1 Jan 4:1 - Kazambale lé Sebe Sauunu 1979

¹ Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

1 Jan 4:1 ပူးပေါင်းရင်းမြစ်များ

1 Minwiinzannu 13:18

Yé balelayezan kwa lé a lɛ léé: Maa é ziin, maa a balelayezan nya bélé bii zo; yé lanje do we fe an lɛ Gakelebale dére nya, yé é lé an lɛ léé: ’I da a nya i va ilé kɔn ’léé, ’é buru ble yé ’é ’yi mini. É vié wo a lɛ.

Wegɔnévɔlenu 14:15

Nékénénémi éé bli voo we faa lé wa fé, a lɛ, naa, yuɛikinizan éé ganedɔrana ginian.

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Maak 13:21

Dé mi do a fe ka lɛ léé: Krist a ’ko‐oo, é a mun‐oo, té ka bli é vo ’bɛ lɛ lo.

WENÉNÉ LÉ LUK A GYE (Évangile selon Luc) 12:57

Dé we a tegeleoo, dé é ’ka tegele looo, mɛmalé kabozen ’ka a va sina dɔɔa loo?

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Kelewenu 20:29

Maa gi dɔɔ léé, an gole zuo, glau nyanénu é dan wɔra lɛ ka méléna, yé wo ’ka dan trubɛgimi do kpen vo lɛ lo.

1 Korent munu 12:10

yé éé gyɛzorowenu kɛlɛle blɛ kɛla mi do lɛ, yé éé balelawe fele no mi do lɛ, yé éé léli gɔnɔ dɔɔle no mi do lɛ, yé éé dére gɔnɔ kiɛre vɔle no mi do lɛ, yé é danamla kɛlɛle no mi do lɛ.

1 Korent munu 14:29

Dé é a balelayezannu nya, dé mi fié léé, ɛɛ, dé mi yaa léé, wo ɛ we fe ma, yé mi pɔnénu ’é wo fewe va si.

1 Tɛsalɔnik munu 5:20

Té ka balelawefelenu ye boawe nya lo.

1 Tɛsalɔnik munu 5:21

’Ka wenu faa va si. ’Ka kun a zin ma ma.

2 Tɛsalɔnik munu 2:2

Dé ka a ’ma léé, Mizan dayi bɔ tɛkɛ, kalé zanté, té di é kini ka gi lo, té gligli é zén ka gi lo. Dé léli ɛ feoo, dé mi ɛ feoo, dé é kɛlɛ sɛbɛ lé wo léé, ko ɛ gyɛ, a nyaoo, té ka pa ’bɛ ta lo.

1 Timoté 4:1

Naa, Kazambale Léli lé wéiin léé, bléyi voélanu nya mi kenu é dan si lɛ Kazambale lé we gi yé wo dan ’wo péli vɔ lɛ misaanyonu valé yonu lé wepaale va.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

1 Jan 2:18

Né kiénénu, bléyi voéla lé é ke ’ko. Ka a ’ma léé, Kristmazan é dan da lɛ, yé sin, Kristmazannu kiɛre ana. Amalé ko a gi dɔɔ léé, bléyi voéla bɔ.

1 Jan 2:7

’Kaa lé ka sɔ an lɛ, maa ’ka bélidɔwe dɛrɛ gyɛna ka lɛ lo. Bélidɔwe kyɛn lé ka a ’ma a pélisia bléyi va, yee lé. Bélidɔwe kyɛn ’ko, yee lé é ke dére lé ka a ’ma bɛ, a nya.

2 Jan 1:7

Misaanmunu kiɛre ana tɛrɛ la sin. Wo léé: Jézu Krist ’ka da lɛ blami nya lo. Misaanzannu lé é ke wo nya; Jézu Krist mazannu lé é ke wo nya.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.