1 Minwiinzannu 10:25 - Kazambale lé Sebe Sauunu 1979

²⁵ Yé wo faa do do éé dan a blan nya, gɔɔlifu valé kyanfɛnu koo, sɔnu koo, gulidanfɛnu koo, zianbla ginzannu koo, wisoonu valé sokofalenu koo, wo nya; é a ’bɛ zo lɛɛ faa do do ma.

1 Minwiinzannu 10:25 ပူးပေါင်းရင်းမြစ်များ

Wepélisiananu 36:24

Sibéɔn benu lé ke Aja valé Ana nya. Ana lé é ’yikyɛbɔna ye nyéné saa lé fɛna, ’té é a é ti Sibéɔn lé sokofalenu tabinna, yee lé.

2 Samuɛl 8:10

é é be Joram nwunvɔ David va, wele a va we gi, a bɔvɔle we ma léé, é guli dan Adadézɛɛ va yé é ’bɛ kele. Naa, guli a Toi valé Adadézɛɛ méléna é kyɛn. Joram go gɔɔlifubɔnu koo, kyanbɔnu koo, zénébɔnu koo, wo nya é lee.

2 Samuɛl 8:2

É guli dan Moab munu va yé é wo yia tɛrɛ va yé é bawɔrɔ dan wo yiale ’léé ma; é bawɔrɔ nya fié munu gyɛ yé é bawɔrɔ nya do munu vo é yuɛma. Yé Moabnu pla David wuo, ’té woo gɔɔli banwoo a lɛ.

1 Minwiinzannu 1:33

Yé minwiinzan lé wo lɛ léé: ’Ka go kazan wuomunu nya ka va ma, ’ka an be Salomɔn nyana anlé sokofale punu yé ’ka go a nya Giɔn.

1 Minwiinzannu 10:10

Kyan talan yɔ suiɛdo koo, zianbla ginzannu kiɛre koo, gɔlɛwezannu koo, é a nɔ minwiinzan lɛ. Zianbla ginzannu lé Séba munu nwiin le a nɔ minwiinzan Salomɔn lɛ, mi bɛ ’ka da lɛ ’bɛ zo fɛ kiɛre nya lo.

1 Minwiinzannu 18:5

Akab lé Abudias lɛ léé: ’I gié tɛrɛ faa la, ’i go ’yibɔnanu valé yuubɛnu gi, dé i dan lu ye lɛɛ? yé ko a nɔ wisoonu valé sokofalenu lɛ yé wo vo é yuɛma yé ko ’ka winu gya lo.

1 Minwiinzannu 5:1

Tii minwiinzan Iiram é wuozannu nwunvɔ Salomɔn va, naa yifaama David sɔ a lɛ yé é a ’ma léé, wo nyɔnɔ zén Salomɔn nwiin a kɛlɛle minwiinzan nya we gi é ti pa gi.

2 Minwiinzannu 17:4

Naa, Asiri nwiinzan blɛn a ’ma léé, ’é ma we dɔ Ozé gi, yé Ozé munu nwunvɔ Éjipiti nwiinzan blɛn So va, yé é ’ka gɔɔli banwoo Asiri nwiinzan lɛ lɛɛ ma lɛɛ ma é dɛrɛ lo. Yé Asiri nwiinzan a kun yé é gɔgɔbale vɔ a ma bokɔn gi.

2 Minwiinmunu lé Wezuofe Sɛbɛ 26:8

Amɔn munu blɛ kɛlɛ Ozias lɛ. Yé a tɔ nwɛɛn fɔɔ Éjipiti tɛrɛ glɛ la. Naa, é kɛlɛ plɛplɛ é baba.

2 Minwiinmunu lé Wezuofe Sɛbɛ 9:24

Yé wo faa do do éé dan a blan nya, gɔɔlifu valé kyanfɛnu koo, sɔnu koo, gulidanfɛnu koo, zianbla ginzannu koo, wisoonu valé sokofalenu koo, wo nya; wa kɛla ’bɛ zo lɛɛ faa do do ma.

