1 Jan 3:14 - Kazambale lé Sebe Sauunu 1979

¹⁴ Bwenu sɔ kaa lɛ, bɛwemalé kaa a gi dɔɔ léé, kaa si gale va yé kaa go vole é yuɛma va. Mian sɔlɛle ’ka a gi lo, ’bɛzan a ga wuo.

1 Jan 3:14 ပူးပေါင်းရင်းမြစ်များ

Lɛrɛvɔ Sɛbɛ 16:3

Bale lé munu lé wo ke tɛrɛ la, Wo valé Bale lé zisɔlɛmunu, wo ɛ sɔ an lɛ.

Wegɔnévɔlenu 21:16

Mi lé éé sié we dɔɔ zi ta, é dan nyana lɛ gamunu zénna ékema na.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

WENÉNÉ LÉ LUK A GYE (Évangile selon Luc) 15:24

Naa, an be ’ko, é ga, yé é vuo; é san, yé é bɔra a gi. Yé wo kun zana gyɛle ma.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LÉ LUK A GYE (Évangile selon Luc) 7:5

Ko bɛn sɔ a lɛ yé yee ɛ kolé bazorokɔn dɔ, amalé ilé wezin ’ko kɛlɛle a lɛ yara lé.

WENÉNÉ LE JAN A GYE (Évangile selon Jean) 13:35

Dé ka sɔ ka ke lɛ, ’bɛ lé we ma lé mi faa é dan a gi dɔɔ lɛ léé, ka a an zuomunu nya.

WENÉNÉ LE JAN A GYE (Évangile selon Jean) 15:12

Anlé bélidɔwe lé é ke ’ko: ’Ka sɔ ka ke lɛ, bélé fɛan zo lé ka sɔ an lɛ, a zo.

WENÉNÉ LE JAN A GYE (Évangile selon Jean) 15:17

We lé maa ka béli dɔ a nya, ka sɔle ka ke lɛ lé.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

2 Korɛnt Munu 5:1

Naa, ko a gi dɔɔ léé, sɔkɔn lé ko ke é nyanale a gi tɛrɛ la ’ko, dé é sɛrɛ, kolé kɔn do ana la gi. Mi ’ka kɔn ’ko dɔ lɛ lo, Kazambale ɛ dɔ ko lɛ, yé a guru ’ka dan zana lɛ a gi monomono lo.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Éfez munu 1:15

We ’konu faa lé we ma, maa a ’ma aan wo léé, ka bli a Mizan Jézu lɛ, yé Kazambale lé munu faa va sɔlɛle a ka gi,

Éfez munu 2:1

É vinin, ka a é gale kalé we sɛrɛlenu valé kalé wenyanénu lé we ma;

Kolɔs munu 1:4

ko a ’ma léé, ka bli vo Jézu lɛ yé Kazambale lé munu faa va sɔlɛle a ka gi, azama.

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

Ébrunu 13:1

’Ka yara pa bwenu lɔrɔpale ta.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 4:12

Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.

1 Jan 5:13

’Kaa lé ka bli vo Kazambale Be tɔ lɛ, maa we ’konu gyɛ ka lɛ kalé a gi dɔɔle we gi léé, vole é yuɛma lé a glɛ ’ka lo, é a kazé nya.

1 Jan 5:2

Dé Kazambale sɔ kaa lɛ, ’té kaa alé bélidɔwenu kɛla, ’bɛna lé kaa a gi dɔɔa léé, Kazambale lé nénu sɔ kaa lɛ.