1 Korent munu 3:9 - Kazambale lé Sebe Sauunu 1979

⁹ Naa, konu valé Kazambale éé nyanama paan ékeva. Ka a Kazambale lé féi nya; ka a Kazambale lé kɔn nya.

1 Korent munu 3:9 ပူးပေါင်းရင်းမြစ်များ

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

1 Korent munu 3:16

Ka ’ka a gi dɔɔa léé, ka a Kazambale kɔn nya loo? Yé Kazambale Léli éé nyanaan ka gi loo?

Maak 16:20

Yé wo go Bale lé we fe lɛ fɛfaana. Mizan vo nyanama pana wo va, yé é dére dɔ gligli gyɛzorowenu lé wa kɛlɛna, wo nya.

Matio 9:37

Yé é lé é zuomunu lɛ léé: ’Sa tana kiɛre yé a gyɛmunu ’ka di lo.

Ézai 61:11

Naa, tɛrɛ éé fɛ kɛla fɛan zo, Yé zian féi gɔn éé bɔa fɛan zo, A zo duo lé Mizan Gakelebale é dan silewegi valé tɔzinfele bɔra lɛ, Bɛnnu faa yuɛ va.

1 Korent munu 3:6

Maa fɛ vɔ, Apolɔs ’yi zén a ta, naa, Kazambale a tin.

Kolɔs munu 2:7

ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

1 Korent munu 6:19

Ka ’ka a gi dɔɔa léé, Léli Sauun lé ke ka gi, ’té Bale a nɔ ka lɛ bɛ, ka kɔlɛ a alé kɔn nya loo? Yé ka ’ka a gi dɔɔa léé, ka ’ka kabozen zé nya lo loo?

Kelewenu 4:11

Gɔlɛ lé ’kaa kɔndɔzannu sɔn vɔ a ma, É kɛlɛ kɔnsungɔlɛ nya, Jézu a ’bɛ nya.

3 Jan 1:8

Webozen lé we ma, é a lé kaa munu ’ko zoɛnu bɛn si, kaa kɛlɛle wolé nyanama pa béénu nya we gi.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 2:21

An ka suru dɔrɔyili zima lé A gɔnɔ ke tegele, a féi nya. É kɛlɛ kaa yé sin ka dɔbɛ nɔla Yé ka kinin dɔrɔyili dɛn nyaa?

Lɛrɛvɔ Sɛbɛ 118:22

Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

Lɛrɛvɔ Sɛbɛ 72:16

’Sa é dan kɛlɛ lɛ di tɛrɛ la, gɔblɛnnu bɛlo ta, Yé wo nɛnɛnu é dan nyɔɔn lɛ bélé Liban lé yilinu zo; Munu vwi é dan bi lɛ fla bélé tɛrɛ la lu zo,

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Matio 16:18

Yé maa lé i lɛ léé, bii a Piɛri nya, yé gɔlɛ ’ko ta lé maa dan anlé léglizi dɔ lɛ yé gamunu nyanana lé plɛplɛ ’ka dan gié lɛ a ta lo.

Ézai 61:5

Bɛnnu é dan da lɛ bɛ, ’té woo fɛ no kalé trubɛ lɛ, Bɛnnu benu é dan kɛlɛ lɛ kalé nyanamapamunu valé dɔrɔféi pazannu nya.

Ézai 32:20

Munu lé woo fɛ vɔa ’yinu gɔ la, ’té woo dirigɔné valé sokofale voo woboma, wo gi é dan nana lɛ.

Wegɔnévɔlenu 9:1

Wedɔɔle élé kɔn dɔ, élé kɔnwɛyili sɔrafié ma nyaa.

Matio 15:13

Jézu a zi pa léé: Fɛ faa lé Lagi Ti ’ka a vɔ lɛ lo, wo dan wo soowɔla lɛ.