1 Jan 5:20 - Kazambale lé Sebe Sauunu 1979

²⁰ Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

1 Jan 5:20 ပူးပေါင်းရင်းမြစ်များ

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

WENÉNÉ LÉ LUK A GYE (Évangile selon Luc) 24:45

Yé é wo bɔn gi kini Bale lé sɛbɛnu gi ’male we ma.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

WENÉNÉ LE JAN A GYE (Évangile selon Jean) 14:20

’Bɛ yi la, ka dan a dɔɔ lɛ léé, maa a an Ti gi, yé ka a an gi, yé maa a ka gi.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 14:9

Jézu lé a lɛ léé: Filip, ana mɔn ’té maa a ka va, yé i ’ka tan an dɔɔ lɛ loo? Mi lé é an ye, é an Ti ye. É kɛlɛ kaa yé i léé, an Ti nagɔɔn ’wo lɛɛ?

WENÉNÉ LE JAN A GYE (Évangile selon Jean) 15:4

’Ka vo an gi, yé maa dan vo lɛ ka gi. Fɛan zo lé dé yilibɛ ’ka yili ma lo, yee a bɛ ’ka bɔa baale lɛ éboan lo, a zo duo lé ka é ziin, dé ka ’ka voo an gi lo, ka ’ka bɔa baale lɛ lo.

WENÉNÉ LE JAN A GYE (Évangile selon Jean) 17:14

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo, bɛwemalé dé maa i dére fe wo lɛ, wo za a tɛrɛlamunu gi.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 20:28

Tɔmas lé a lɛ léé: Anzan valé anzé Bale.

WENÉNÉ LE JAN A GYE (Évangile selon Jean) 8:42

Jézu lé wo lɛ léé: Dé é vo léé, Kazambale ɛ ke ka ti nya, ’té an dan sɔ lɛ ka lɛ. Kazambale gi lé an si, yé an da; an ’ka da lɛ anbo ’wuo gi lo, naa, yee ɛ an pa zia.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

Éfez munu 3:18

yé Krist lé sɔlɛle ’wuola koo, a sangi koo, a guru koo, a nwale loru koo, yé ka valé Kazambale lé munu faa a dɔɔ yé ka a sɔlɛle boen dɔɔ,

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 1:8

Naa, é lé é Be lɛ léé: Bale, wo ’ka dan ilé webleblin si lɛ i lee monomono lo. Ilé plaminwiin soowoli vwii a we tegele vwii nya;

1 Jan 2:23

Dé mian éé a fé léé, Jézu ’ka Bale Be nya lo, ’té Bale ’ka ’bɛzan Ti nya lo; mi lé é a fe léé, Jézu a Bale Be nya, ’té Bale a ’bɛzan Ti nya é ziin.

1 Jan 2:24

We lé ka a ’ma a pélisia bléyi va, ’é vo ka gi ma. Yé we lé ka a ’ma a pélisia bléyi va, dé é vo ka gi, ’té ka dan vo lɛ Be valé Ti gi é ziin.

1 Jan 2:6

Mian é léé, ’é a Jézu gi, é a lé ’bɛzan ’é tawo é ziin bélé fɛan zo lé Jézu tawo, a zo.

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.

1 Jan 4:16

Yé kaa va sɔlɛle a Kazambale gi fɛan zo, kaa a dɔɔ, yé kaa bli a ’bɛ lɛ. Kazambale a sɔlɛle nya, yé mian munu éé sɔa a lɛ, é a Kazambale gi yé Kazambale a ’bɛzan gi.

1 Jan 4:2

Kalé Kazambale Léli dɔɔmawe lé ke ’ko: léli faa lé wo ke a fena léé, Jézu da blami nya, wa Kazambale zé nya.

1 Jan 5:1

Mi faa lé wo bli ke a lɛ léé, Jézu a Krist nya, wa Kazambale lé nénu nya, yé dé mi yaati sɔ miomian lɛ, ’té a giné éé sɔa a lɛ é ziin.

1 Jan 5:15

Yé dé ko a gi dɔɔ léé, fɛ lé ko laan, Kazambale é ’é tɔné dɔa ko lɛ a ma, ’té ko a gi dɔɔ léé, fɛ lé ko a laa a lee, é a kozé nya.

1 Jan 5:18

Kaa gi dɔɔ léé, Kazambale lé né do kpen ’ka wenyané kɛla lo. Naa, Kazambale Be éé yuɛ paan wo va, yé Satan ’ka manean wo ma lo.

1 Jan 5:5

Mi lé éé tɛrɛlawe keleé yé a ’wuo é vo a lɛ, dé é ’ka mi lé a bli ke a lɛ léé, Jézu a Kazambale Be nya, azan nya lo, ’té ’bɛzan lé é ke de nyaa?

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?