1 Jan 5:14 - Kazambale lé Sebe Sauunu 1979

¹⁴ Dé ko fɛ do laa Kazambale lee alé blibɔmawe yɛrama, é ’é tɔné dɔa ko lɛ, amalé ko ’ka goo Bale ’lɛ bli fié nya lo.

1 Jan 5:14 ပူးပေါင်းရင်းမြစ်များ

1 Minwiinzannu 3:12

bé ye, maa dan we kɛlɛ lɛ i dére yɛrama. Maa dan wedɔɔbli valé gikinibli nɔ lɛ i lɛ fɛan zo, i bɔmazan ’ka tan kɛlɛ lɛ lo, yé wo ’ka dan i bɔmazan ye lɛ monomono lo.

JOB (Job) 34:28

’Bɛ lé we ma lé Kazambale éé nyanégyɛzan siaale maan, Yé éé tɔné dɔa wenaanébɔmazan siaale lɛ.

Lɛrɛvɔ Sɛbɛ 145:19

Munu lé woo kanaan a lee, éé wolé blibɔmawenu lɛ sɔɔan, Éé wo siaale maan yé éé wo sié we gi.

Lɛrɛvɔ Sɛbɛ 31:22

Gakelebale drɔɔ ’é vo ma. É élé zin kɛlɛ an lɛ, Bélé fɛan zo lé maa a fla plɛplɛ la, a zo.

Lɛrɛvɔ Sɛbɛ 34:17

Gakelebale éé yara yɔɔan mi nyanénu ma, Wo sele saanle munu faa gi we ma.

Lɛrɛvɔ Sɛbɛ 69:33

Wenaanébɔmazannu an ye aan wo, wo gi nana, Ka‐an ka Bale naginian, fu ’é vɔ ka bli ma ma.

Wegɔnévɔlenu 10:24

Wean mi nyané a kana paan, yee ɛ bɔa a ma; yé mi tegelenu bli bɔ fɛan ma, yee lé wa no wo lɛ.

Wegɔnévɔlenu 15:29

Gakelebale éé sié mi naanénu ma baa, naa, éé tɔné dɔa mi tegelenu lé bazorole lɛ.

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

Matio 21:22

Yé fɛ faa lé ka laan bazorole nya, dé ka bli vo a yele lɛ, ka dan a ye lɛ.

WENÉNÉ LE JAN A GYE (Évangile selon Jean) 11:42

Dé é a maa nya, maa a gi dɔɔ léé, i an dére nyi sié yifaama, naa, maa a fe, munu lé wo zén an zi ’ko, wolé we ma, yé ’wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 14:13

Yé we faa lé ka a laan an tɔ gi, maa a kɛla, an Ti tɔ kɛlɛle blɛn, maa a Be gi we ma.

WENÉNÉ LE JAN A GYE (Évangile selon Jean) 15:7

Dé ka vo an gi yé an dérenu vo ka gi, fɛ faa lé é sɔ ka lɛ, ’ka a ma laa, yé wo dan a nɔ lɛ ka lɛ.

WENÉNÉ LE JAN A GYE (Évangile selon Jean) 16:24

Fɔɔ bléyi ’ko va, ka ’ka tan we do kpen laa lɛ an tɔ gi ’lo. ’Ka fɛ laa, yé ka dan a ye lɛ, ka gi nanale tegelee we ma.

WENÉNÉ LE JAN A GYE (Évangile selon Jean) 9:31

Ko a gi dɔɔ léé, Kazambale ’ka wenyanékɛlɛzannu dére maan lo. Naa, dé mi a bɔa, ’té éé alé blibɔmawe kɛla, ’bɛzan dére lé éé a maan.

Éfez munu 3:12

Jézu Krist lé we ma lé Kazambale zi nɔ kaa lɛ léé, kaa bié ’é sɔnɔ bli ta plɛplɛ nya, kaa bli vole a lɛ we ma.

Ébrunu 10:35

Amalé sin, té ka bli si we lɛ lo. Kalé blivole we lɛ ma gooli a blɛn.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

SEBE LÉ JAK A GYE (Épitre de Jacques) 4:3

Ka fɛ laan é naané, fɛyɛlɔrɔ sile ka ma we gi, amalé ka fɛ laan yé ka ’ka a yé lo.

SEBE LÉ JAK A GYE (Épitre de Jacques) 5:16

Bɛwemalé, ’ka kalé wenyanénu fe ka ke lɛ, yé ’ka bazoro ka ke lé we ma, ka bélile we gi. Mi tegele lé bli faa nya bazorole ’lɛ éé dɔa é baba.

1 Jan 2:28

Sin, né kiénénu, ’ka vo Jézu gi, yé dé é bɔra kaa yuɛ va yé kaa bli ta dɔ plɛplɛ, yé dé a dabléyi bɔ yé yara ’ka kaa gya yé é kaa si ’é ma baa lo.