1 Jan 3:10 - Kazambale lé Sebe Sauunu 1979

¹⁰ We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:10 ပူးပေါင်းရင်းမြစ်များ

2 Samuɛl 13:22

Dé é a wezin nyaoo, dé é a wenaané nyaoo, Abusalɔm ’ka a do kpen fe lɛ Aminɔn lɛ lo, naa, é a za pa é bli gi; é a zuané Tamaa sɛrɛ, azama.

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

WENÉNÉ LE JAN A GYE (Évangile selon Jean) 1:12

Naa, munu faa lé wa si ’wozé nya, ’té wo bli vo a tɔ lɛ bɛ, é a se kɛlɛ wo lɛ léé, ’wo kinin Kazambale lé nénu nya.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

WENÉNÉ LE JAN A GYE (Évangile selon Jean) 8:47

Mi lé é ke Kazambale zé nya, éé tɔné dɔa Kazambale dérenu lɛ. Ka ’ka Kazambale lé munu nya lo, bɛwemalé ka ’ka ka tɔné dɔa a dére lɛ lo.

Kelewenu 13:10

Dabli gɔnɔ faa kɛlɛ gɔné, misaangɔné, yosɔlɛgɔné, we tegelenu faa nyanézan. I ’ka dan daan lɛ Mizambale lé we tegelenu gi sɛrɛle ma loo?

Rom munu 13:8

Dé é ’ka ka ke lɔrɔ pale nya lo, té mi do kpen lé vɛɛn é kɛlɛ ka ma lo; naa, mian mi bɛnu éé sɔa a lɛ éé Kazambale lé bélidɔwe lɛ sɔɔan.

Éfez munu 5:1

’Ka kɛlɛ Kazambale zuosonazannu nya, sɔlɛnénu wezannu zo.

Kolɔs munu 3:14

Naa, we ’konu ta loru, munu ’é sɔ ka lɛ ma; sɔlɛle a we lɛsɔɔle nya yé é a bélé kyɛsidi lé wa dɔ sɔ la, a zo.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

1 Jan 2:29

Dé ka a gi dɔɔ léé, Kazambale a tegele, ka a gi dɔɔ é ziin léé, mian éé we tegele kɛla, é a Kazambale lé né nya.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

1 Jan 4:21

Kaa bélidɔwe ’ko ye Jézu va, léé, mian Kazambale sɔ a lɛ, a bwe ’é sɔ a lɛ ma.

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.

1 Jan 4:8

Kazambale a sɔlɛle nya, bɛwemalé mi lé munu ’ka sɔa a lɛ lo, ’bɛzan ’ka Kazambale dɔɔa lo.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

1 Jan 5:2

Dé Kazambale sɔ kaa lɛ, ’té kaa alé bélidɔwenu kɛla, ’bɛna lé kaa a gi dɔɔa léé, Kazambale lé nénu sɔ kaa lɛ.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.