1 Korent munu 8:3 - Kazambale lé Sebe Sauunu 1979

³ Naa, dé Kazambale sɔ mian lɛ, Kazambale ’bɛzan dɔɔ.

1 Korent munu 8:3 ပူးပေါင်းရင်းမြစ်များ

1 Minwiinzannu 3:3

Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Fwile 33:12

Moizi lé Gakelebale lɛ léé: Maa léma: bii lé an lɛ léé, ’an go munu ’ko nya. Yé dé i dan mi kyɛn pa lɛ an vaa? i ’ka a fe lɛ an lɛ lo, dɔlé té bé fe léé, ’é an dɔɔ an tɔ nya, yé ’é an ye mi zin nya ’é yuɛi.

Fwile 33:17

Gakelebale lé Moizi lɛ léé: I an yuɛi bɔ, yé maa i dɔɔ i tɔ nya, amalé we lé bé laa an lee, maa dan a kɛlɛ lɛ.

Jérémi 1:5

Dé maa ’ka tan i kɛlɛle péli sia lɛ i bu bɔn gi lo, ’té maa i dɔɔ. Yé maa i pa é yɛrama yé maa i dɔ munu faa lé balelayezan nya i bu lé i yaale ’lɛ.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Matio 7:23

Naa, an dan a fe lɛ wo lɛ kpaklaa léé: Maa ’ka ka dɔɔ lɛ monomono lo. Ka lé ka weple kɛla, ’ka si an ma.

WENÉNÉ LE JAN A GYE (Évangile selon Jean) 10:14

Maa a ’blatabinzan zima nya. Maa anlé ’blanu dɔɔ yé wo an dɔɔ,

WENÉNÉ LE JAN A GYE (Évangile selon Jean) 21:17

É lé a lɛ a gɔnɔ yaazan nya léé: Jonas be Simɔn, an sɔ i lɛɛ? É a fe aan wo Piɛri lɛ a gɔnɔ yaazan nya léé: An sɔ i lɛɛ? yé Piɛri bli kyɛ dɔ. Yé é lé a lɛ léé: Mizan, i we faa gi dɔɔ. Bii a gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanu lɛ.

Rom munu 11:2

Kazambale lé munu lé é wo dɔɔ é kyɛn, é ’ka sɔn vɔ lɛ wo ma lo. We lé Kazambale lé sɛbɛ a fe Éli lé we ma, ka ’ka a gi dɔɔa loo? É Izraɛl tɔ fe Kazambale lɛ fɛan zo, ka ’ka a gi dɔɔa loo?

1 Korent munu 13:12

Kyɔ, kaa wenu yé é vɔɔle bélé fɛan zo lé wa vlinvlin gi, a zo, naa, dé a bléyi bɔ, kaa dan wo ye lɛ wéiin kaa ke yara. Kyɔ, maa we kenu dɔɔ, naa, ’bɛ bléyi va maa dan we dɔɔ lɛ bélé fɛan zo lé wo an dɔɔ, a zo.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

Galasi munu 4:9

Naa lao, ka Kazambale dɔɔ. ’Bɛ ta loru, Kazambale ɛ ka dɔɔ. Yé é kɛlɛ kaa yé ka nɔla boawe tɔɔtɔɔ vininzannu ’ko vaa? É kɛlɛ kaa yé ka kɛlɛle wolé luu nya nyi si é ziin?

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.

1 Jan 4:7

Ka lé ka sɔ an lɛ, kaa sɔ kaa ke lɛ ma, naa, Kazambale va lé sɔlɛle éé sié, yé miomian munu sɔ a lɛ, ’bɛzan a Kazambale lé né nya yé ’bɛzan Kazambale dɔɔ.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:19

I kɛlɛwenu koo, ilé sɔlɛle koo, ilé blipale koo, ilé nyanama lé bé pa i yuɛ gi do nya koo, i yara pale we la koo, ilé nyanama voélanu lé é ke di é mini a vininnu ta koo, maa wo dɔɔ.

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.