1 Minwiinzannu 10:9 - Kazambale lé Sebe Sauunu 1979

⁹ Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

1 Minwiinzannu 10:9 ပူးပေါင်းရင်းမြစ်များ

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

2 Samuɛl 5:12

David a gi dɔɔ léé, Gakelebale ’é dɔ gligli Izraɛl nwiinzan nya, yé Bale élé tɛrɛ kɛlɛ blɛn alé munu Izraɛl lé we ma.

2 Samuɛl 8:15

David kɛlɛ Izraɛl nwiinzan nya, ’té éé we zin valé we tegele kɛla élé munu faa lɛ.

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

1 Minwiinzannu 5:7

Iiram Salomɔn dére ’ma aan wo, a gi nana é baba, yé é léé: Gakelebale lé é wedɔɔbe nɔ David lɛ, a plale munu kiɛre ’ko nwiin we ma, a drɔɔ ’é vo kyɔ ma.

Minwiinzannu lé Wezuofe Sɛbɛ 17:22

Ilé munu Izraɛl dɔ gligli, léé, wo kɛlɛ ilé munu nya lɛɛfaama; yé bii, Gakelebale, i kɛlɛ wolé Bale nya.

2 Minwiinmunu lé Wezuofe Sɛbɛ 2:11

Tii munu nwiinzan blɛn Uram a zi pa lɛtrɛ nya yé é a pa zia Salomɔn lɛ. É lé a lɛ léé: Gakelebale lé munu sɔ é lɛ, amalé é i dɔ wo nwiinzan nya.

Lɛrɛvɔ Sɛbɛ 18:19

Anlé klebleyi la wo bɔra an ma fiaa, Naa, Gakelebale kɛlɛ an vɔzizan nya.

Lɛrɛvɔ Sɛbɛ 22:8

Munu faa lé woo an yé, woo an ma we nanaan, Woo yéri sié an ma, ’té woo ’wuo nyɔɔn‐an an ma.

Lɛrɛvɔ Sɛbɛ 72:2

Yé é dan ilé munu lé we ble lɛ tegele, Yé é dan i wuozan kiénénu lé we ble lɛ é boen ma,

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.