1 Jan 4:16 - Kazambale lé Sebe Sauunu 1979

¹⁶ Yé kaa va sɔlɛle a Kazambale gi fɛan zo, kaa a dɔɔ, yé kaa bli a ’bɛ lɛ. Kazambale a sɔlɛle nya, yé mian munu éé sɔa a lɛ, é a Kazambale gi yé Kazambale a ’bɛzan gi.

1 Jan 4:16 ပူးပေါင်းရင်းမြစ်များ

Lɛrɛvɔ Sɛbɛ 31:19

Kwakwa ’é vɔ viéwolɔlunu ta ma, Yuɛma plɛplɛ lɔlunu lé woo we fé mi tegele ma, Boblɛn naané valé serele bole nya, kwakwa ’é vɔ wo ta ma.

Ézai 64:4

Munu lé woo wetegele kɛla ginanale nya, ’té woo tawoo ilé zinu ta, ’té i sele a wo gi, i tawoo wo ’lɛ. Naa, ko wenyané kɛlɛ, amalé i bli fli. Ko dan vo lɛ kle blena kolé wenyané ma fɔɔ yé ko si we gi.

WENÉNÉ LE JAN A GYE (Évangile selon Jean) 6:69

yé ko a gi dɔɔ léé, bii a Krist nya, Kazambale lé Mi Sauun nya, yé ko dɔ ’bɛ ta.

WENÉNÉ LE JAN A GYE (Évangile selon Jean) 9:3

Jézu a zi pa wo lɛ léé: Yee koo, é yaamunu koo, wolé wenyané ma kaan lo, naa, Kazambale panyanama a fɛan zo, yé munu a ye mi ’ko lé we ma, amalé é kɛlɛ.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

1 Jan 3:16

Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.

1 Jan 3:24

Mian éé alé bélidɔwenu kɛla, ’bɛzan a Kazambale gi, yé Kazambale a ’bɛzan gi. A léli lé é a nɔ kaa lɛ, a nya lé kaa gi dɔɔ léé, é a kaa gi.

1 Jan 4:7

Ka lé ka sɔ an lɛ, kaa sɔ kaa ke lɛ ma, naa, Kazambale va lé sɔlɛle éé sié, yé miomian munu sɔ a lɛ, ’bɛzan a Kazambale lé né nya yé ’bɛzan Kazambale dɔɔ.