1 Jan 2:8 - Kazambale lé Sebe Sauunu 1979

⁸ Naa, duowo, bélidɔwe dɛrɛ lé maa a gyɛna ka lɛ. We ’ko na a é gɔɔnle Jézu lé tawobɛ gi, yé a na a é gɔɔnle é ziin kazé tawobɛ gi, naa, gunutinu a giéna yé san bozen da é kwakwa.

1 Jan 2:8 ပူးပေါင်းရင်းမြစ်များ

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 36:9

Ilé kɔngifɛ kiɛre wo kaan, Ilé fɛ néné no wo lɛ yé lɔrɔ éé sié wo ma.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Ézai 9:2

I munu ’ko kɛlɛ kiɛre, I ginanamawe kɛlɛ wo lɛ. Wo gi a nanana i ’lɛ bélé ’sagyɛmunu gi nanale zo, Woo siaan ginanale nya, bélé gulizarafɛ gulizannu zo.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 4:16

Munu ’ko, wa é nyanale gunutinu va yé wo san blɛn ye; Yé wo lé wo ke é nyanale ga furɔ wuo, ga tɛrɛ la, san nwɛɛn wo ta.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.

WENÉNÉ LE JAN A GYE (Évangile selon Jean) 1:9

San ’ko a san bozen nya; é da tɛrɛ la, yé é munu faa va kini.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

WENÉNÉ LE JAN A GYE (Évangile selon Jean) 12:46

Maa ɛ ke san nya, yé maa ɛ da tɛrɛ la léé, dé miomian bli vo an lɛ, é ’ka vo gunutinu va lo.

WENÉNÉ LE JAN A GYE (Évangile selon Jean) 13:34

Maa bélidɔwe dɛrɛ nɔ ka lɛ léé: ’Ka sɔ ka ke lɛ, bélé fɛan zo lé ka sɔ an lɛ, ’ka sɔ ka ke lɛ a zo.

WENÉNÉ LE JAN A GYE (Évangile selon Jean) 8:12

Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Rom munu 13:12

Béli tanna mɔn, é vo sɛ yé tu é kini. Bɛwemalé ’ka daan gunuti va we kɛlɛle ma, yé ’ka yiéyi lé gulidanfɛnu sia.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

Éfez munu 5:8

É li, ’té ka a gunutinu va, yé sin ka va a é kinile Mizan gi. ’Ka tawo ka va kinile yɛrama.

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 4:11

Ka lé ka sɔ an lɛ, dé kaa sɔ Kazambale lɛ ’ko zo, é a lé kaa sɔ kaa ke lɛ é ziin.

1 Jan 4:21

Kaa bélidɔwe ’ko ye Jézu va, léé, mian Kazambale sɔ a lɛ, a bwe ’é sɔ a lɛ ma.