1 Minwiinzannu 11:38 - Kazambale lé Sebe Sauunu 1979

³⁸ Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 11:38 ပူးပေါင်းရင်းမြစ်များ

2 Samuɛl 7:11

bélé bléyian va lé maa anlé munu Izraɛl taweblezannu dɔ ’bɛ bléyi zo lo. Maa flinle nɔ i lɛ, i sile i nyanémunu lee nya. Yé Gakelebale lé i lɛ léé, ’é dan i fan lɛ.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Bélidɔwesɛbɛ Fiézan 31:8

Gakelebale bozen é dan tawo lɛ i ’lɛ, yeebozen é dan kɛlɛ lɛ i va, é ’ka dan i vo lɛ é pla lo, é ’ka dan sɔn vɔ lɛ i ma lo; té i kana lo, té gligli ’é zén i gi lo.

Zakari 3:7

Lai sunyanu lé Gakelebale léma: Dé i tawo anlé zinu ta, dé i an dérenu lɛdɔma, i dan kɛlɛ lɛ anlé munu lé weblezan nya, yé i dan kɛlɛ lɛ anlé gɔrɔ tabinzan nya, yé maa dan vole éboma nɔ lɛ i lɛ, munu lé wo ke é dɔle an ’lɛ ’ko, wo va.

Minwiinzannu lé Wezuofe Sɛbɛ 17:10

bléyian va lé maa weblemunu dɔ anlé munu Izraɛl nwiin ’bɛ bléyi zo lo. Maa ka nyanézannu faa gyɛ yara nya. Gakelebale é dan ilé kɔn dɔ lɛ, maa ɛ fe i lɛ.

1 Minwiinzannu 6:12

dé i tawo anlé bélidɔwe yɛrama, dé i an dére tawe kɛlɛ, dé i anlé bélidɔwe sɔnnénu pa, ’té i wo ta tawoo, blikɛlɛlɛdére lé maa a fe i ti David lɛ, maa dan a lɛ sɔɔ lɛ i vazia,

1 Minwiinzannu 3:14

Yé dé i tawo anlé zinu ta an déretawe valé anlé bélidɔwe kɛlɛle nya, i ti David a kɛlɛ fɛan zo, a zo, maa dan ilé tɛrɛla taa pa lɛ.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

Bélidɔwesɛbɛ Fiézan 15:5

’té dé ka Gakelebale, kalé Bale dére lɛdɔma, ’té dé ka tawo é zima, a sɔnné ’konu faa lé maa wo gɔɔn ka lɛ kyɔ, wo ta.

Fwile 19:5

Tɛrɛ faa a anzé nya, amalé sin, dé ka tɔné dɔ an dére lɛ, dé ka anlé gipawe tawe kɛlɛ, ka dan kɛlɛ lɛ anzé nya bɛnnu faa méléna;

Fwile 1:21

Dɔtrɔlomu kana Kazambale lee, amalé Kazambale wolé kɔn gi munu drɔɔ vo.

Bélidɔwesɛbɛ Fiézan 12:25

Té ka ble lo, ka gi nanale we gi ka valé kalé nénu nya ka zuo, naa, we lé ke we drɔle nya Gakelebale yuɛ gi, dé mi ’bɛ kɛlɛ, ’bɛzan gi é dan nana lɛ.

1 Samuɛl 2:35

Yarapawelazan lé é dan we kɛlɛ lɛ an bli valé an boen yɛrama, maa dan a dɔ lɛ Balebanzan nya; maa dan alé kɔn ’léé drɔɔ vo lɛ, yé é dan tawo lɛ yifaama anlé nyɔnɔzénnwiinzan yara.

1 Minwiinzannu 11:37

Maa i si a va, yé i dan pla lɛ ilé blibɔmafɛnu faa nwiin, i dan kɛlɛ lɛ Izraɛl nwiinzan nya.

1 Minwiinzannu 11:39

’Bɛ nya lé maa dan David kulu tua lɛ, naa, yifaama kaan lo.

1 Minwiinzannu 11:4

Salomɔn lé kwagyɛbléyi va, a nanu a bli nɔla bale bɛnu va; yé a bli faa ’ka Gakelebale, alé Bale lɛ, a ti David bli a fɛan zo, a zo lo.