1 Jan 3:8 - Kazambale lé Sebe Sauunu 1979

⁸ Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

1 Jan 3:8 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Mi Nɔnɔle 21:9

Moizi zéné foli méné foto nya, yé é a dun yiliblan ’léé, yé dé miomian méné suiɛ dɔ a ma, dé é zénéméné nagini, ’té é béli.

Matio 12:28

Naa, dé maa yonu sié munu gi Kazambale Léli lé plɛplɛ nya, ’té Kazambale lé plale mi nwiin da ka va.

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

Matio 4:3

migidanzan bié a sɔnɔ yé é léé: Dé i a Kazambale Be nya, bé fe gɔlɛ ’konu lɛ léé, ’wo kinin buru nya.

Maak 1:24

yé é léma: Nazarɛtzan Jézu, mɛmalé i we kolé we maa? I da ko gyɛ lɛɛ? Mi lé i ke a nya, maa a dɔɔ: Kazambale lé Mi Sauun lé i nya.

WENÉNÉ LÉ LUK A GYE (Évangile selon Luc) 10:18

Jézu lé wo lɛ léé: Maa Satan ye sina la gi yé é zun bélé lɛɛ yuɛ wuovɔle zo.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 16:11

wo tɛrɛ ’ko nwiinzan blɛn lé we ble, bɛwemalé we lé ke weblele nya, é dan wo bɔn‐in kini lɛ ’bɛ lé we ma.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Rom munu 16:20

Mi vo drɔɔ Bale é dan Satan ’wii lɛ ka gane wuo laoɛ. Kaazan Jézu Krist lé zin ’é kɛlɛ ka ta ma.

Éfez munu 2:2

’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya.

Kolɔs munu 2:15

Yé la worona wemaplɛplɛzannu valé fɛnu faa lé wa lɛdɔama, é wo kele, yé guliwuo vo a lɛ a gale yiliblan ta we ma, yé é wo gyɛ yara nya gɔrɔ la.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

2 Piɛri 2:4

Naa, Kazambale ’ka wenyanékɛlɛ lanjenu vo lɛ lo, é wo vuli gurunu lé wo gi gunu ke, wo gi, yé é wo tadɔ ’bɛna, léé, ’wo weblele lɛbɛn.

1 Jan 1:2

wo yee bélile nagɔɔn ko lɛ, yé ko a ye yé ko kɛlɛ a nayezannu nya, yé yee bélile lé a glɛ ’ka lo, é a Ti va yé é a nagɔɔn ko lɛ, yé yee lé ko ke a fena ka lɛ.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

SEBE LÉ JUD A GYE (Épitre de Jude) 1:6

Lanjenu lé we sele ’é dɔ ka gi é ziin; wo ’ka dɔ lɛ ’wo dɔna lo, yé wo sɔn vɔ ’wobozen nyanana ma yé Kazambale wo yere gɔgɔbalenu lé wo ’ka kinié monomono lo, wo nya, yé é wo tadɔ gunuti tiritirinu va, alé wolé we blele we gi yi blɛn nya. Yee kaan loo?

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.