1 Jan 4:9 - Kazambale lé Sebe Sauunu 1979

⁹ Fɛan zo lé kaa sɔ Kazambale lɛ, é a nagɔɔn ’ko zo: Kazambale é Be wɔlɛ do kpen pa zia tɛrɛ la, kaa bélile a ma we gi.

1 Jan 4:9 ပူးပေါင်းရင်းမြစ်များ

Wepélisiananu 22:2

Yé Kazambale léé: ’I be si; i be wɔlɛ do kpen lé é ke Izak nya, ’té é sɔ i lɛ é baba bɛ, bé si yé ’i goan Morija tɛrɛ la yé gɔnu va gɔ do lé maa dan a gɔɔn lɛ i lɛ, bé kyɛ ble an lɛ blɛ nya a nwiin.

Lɛrɛvɔ Sɛbɛ 2:7

Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Maak 12:6

Abozen be do vo a lee é ziin; ’bɛ sɔ a lɛ é baba. É a nwunvɔ wo va é voéla yé é léé: Wo dan an be lɛdɔ lɛ a ma.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LE JAN A GYE (Évangile selon Jean) 10:10

Kyeenwozan éé dan kyeenwole koo, fɛ gyɛle koo, fɛ sɛrɛle koo, wo saa ɛ we ma; an da ’blanu vole é yuɛma we gi, é valé wo fuu dɔle wo ta we ma fɔɔ yé é gié é glɛ ta.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 3:18

Mi lé a bli vo Bale Be lɛ, wo ’ka dan alé we ble lɛ lo; naa, mi lé a bli ’ka vo a lɛ lo, wo alé we ble é kwakwa. A bli ’ka vo lɛ Kazambale Be wɔlɛ do kpen tɔ lɛ lo, azama.

WENÉNÉ LE JAN A GYE (Évangile selon Jean) 5:23

léé, fɛan zo lé woo an Ti tɔ bɔa, wo maa, a Be, tɔ bɔ a zo. Mi lé é ’ka maa Bale Be tɔ bɔa lo, an Ti lé é an pa zia, é ’ka ’bɛ tɔ bɔa lo.

WENÉNÉ LE JAN A GYE (Évangile selon Jean) 6:29

Jézu lé wo lɛ léé: Kazambale lé nyanama lé ke ’ko: maa lé é an pa zia, ka bli vole an lɛ lé.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

WENÉNÉ LE JAN A GYE (Évangile selon Jean) 6:57

Fɛan zo lé an Ti lé é ke é yuɛma é an pa zia, yé an voo é yuɛma alé we ma, a zo duo lé mian éé an blé é dan vo lɛ é yuɛma anlé we ma.

WENÉNÉ LE JAN A GYE (Évangile selon Jean) 8:29

Mi lé é an pa zia é a an va; a sɔlɛwe lé maa kɛla yifaama, amalé é ’ka an voo an do lo.

WENÉNÉ LE JAN A GYE (Évangile selon Jean) 8:42

Jézu lé wo lɛ léé: Dé é vo léé, Kazambale ɛ ke ka ti nya, ’té an dan sɔ lɛ ka lɛ. Kazambale gi lé an si, yé an da; an ’ka da lɛ anbo ’wuo gi lo, naa, yee ɛ an pa zia.

WENÉNÉ LE JAN A GYE (Évangile selon Jean) 9:3

Jézu a zi pa wo lɛ léé: Yee koo, é yaamunu koo, wolé wenyané ma kaan lo, naa, Kazambale panyanama a fɛan zo, yé munu a ye mi ’ko lé we ma, amalé é kɛlɛ.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Ébrunu 1:5

Lanjenu va lanje kyɛn lɛ lé Kazambale léé: An be lé ke i nya, Maa i yaa kyɔɔ? Yé é ziin, lanje kyɛn ma lé é a fe léé: Maa dan kɛlɛ lɛ a Ti nya, Yé é dan kɛlɛ lɛ an be nyaa?

1 Jan 3:16

Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

1 Jan 4:16

Yé kaa va sɔlɛle a Kazambale gi fɛan zo, kaa a dɔɔ, yé kaa bli a ’bɛ lɛ. Kazambale a sɔlɛle nya, yé mian munu éé sɔa a lɛ, é a Kazambale gi yé Kazambale a ’bɛzan gi.

1 Jan 5:11

Yé yee wenayedére lé ke ’ko: vole é yuɛma lé a glɛ ’ka lo, Kazambale a nɔ kaa lɛ, yé yee vole é yuɛma ɛ ke a Be gi.

1 Jan 5:13

’Kaa lé ka bli vo Kazambale Be tɔ lɛ, maa we ’konu gyɛ ka lɛ kalé a gi dɔɔle we gi léé, vole é yuɛma lé a glɛ ’ka lo, é a kazé nya.