1 Jan 5:13 - Kazambale lé Sebe Sauunu 1979

¹³ ’Kaa lé ka bli vo Kazambale Be tɔ lɛ, maa we ’konu gyɛ ka lɛ kalé a gi dɔɔle we gi léé, vole é yuɛma lé a glɛ ’ka lo, é a kazé nya.

1 Jan 5:13 ပူးပေါင်းရင်းမြစ်များ

WENÉNÉ LE JAN A GYE (Évangile selon Jean) 1:12

Naa, munu faa lé wa si ’wozé nya, ’té wo bli vo a tɔ lɛ bɛ, é a se kɛlɛ wo lɛ léé, ’wo kinin Kazambale lé nénu nya.

WENÉNÉ LE JAN A GYE (Évangile selon Jean) 2:23

Jézu a Jérusalɛm bléyian va, Taboyi lé fɛti yinu nya, gyɛzorowenu lé é ke a kɛlɛna, munu a ye, yé wo va mi kiɛre wo bli vo a tɔ lɛ.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

WENÉNÉ LE JAN A GYE (Évangile selon Jean) 21:24

Jézu zuozan ’ko ɛ ke we ’konu nayezan nya, yé é wo gyɛ sɛbɛ gi. Yé ko a gi dɔɔ léé, a dére a webozen nya.

WENÉNÉ LE JAN A GYE (Évangile selon Jean) 3:18

Mi lé a bli vo Bale Be lɛ, wo ’ka dan alé we ble lɛ lo; naa, mi lé a bli ’ka vo a lɛ lo, wo alé we ble é kwakwa. A bli ’ka vo lɛ Kazambale Be wɔlɛ do kpen tɔ lɛ lo, azama.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

Kelewenu 3:16

Mi ’ko lé ka a ye yé ka a dɔɔ, bli vole Jézu tɔ lɛ nya lé Jézu tɔ mi ’ko kɛlɛ plɛplɛ. Bli vole Jézu lɛ ɛ mi ’ko béli tata ka faa yuɛ va.

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

2 Korɛnt Munu 5:1

Naa, ko a gi dɔɔ léé, sɔkɔn lé ko ke é nyanale a gi tɛrɛ la ’ko, dé é sɛrɛ, kolé kɔn do ana la gi. Mi ’ka kɔn ’ko dɔ lɛ lo, Kazambale ɛ dɔ ko lɛ, yé a guru ’ka dan zana lɛ a gi monomono lo.

Galasi munu 4:6

Ka a benu nya, bɛwemalé Kazambale é Be Léli pa kaa bli gi, ’té éé siaan: Aba, ’bɛ gi léé, an ti.

1 Piɛri 5:12

Maa a dére sɛ ’ko pana ka lɛ zia Silvɛn lé é ke an yuɛ gi yarapawela bwe nya, a lee. Maa a gyɛ we plale ka lɛ valé ka bɔn gi kinile we gi léé, Kazambale lé zin bozen a ’bɛ ɛ zo. ’Ka dɔ a ta ma.

1 Jan 1:4

Yé ko a we ’konu gyɛna kaa gi nanale tegele we ma.

1 Jan 2:1

Anlé né kiénénu, maa a we ’konu gyɛna ka lɛ, té ka wenyané kɛlɛ lo we ma. Yé dé mianzan wenyané kɛlɛ, kaa ta weblezan a kaa Ti sɔnɔ mi, yee lé é ke mi tegele Jézu Krist nya.

1 Jan 2:21

É ’ka kɛlɛ lɛ léé, ka ’ka webozen dɔɔa lo, bɛwemalé an sɛbɛ gyɛ ka lɛ lo. Naa, ka webozen dɔɔ, ’bɛzama, yé vié do kpen ’ka sié webozen va lo.

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.

1 Jan 2:26

Maa we ’konu gyɛ ka lɛ ka ’wuo?-?sɛrɛzannu lé we ma.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 4:9

Fɛan zo lé kaa sɔ Kazambale lɛ, é a nagɔɔn ’ko zo: Kazambale é Be wɔlɛ do kpen pa zia tɛrɛ la, kaa bélile a ma we gi.

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.

1 Jan 5:11

Yé yee wenayedére lé ke ’ko: vole é yuɛma lé a glɛ ’ka lo, Kazambale a nɔ kaa lɛ, yé yee vole é yuɛma ɛ ke a Be gi.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.