1 Jan 2:7 - Kazambale lé Sebe Sauunu 1979

⁷ ’Kaa lé ka sɔ an lɛ, maa ’ka bélidɔwe dɛrɛ gyɛna ka lɛ lo. Bélidɔwe kyɛn lé ka a ’ma a pélisia bléyi va, yee lé. Bélidɔwe kyɛn ’ko, yee lé é ke dére lé ka a ’ma bɛ, a nya.

1 Jan 2:7 ပူးပေါင်းရင်းမြစ်များ

Lévinu 19:18

Té ibo lé we lɛ gi pa lo, té ilé munu vawe pa i bli gi lo. I bɔluzan ’é sɔ i lɛ bélé biibozen zo. Maa a Gakelebale nya.

Lévinu 19:34

Bɛn bɛ mi lé ke é nyanale ka va, ’ka alé we kɛlɛ bélé kalé flami zo; ’é sɔ ka lɛ bélé kabozen zo, naa, ka a bɛnnu nya é vinin Éjipiti tɛrɛ la. Maa a Gakelebale, kalé Bale nya.

Matio 5:43

Ka a ’ma léé, wa fe léé: I bɔluzan ’é sɔ i lɛ, yé i nyanézan za ’é vo i gi ma.

WENÉNÉ LE JAN A GYE (Évangile selon Jean) 13:34

Maa bélidɔwe dɛrɛ nɔ ka lɛ léé: ’Ka sɔ ka ke lɛ, bélé fɛan zo lé ka sɔ an lɛ, ’ka sɔ ka ke lɛ a zo.

Kelewenu 17:19

Yé wo Pɔl si yé wo goan wolé weblena Aréopaze gɔ nwiin yé wo léé: We dɛrɛ lé i a paana munu gi lao bɛ, bé gi fe ko lɛ, ko ’ma.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

Ébrunu 6:9

An blibɔmamunu, dé ko a we fena ’ko zo‐oo, é ’ka dɔ lɛ ko gi léé, kazé a ’bɛ zo lo. É a ko gi léé, kazé a fɛan zo, Bale é dan bɔ lɛ ka va.

1 Jan 2:24

We lé ka a ’ma a pélisia bléyi va, ’é vo ka gi ma. Yé we lé ka a ’ma a pélisia bléyi va, dé é vo ka gi, ’té ka dan vo lɛ Be valé Ti gi é ziin.

1 Jan 3:11

Wean wa fe ka lɛ yé ka a ’ma a pélisia bléyi va fɔɔ kyɔ, yee lé é ke ’ko: é a lé kaa sɔ kaa ke lɛ.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

1 Jan 3:21

Ka lé ka sɔ an lɛ, dé kaa bli ’ka kaa gya we nya lo, ’té kaa bli ta a é dɔle plɛplɛ Kazambale yara.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

1 Jan 4:11

Ka lé ka sɔ an lɛ, dé kaa sɔ Kazambale lɛ ’ko zo, é a lé kaa sɔ kaa ke lɛ é ziin.

1 Jan 4:21

Kaa bélidɔwe ’ko ye Jézu va, léé, mian Kazambale sɔ a lɛ, a bwe ’é sɔ a lɛ ma.

1 Jan 4:7

Ka lé ka sɔ an lɛ, kaa sɔ kaa ke lɛ ma, naa, Kazambale va lé sɔlɛle éé sié, yé miomian munu sɔ a lɛ, ’bɛzan a Kazambale lé né nya yé ’bɛzan Kazambale dɔɔ.