1 Minwiinzannu 11:24 - Kazambale lé Sebe Sauunu 1979

²⁴ Bléyian va lé David azan lé sunyanu gyɛ, ’bɛ bléyi va é mi kenu zén ékeva ’é va yé é kɛlɛ wo nwiinzan nya. É go Damas yé é nyana ’bɛna, yé é pla munu nwiin Damas.

1 Minwiinzannu 11:24 ပူးပေါင်းရင်းမြစ်များ

Wepélisiananu 14:15

Yé Abram élé munu gi bɔi, munu koɛ gyɛle é béli we gi, yee valé élé nyanamapamunu nya; Abram wo gyɛ yé wo wo zuo bin fɔɔ wo bɔ Soba, ’té ’bɛ ke Damas bɛbolazia bɛ, ana.

2 Samuɛl 10:18

Naa, Siri munu fwila Izraɛl ’lɛ. David goro wuru yaa yɔ soru gi munu gyɛ, é valé wisootamunu baa yɔ do nya; é wolé sunyanu nwiinzan Sobak gyɛ é ziin, yé é ga fɛ duona.

2 Samuɛl 10:6

Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

2 Samuɛl 10:8

Amɔn munu bɔra, yé wo dɔ ’wo bale ta wɔrana zi ’léé, ’wo ma nya é ’lɛrɛle guli danle we ma, ’té Tesoba valé Réob Sirimunu koo, Tob valé Maaka?-?munu koo, wa é yɛrama bwi gi.

2 Samuɛl 8:3

David guli dan Tesoba nwiinzan Réob be Adadézɛɛ va, bléyian va lé ’bɛ a gona Yufrat yuu kɛlɛ lɛ ézé nya é ziin, a bléyi va.

1 Minwiinzannu 11:25

É kɛlɛ Izraɛl nyanézan nya Salomɔn lé tɛrɛ la faa gi, ’té Adad éé wenyané kɛla Salomɔn lɛ a bléyi duo nya. Izraɛl za a a gi, yé é pla Siri munu nwiin.

1 Minwiinzannu 15:18

Gɔɔlifu valé kyan pɔné lé é vo Gakelebale lé kɔn gi fɛwezan valé minwiinzan lé kɔn gi fɛwezan nya, é a faa si yé é a pa é wuomunu lee, yé é wo nwunvɔ Sirinu nwiinzan Ézɔn be Tabrimɔn be Bɛn‐Adad va, ’té ’bɛ a é nyanale Damas. Minwiinzan Aza we pa a lɛ zia léé:

1 Minwiinzannu 19:15

Gakelebale lé a lɛ léé: ’I go, ’i zi sia é ziin bwi gi fɔɔ yé i bɔ Damas; dé i bɔ ’bɛna ’i nyɔnɔ zén Azaɛl nwiin a kɛlɛle Siri nwiinzan blɛn nya we gi.

1 Minwiinzannu 20:34

Bɛn‐Adad lé a lɛ léé: Fla faa lé an ti a si i ti lee, maa dan wo nɔ lɛ i lɛ wo pai, yé ilé zinu é dan kɛlɛ lɛ Damas fɛan zo lé an ti zé kɛlɛ Samari, a zo. Yé Akab léé: Maa é ziin, maa dan daan lɛ i ma, ’té dé ko gi pa do. Yé é gi pa do a va yé é daan a ma yé é go.

2 Minwiinzannu 14:28

Jéroboam kɛlɛwe pɔnénu koo, we faa lé é a kɛlɛ koo, we blɛnblɛn lé é a kɛlɛ guli danna koo, Damas valé Amat lé ke é plale Juda wuo, é da wo nya é ziin Izraɛl wuo fɛan zo koo, wa é gyɛle Izraɛl nwiinzan blɛnnu lé we zuo fe sɛbɛ gi.

2 Minwiinzannu 8:7

Élizé go Damas. Siri munu nwiinzan blɛn Bɛn‐Adad a gyɛ kɛlɛna; yé wo lé a lɛ léé: Bale lé mi da ’ko.

Kelewenu 9:2

yé é a laa ’bɛ lee léé, ’bɛ ’é sɛbɛ nɔ ’é lɛ Damas lé bazorokɔn gi munu zé nya léé, dé é zi dɛrɛ ’ko ta tawozannu ye, dé wa gɔnénu nyaoo, dé wa lomu nyaoo, ’é bale vɔa wo ma yé ’é da wo faa nya Jérusalɛm.