1 Jan 2:5 - Kazambale lé Sebe Sauunu 1979

⁵ Naa, mian éé tawoo Jézu dére ta, Kazambale lé sɔlɛle boen a ’bɛzan gi weboen nya. Ka a Jézu gi weboen nyaa? A tɔmase lé ke ’ko:

1 Jan 2:5 ပူးပေါင်းရင်းမြစ်များ

Lɛrɛvɔ Sɛbɛ 105:45

Wolé a déretawenu kɛlɛle we gi, Wolé alé bélidɔwenu ta tawole we ma. ’Ka Gakelebale tɔ zin fe.

Lɛrɛvɔ Sɛbɛ 106:3

Munuan woo tawoo bélidɔwe ta, ’Té woo we tegele kɛla bléyi faa va, wozé a néné.

Lɛrɛvɔ Sɛbɛ 119:146

Maa i laan; ’i an si we gi, Maalé ilé weplalenu ta tawole we ma.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Lɛrɛvɔ Sɛbɛ 119:4

I we pla munu lɛ, Wolé i déretawenu kɛlɛle tegele we ma.

Wegɔnévɔlenu 28:7

Mi lé éé bélidɔwe ta tawoo é a gikinibe nya, naa, mi lé éé goo wenaané kɛlɛna, é é ti gya yara nya.

Wegɔnévɔlenu 8:32

Yé sin an benu, ’ka tɔné dɔ an lɛ; Munu lé woo tawoo anlé tawobɛ gi, wozé a néné.

Bale Lé We Gifezan 8:5

Mi lé éé bélidɔwe ta tawoo, é ’ka wenaané gi dɔɔa lo, naa, wedɔɔzan éé bléyinu valé weblele dɔɔa é bli gi.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LE JAN A GYE (Évangile selon Jean) 14:21

Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 15:5

Maa a bélé dɔrɔyili zo, yé ka a bélé a bɛnu zo. Mi lé éé voo an gi yé maa voo a gi, éé baan di, naa, dé an ’ka lo, ka ’ka bɔa we do kɛlɛle lɛ lo.

WENÉNÉ LE JAN A GYE (Évangile selon Jean) 6:56

Mi lé éé an wi blé yé éé an nyɛ minian, éé voo an gi, yé maa voo ’bɛzan gi.

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

SEBE LÉ JAK A GYE (Épitre de Jacques) 2:22

Bé ye, blipale valé é kɛlɛwenu a wo ke va; yé kɛlɛwenu nya lé blipale lɛ éé sɔɔan.

1 Jan 3:24

Mian éé alé bélidɔwenu kɛla, ’bɛzan a Kazambale gi, yé Kazambale a ’bɛzan gi. A léli lé é a nɔ kaa lɛ, a nya lé kaa gi dɔɔ léé, é a kaa gi.

1 Jan 4:17

Fɛan zo lé Jézu ke, a zo lé kaa ke é ziin tɛrɛ la. We ’ko ma lé sɔlɛle boen ke kaa gi, kaa bli ta dɔle plɛplɛ webleyi nya we gi.

1 Jan 4:18

Kana ’ka sɔlɛle gi lo, naa, sɔlɛle boen éé kana sié mi gi. Dé i a kanana, ’té é a i gi léé, wo dan we lɛdɔ lɛ ’é gi; mian éé kanaan, sɔlɛle boen ’ka ’bɛzan gi lo.

1 Jan 5:2

Dé Kazambale sɔ kaa lɛ, ’té kaa alé bélidɔwenu kɛla, ’bɛna lé kaa a gi dɔɔa léé, Kazambale lé nénu sɔ kaa lɛ.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

2 Jan 1:6

Yé mɛ ɛ ke sɔlɛle nyaa? Tawole Bale lé bélidɔwenu yɛrama, yee ɛ ke sɔlɛle nya. Bélidɔwe lé é a lé ka a ta tawo, yee lé é ke bɛ, ka a ’ma fɛan zo a pélisia bléyi va, yee lé.

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.