1 Minwiinzannu 10:3 - Kazambale lé Sebe Sauunu 1979

³ Salomɔn alé we laale faa zi pa, yé we lé Salomɔn ’ka bɔ lɛ a gi fele lɛ a lɛ lo, ’bɛ we ’ka lo.

1 Minwiinzannu 10:3 ပူးပေါင်းရင်းမြစ်များ

2 Samuɛl 14:17

I wuo le léé: Anzan minwiinzan dére ’é flinle nɔ an lɛ ma. Naa, anzan minwiinzan a bélé Bale lé lanje do zo, ’té a tɔné a é dɔle wezin valé wenaané lɛ. Gakelebale, ilé Bale, ’é kɛlɛ i va ma.

2 Samuɛl 14:20

We ’ko nɔlale we ma lé i wuozan Joab a kɛlɛ a zo. Naa, anzan we dɔɔ bélé Bale lé lanje do zo, we faa lé é bɔ tɛrɛ la, é a dɔɔ.

1 Minwiinzannu 10:1

Tɔ lé Salomɔn a ye Gakelebale tɔ kɛlɛle blɛn we gi, Séba munu nwiin le a tawe ’ma aan wo, é da Salomɔn gi dan lɛ tɔraléé gyɛle nya.

1 Minwiinzannu 10:2

É bɔ Jérusalɛm é zuomunu kiɛre koo, nyɔgɔménu lé zianbla ginzannu valé kyan kiɛre valé gɔlɛwezannu kɔné ke wo punu koo, wo nya. É go Salomɔn va, yé we faa lé ke a bli gi, é a fe ’bɛ lɛ.

1 Minwiinzannu 10:4

Salomɔn lé wedɔɔle faa koo, kɔn lé é a dɔ koo,

1 Minwiinzannu 3:12

bé ye, maa dan we kɛlɛ lɛ i dére yɛrama. Maa dan wedɔɔbli valé gikinibli nɔ lɛ i lɛ fɛan zo, i bɔmazan ’ka tan kɛlɛ lɛ lo, yé wo ’ka dan i bɔmazan ye lɛ monomono lo.

2 Minwiinmunu lé Wezuofe Sɛbɛ 9:2

Salomɔn alé welaalenu faa zi pa, yé we lé Salomɔn ’ka bɔ lɛ a gi fele lɛ lo, ’bɛ we ’ka lo.

Wegɔnévɔlenu 13:20

Mi lé éé nyanaan wedɔɔzan sɔnɔ éé kinié wedɔɔzan nya, naa, ’tugyɛzannu béé éé wo saan.

Ézai 42:16

Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

Kolɔs munu 2:3

Gikinile valé wedɔɔle lé fɛwezannu faa a é yɔɔle yee ɛ gi.