Ezidras 2:66

Wolé wisoo a wuru yaa yɔ suiɛdo wɔlɛ vu ta suiɛdo, wi lé wa laama mulɛ, ’bɛnu a wuru do yɔ fié wɔlɛ soru,

Esitɛɛ 8:10

Wo wo gyɛ minwiinzan blɛn Asuérus tɔ gi yé wa lɛ tan yé wo minwiinzan blɛn lé bɛmazéné dɔra a ta yé wo wo nɔ vlanburuzannu lɛ. ’Bɛnu vɔ minwiinzan blɛn lé wisoonu ta, yé wo go wo nya.

Esitɛɛ 8:14

Vlanburuzannu vɔ minwiinzan blɛn lé wisoonu ta yé wo go é nya do é kelekele minwiinzan blɛn dére ta. Wo bélidɔwe ’ko zana dɔɔ é ziin fla blɛn Suz ta.

JOB (Job) 42:11

Job bwenu koo, a buru koo, a béé vininnu koo, wo faa da we lɛ a va, yé wo fɛ ble a va alé kɔn gi. Wa gale nyɔ vɔ yé wa tɔrɔ paa we tɔntɔnnu faa lé Gakelebale a bɔ a ma, wolé we ma, yé wo faa gɔɔli valé bɛmakyan nɔ a lɛ.

Lɛrɛvɔ Sɛbɛ 68:29

Ilé Bale léé: ’I plɛplɛ ye ma; Baleoo, Bale, we lé bé kɛlɛ ko lɛ, ’bé ta plaa ma.

Lɛrɛvɔ Sɛbɛ 72:10

Taasis munu nwiinzan blɛnnu valé ’yiworonatɛrɛ nwiinzannu, wo dan vagɔɔli banwo lɛ a lɛ, Séba valé Saba munu nwiinzan blɛnnu wo dan blɛ kɛlɛ lɛ a lɛ.

Lɛrɛvɔ Sɛbɛ 72:15

Wo dan vo lɛ é yuɛma, yé wo dan Sébatɛrɛ la kyan nɔ lɛ a lɛ; Wo ’ka dan yara si lɛ alé bazorole ta lo, wo dan a drɔɔ vo lɛ yi faa do do ma.

Ézai 36:16

Té ka tɔné dɔ Ézékia lɛ lo; naa, Asirinu nwiinzan léma: ’Ka yɔfalo fu nwa ’é lɛ, ’ka da ’é va, yé ka faa do do é dan kalé dɔrɔporo valé bɔrɔyiliporo ble lɛ, yé ka dan ’yi mini lɛ kabo lé ’yiguru gi,

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Ézékiɛl 27:14

Togaama munu da wisoonu koo, wisootazannu koo, mulɛnu koo, wo nya ilé flɛnu gi di.

Matio 2:11

Wo wɔra kɔn gi, yé wo né kiéné valé é bu Mari ye. Wo dia ’wo bli la a ’lɛ yé wa bɔ. ’Bɛ zuo yé wo ’wolé fɛwezan kɔné fuo yé kyan koo, lasikɔrɔpo koo, lia lé wa laama miré koo, wo wo nɔ a lɛ a blan nya.

Weblezannu 3:15

Izraɛl lé nénu siaa Gakelebale lɛ, yé Gakelebale wo siwegizan nwa, Bɛnjamɛn mi Géra be Éud lé é ke bɛbodɔzan nya, a nya. Izraɛl lé nénu blɛfɛ pa a lee Moab nwiinzan Églɔn zé nya.

1 Samuɛl 10:27

Naa, mi vɔnlenu ana duowo, yé wo léé: I! ɛɛ, mi ’ko ɛ ko sié we gii? Yé wo nyé yéli a ma, yé wo ’ka da lɛ blɛfɛ nya a lɛ lo. Naa, Saul é tɔné sia ’bɛnu dére ta.