1 Minwiinzannu 9:4

Yé bii, dé i tawo an ’lɛ, i ti David tawo fɛan zo, a zo, bli tegele valé we drɔle kɛlɛle nya, ’té we faa lé maa i béli dɔ a nya, ’té bé kɛla, dé i tawo anlé bélidɔwe valé an déretawenu yɛrama,

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 29:19

Ilé bélidɔwenu koo, ilé weplalenu koo, i sɔnnénu koo, ’i wo lɛdɔama bli vɔ an be Salomɔn gi, yé ’é we ’konu faa kɛlɛ, yé fuakɔn lé maa a dɔfɛnu ma’lɛrɛ, yé ’é a dɔ ma.

2 Minwiinmunu lé Wezuofe Sɛbɛ 17:3

Gakelebale a Jozafat va. Éé tawoo é tra David kɛlɛwe vininzannu yɛrama, é ’ka Baalnu nagini lɛ lo, azama.

2 Minwiinmunu lé Wezuofe Sɛbɛ 25:2

É we tegele kɛlɛ Gakelebale yuɛ gi; naa, é ’ka a kɛlɛ lɛ é bli faa nya lo.

2 Minwiinmunu lé Wezuofe Sɛbɛ 34:2

Wean é ke é drɔle Gakelebale yuɛ gi, yee lé é a kɛlɛ, yé é tawo é tra David lé tawobɛ gi. É ’ka é yara nɔla lɛ, dé a bɛyilazia léé, dé a bɛbolazia léé, ana lo.

Fwile 20:3

Té i bale bɛnu pa an pa gi lo.

Bélidɔwesɛbɛ Fiézan 17:17

Té a nanu é kɛlɛ kiɛre lo, té a bli é nɔla lo we gi; té é gɔɔlifu valé kyan téé lo.

Bélidɔwesɛbɛ Fiézan 7:4

dé ka kɛlɛ, wo dan ka benu ’wuo sɛrɛ lɛ an ma, yé wo dan bale bɛnu bɔ lɛ, yé maa Gakelebale bli é dan fli lɛ ka ma; maa dan ka kulu ga lɛ do ’té.