1 Jan 3:16 - Kazambale lé Sebe Sauunu 1979

¹⁶ Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.

1 Jan 3:16 ပူးပေါင်းရင်းမြစ်များ

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

WENÉNÉ LE JAN A GYE (Évangile selon Jean) 10:15

fɛan zo lé an Ti an dɔɔ yé an Ti dɔɔ, a zo, yé maa gaan anlé ’blanu ta.

WENÉNÉ LE JAN A GYE (Évangile selon Jean) 13:34

Maa bélidɔwe dɛrɛ nɔ ka lɛ léé: ’Ka sɔ ka ke lɛ, bélé fɛan zo lé ka sɔ an lɛ, ’ka sɔ ka ke lɛ a zo.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Rom munu 16:4

wo ’wobozen bɔra ga lɛ an bélile we ma. Maa doan, maa wo bɔ vɔa lo; bɛnnu lé léglizigimunu faa a wo bɔ vɔna é ziin.

Rom munu 5:8

Naa, Jézu zé ’ka ’bɛ zo lo. Bléyian va lé ko ke tan wenyanékɛlɛmunu nya, Krist ko gi ga wo; ’bɛ nya lé Kazambale a nagɔɔn léé, ko sɔ ’é lɛ webozen nya.

2 Korɛnt Munu 4:12

’Ko zo lé ga éé nyanama paan ko gi, ’té bélile éé nyanama paan ka gi.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Éfez munu 5:25

’Kaa le zananu, ka nanu ’é sɔ ka lɛ, bélé fɛan zo lé léglizi sɔ Krist lɛ, a zo ma, yé ébozen nɔ alé we gi,

Filip munu 2:17

Dé wo kalé blipale nɔ Kazambale lɛ bélé saraka zo, dé a ta’yi kɛlɛ an nyɛ nyaoo, ’bɛ an gi nanaan, yé kaa faa gi ’é nana ékeva.

Filip munu 2:30

Naa, Krist lé nyanama lé we ma lé é vo sɛ yé é ga. Dé é kɛlɛ léé, ka ana, an mawenu lé kanɔ a kɛla, é bli si élé tɛrɛla lɛ, yé é wo kɛlɛ.

1 Tɛsalɔnik munu 2:8

Ka wea ko lee é baba, amalé é ’ka sɔ lɛ ko lɛ léé, ko Kazambale lé Wenéné saa nɔ ka lɛ lo, é a lé ko kobozen nɔ ka lɛ ’bɛ ta loru.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 2:6

Mian é léé, ’é a Jézu gi, é a lé ’bɛzan ’é tawo é ziin bélé fɛan zo lé Jézu tawo, a zo.

1 Jan 2:9

Mian é léé, ’é a san va, ’té a bwe za a a gi, é a tan gunutinu va.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;