1 Jan 5:16 - Kazambale lé Sebe Sauunu 1979

¹⁶ Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

1 Jan 5:16 ပူးပေါင်းရင်းမြစ်များ

Wepélisiananu 20:17

Abraam na Sara lé we ma Gakelebale Abimélɛk lé kɔn gi lomu faa kɛlɛ sɔnzannu nya turu. Amalé Abraam bazoro Kazambale lɛ yé Kazambale Abimélɛk béli, yee valé é na valé é wuolomu nya, yé wo kɛlɛ néyaazannu nya é ziin.

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Jérémi 11:14

Jérémi, té bii é dɔ munu ’ko lé we gi lo; té i dére nwa wo ma zanté vɔlenu valé wo ma bazorolenu nya lo. Naa, dé we tɔntɔn bɔ wo ma, dé wo an laa, maa ’ka dan tɔné dɔ lɛ wo lɛ lo.

Jérémi 14:11

Yé Gakelebale lé an lɛ léma: Té i munu ’ko lé muun pa lo.

Jérémi 7:16

Yé bii, té i dɔ mi ’konu lé we gi lo. Té i dére éé bié wolé zanté vɔlenu valé wo ma bazorole nya lo. Té i wo mawe fe an lɛ dunuvɔmadére nya lo, naa, maa ’ka dan an tɔné dɔ lɛ i lɛ lo, azama.

Ézékiɛl 22:30

Yé an mi do nagini wo va léé, ’é gɔrɔ guru do dɔ an ’lɛ, yé é dɔ gɔrɔ buruna tɛrɛ ’ko tamunu ’lɛ, zi dɔle an lee we ma léé, té maa wo kulu ga lo. Naa, an ’ka mi do kpen ye lɛ lo.

Mi Nɔnɔle 12:13

Moizi siaa Gakelebale lɛ léé: Oo Bale, ilé zanté, ’i le ’ko béli ma.

Mi Nɔnɔle 15:30

Naa, dé tɛrɛlazan léé, dé bɛn léé, dé mi do we kɛlɛ yuɛma plɛplɛ nya, é maa Gakelebale sɔnɔ; é a lé wo mi ’ko si alé munu va.

WENÉNÉ LÉ LUK A GYE (Évangile selon Luc) 12:10

Dé mian wenaané fe maa blami Be ma, Bale é dan a ma we vo lɛ; naa, mian é Léli Sauun sɔnɔ, Bale ’ka dan a ma we vo lɛ lo.

WENÉNÉ LE JAN A GYE (Évangile selon Jean) 17:9

Wo tɔ ma lé an ke bazorona. Maa ’ka bazorona tɛrɛlamunu tɔ ma lo, naa, munu lé i wo nɔ an lɛ, wo tɔ ma lé an ke bazorona. Wa izé nya, ’bɛzama.

2 Timoté 4:14

Folibozan Alézandre wenaané kɛlɛ an lɛ kiɛre. Mizan é dan a lɛgi pa lɛ a ma a kɛlɛwenu yɛrama:

1 Jan 5:17

Weple faa a wenyané nya, naa, wenyané ke ana, ’bɛnu ’ka mi no ga lɛ lo.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.

1 Samuɛl 2:25

Dé mi do wenyané kɛlɛ mi bɛ lɛ, Bale é dan a we ble lɛ; naa, dé mi wenyané kɛlɛ Gakelebale lɛ, de ɛ dan dɔ lɛ a zuoo? Yé wo ’ka wo tɔné dɔ lɛ wo ti dére lɛ lo, Gakelebale a a va léé, é wo gyɛ, azama.