1 Korent munu 1:2 - Kazambale lé Sebe Sauunu 1979

² ’Kaa Kazambale lé léglizigimunu lé ka ke Korɛnt, ’té Kazambale ka pa é yɛrama Jézu Krist gi, yé é ka laa ka kɛlɛle alé munu nya we gi bɛ, ko we ka va. ’Kaa faa lé ka Kaazan Jézu Krist tɔ laan, dé ka a fɛofɛana, ko we ka va. Sɛbɛ ’ko a kazé nya é ziin.

1 Korent munu 1:2 ပူးပေါင်းရင်းမြစ်များ

Wepélisiananu 12:8

É si ’bɛna yé é go gɔ vazia, Bétɛl lé yirinwanazia, yé élé sɔkɔnnu dɔ ’bɛna, ’té Bétɛl a yirivɔnazia, yé Ai a yirinwanazia. Yé é Gakelebale banna do kɛlɛ é ziin yé é Gakelebale tɔ laa ’bɛna.

Wepélisiananu 4:26

Sɛt né yaa gɔné nya é ziin, yé é tɔ pa a ma Énɔs. ’Bɛ bléyi va lé munu kun Gakelebale tɔ laale ma.

Lɛrɛvɔ Sɛbɛ 45:11

An lu, ’i tɔné dɔ, ’i an ban i tɔné nya; bé ye; I gi ’é san ilé munu ma ma, é valé i ti lé kɔn ma ma.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

Kelewenu 18:1

’Bɛ zuo Pɔl si Atɛne yé é go Korɛnt.

Kelewenu 22:16

Yé sin, i a mɛ fɛ lɛbɛnnaa? ’I nwa, ’wo i batizéwo yé ’i Mizan tɔ laa yé ilé wenyanénu é si i lee.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Kelewenu 9:13

Ananias lé Mizan lɛ léé: Mizan, we lɛrɛlɛrɛ faa lé mi ’ko a kɛlɛ ilé munu ma Jérusalɛm, maa a ’ma mi kiɛre ta.

Kelewenu 9:14

Balebanmunu segelenu a se kɛlɛ a lɛ léé, munu faa lé wo ke i tɔ laana fɛkona, é bale vɔ ’bɛnu ma.

Kelewenu 9:21

Munu faa lé wa ’ma, wo gi vuru yé wo léé: Mi lé éé nyané paan munu lé wo tɔ ’ko laan, wo ta, Jérusalɛm, yeean ke bɛ loo? Yé é ’ka da lɛ wo si lɛ ’ko yé é go wo nya é yerele Balebanmunu segelenu lɛ loo?

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

Rom munu 10:12

Glɛ ’ka é dɔle Juifinu valé Grɛkinu gi lo. Wo faa zan a do kpen, Mizan nya, yé é a é zin munu faa lé wa tɔ laan, wo lɛ.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 10:32

Dé é a Grɛkinu nyaoo, dé é a Juifinu nyaoo, dé é a Kazambale lé léglizigimunu nyaoo, té ka kɛlɛ wo saanzannu nya lo.

1 Korent munu 12:27

Ka a Krist kɔlɛ nya, yé ka a a kɔlɛvafɛ do donu nya.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

2 Korɛnt Munu 1:1

Maa Pɔl lé an ke Jézu Krist lé nwunvɔzan nya Kazambale lé blibɔmale nya, maa valé bwe Timoté, ko ɛ ke sɛbɛ ’ko gyɛna ’kaa Korɛnt munu lɛ. ’Kaa Kazambale lé léglizigimunu lé ka ke Korɛnt, ko we ka va. ’Kaa Kazambale lé munu faa lé ka ke Akai tɛrɛ faa la, ko we ka va. Sɛbɛ ’ko a kazé nya é ziin.

2 Korɛnt Munu 4:5

Ko ’ka kobozen lé we fena lo; Mizan Jézu Krist lé we lé ko ke a fena, yé ko léé, ko a ka wuozannu nya Jézu lé we ma.

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

1 Tɛsalɔnik munu 1:1

’Kaa Tɛsalɔnik léglizigimunu lé ka ke Tibale valé Mizan Jézu Krist gi bɛ, ko we ka va. Kazambale ’é zin kɛlɛ ka lɛ yé ’é ka vo drɔɔ ma. Maa Pɔl koo, Silvɛn koo, Timoté koo, ko ɛ ke sɛbɛ ’ko gyɛna ka lɛ.

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

2 Tɛsalɔnik munu 1:1

’Kaa Tɛsalɔnik léglizigimunu lé ka ke kaa Ti Bale valé Mizan Jézu Krist gi bɛ, ko we ka va. Maa Pɔl koo, Silvɛn koo, Timoté koo, ko ɛ ke sɛbɛ ’ko gyɛna ka lɛ.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

2 Timoté 2:22

Wenu lé a lɔrɔ éé pɛniɛnu gya kaii bɛ, té wo lɔrɔ i gyɛ lo. Kɛlɛle tegele koo, blipale koo, sɔlɛle koo, vole drɔɔ koo, munu lé woo Mizan tɔ laan wo bɔn gi fu nya, wa kwa kulina wo yele we ma. ’I pa wo va yé ’ka kwa kuli wo nya.

Ébrunu 10:10

Kazambale lé blibɔmawe lé é a fe bɛ, a lɛsɔɔle nya lé kaa kɛlɛ sauun; Jézu ébo kɔlɛ nɔ saraka nya gɔnɔ do kpen lɛɛ faa zé nya, azama.

Ébrunu 13:12

Bɛwemalé Jézu é ziin, munu kɛlɛle sauun abozen nyɛ nya we gi lé é nyané ble flan nwun zi.

Ébrunu 2:11

Naa, mi lé éé munu kɛla sauun, é valé munu lé é wo kɛlɛ sauun, wo faa si gɔnɔ do kpen gi. Bɛwemalé, é ’ka yara gya wo laale ma é zuanénu lo.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.