1 Jan 4:12 - Kazambale lé Sebe Sauunu 1979

¹² Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.

1 Jan 4:12 ပူးပေါင်းရင်းမြစ်များ

Wepélisiananu 32:30

Jakɔb fɛkona tɔ pa Péniɛl, naa, é léé: Maa Kazambale yara ye, yé an béli.

Fwile 33:20

Gakelebale léé: I ’ka bɔa an yara yele lɛ lo, naa, mi ’ka bɔa an yele lɛ yé é vo é yuɛma lo.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

1 Korent munu 13:13

Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Ébrunu 11:27

Blipale nya lé é si Éjipiti tɛrɛ la, yé é ’ka kana lɛ minwiinzan blɛn lé bliflile lee lo, naa, é dɔ gligli, bélé fɛan zo lé mi lé wo ’ka a yé lo, éé ’bɛ yé, a zo.

1 Jan 2:5

Naa, mian éé tawoo Jézu dére ta, Kazambale lé sɔlɛle boen a ’bɛzan gi weboen nya. Ka a Jézu gi weboen nyaa? A tɔmase lé ke ’ko:

1 Jan 3:24

Mian éé alé bélidɔwenu kɛla, ’bɛzan a Kazambale gi, yé Kazambale a ’bɛzan gi. A léli lé é a nɔ kaa lɛ, a nya lé kaa gi dɔɔ léé, é a kaa gi.

1 Jan 4:16

Yé kaa va sɔlɛle a Kazambale gi fɛan zo, kaa a dɔɔ, yé kaa bli a ’bɛ lɛ. Kazambale a sɔlɛle nya, yé mian munu éé sɔa a lɛ, é a Kazambale gi yé Kazambale a ’bɛzan gi.

1 Jan 4:20

Dé mi do a fe léé, Kazambale sɔ ’é lɛ, yé a bwe za a a gi, ’té ’bɛzan a viéwona. A bwe lé éé ’bɛ yé, dé ’bɛ ’ka sɔa a lɛ lo, Kazambale lé é ’ka ’bɛ yé lo, ’té ’bɛ éé sɔa a lɛ kaa?

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.