1 Jan 5:6 - Kazambale lé Sebe Sauunu 1979

⁶ Jézu Krist ’ko, yee ɛ da ’yi valé nyɛ nya. ’Yi saa kaan lo, naa, ’yi valé nyɛ lé. Kazambale Léli a webozen nya, amalé a Léli ɛ a ma we fé.

1 Jan 5:6 ပူးပေါင်းရင်းမြစ်များ

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Lévinu 17:11

Naa, nɛ bélifɛ lé ke nyɛ nya. Maa a nɔ ka lɛ balebanna ta, kalé wenyané ’yibole we ma, naa, bélifɛ lé ke nyɛ va, a nya lé woo kalé wenyané ’yiboo.

Zakari 9:11

Bii Izraɛl, gipawe lé é ke é dɔle gligli nyɛ nya, Alé we ma lé maa dan ilé luugimunu si lɛ guru lé ’yi ’ka a gi lo, a wɔlɛ ma.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Matio 3:16

Jézu batizéwole zuo é si ’yi va tɔɔn, la lɛ so, yé é Kazambale Léli ye zunna ’é ta é kɔlɛ nya bélé plala zo.

Maak 14:24

Yé é lé wo lɛ léma: Fɛ ’ko, an nyɛ lé. Gipawe dɔ plɛplɛ nyɛ lé é zana mi kiɛre lé we ma, yee lé.

WENÉNÉ LÉ LUK A GYE (Évangile selon Luc) 22:20

A zo duo lé dé wo fɛ ble faa é ’yiminikana si yé é a nɔ wo lɛ a fele nya léé: Fɛ lé ke ’yiminikana ’ko gi, an nyɛ lé; é a gipawe dɛrɛ dɔ plɛplɛ nyɛ lé é zana kalé we gi, a nya.

WENÉNÉ LE JAN A GYE (Évangile selon Jean) 14:17

Yee tɔrɔpaazan lé ke webozen Léli nya; tɛrɛlamunu ’ka a yé lo, yé wo ’ka a dɔɔa lo, bɛwemalé wo ’ka bɔa a sile lɛ wozé nya lo; naa, ka a dɔɔ, é a é nyanale ka va yé é dan kɛlɛ lɛ ka gi, azama.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

WENÉNÉ LE JAN A GYE (Évangile selon Jean) 3:5

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 6:55

Naa, an wi a blefɛ bozen nya; yé an nyɛ a minifɛ bozen nya.

Kelewenu 8:36

Wa gona aan wo yé wo bɔ ’yi ma. Miblale léé: ’Yi lo; mɛ fɛ ɛ yi ga an lee léé, té wo an batizéwo loo?

Rom munu 3:25

Kazambale Jézu dɔ wenyané ’yibofɛ nya, a nyɛ lé we ma, blipaalɛmunu zé nya. Kazambale we ’ko kɛlɛ a gɔɔnle we gi léé, ’é a tegele. Wenyanénu lé munu a kɛlɛ é vinin, Kazambale bli tiéé bléyi va, Kazambale fii pla ’bɛnu ta,

Éfez munu 1:7

Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Kolɔs munu 1:4

ko a ’ma léé, ka bli vo Jézu lɛ yé Kazambale lé munu faa va sɔlɛle a ka gi, azama.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Tite 3:5

É ’ka ko si lɛ we gi we tegelenu lé ko a kɛlɛ, wo ma lo; naa, a nyanai zén ko ta, amalé é ko si we gi; é ko yaa é dɛrɛ, yé ’bɛ a bélé ko zurule zo, yé é ko kɛlɛ mi dɛrɛ nya Léli Sauun lé plɛplɛ nya, amalé ko si we gi.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 12:24

Jézu lé é ke gipawe dɛrɛ gizan nya, yee koo, Jézu nyɛ lé é nwɛɛn yé a zuowe fila vɔ é mini Abɛl zé ta bɛ, yee koo, wo sɔnɔ lé ka ke é biéle.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

Ébrunu 9:7

Naa, Balebanmunu ’lɛzan do kpen ɛ goo kɔnmi zi lɛɛ do gɔnɔ do. Dé abozen lé wenyané valé munu lé wenyané ma wi nyɛ ’ka a lee lo, é ’ka goo ’bɛna lo.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.