1 Jan 2:29 - Kazambale lé Sebe Sauunu 1979

²⁹ Dé ka a gi dɔɔ léé, Kazambale a tegele, ka a gi dɔɔ é ziin léé, mian éé we tegele kɛla, é a Kazambale lé né nya.

1 Jan 2:29 ပူးပေါင်းရင်းမြစ်များ

Jérémi 13:23

Étiopi mi éé bɔa é kɔlɛ nɔlale lɛɛ? Kua éé bɔa é kɔlɛ vɔɔle nɔlale lɛɛ? A zo duo lé, ka lé, wenaané kɛlɛlɛ vɔ ka lee, ka bɔaléé, ka wezin kɛlɛɛ?

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LE JAN A GYE (Évangile selon Jean) 1:13

Wo ’ka wo yaa lɛ tɛrɛla né yaabɛ nya lo, wo ’ka wo yaa lɛ blaminu lé sɔlɛwe nya lo, wo ’ka wo yaa lɛ mi lé blibɔmale nya lo, naa, wo wo yaa Kazambale lé blibɔmale nya.

WENÉNÉ LE JAN A GYE (Évangile selon Jean) 7:18

Mi lé é ke we fena ébo dére nya abozen tɔbɔle lé é ke a ginina; naa, mi lé é ke é nwunvɔzan tɔbɔle ginina, ’bɛzan lé wefele a tegele yé weple do kpen ’ka ’bɛzan gi lo.

Kelewenu 10:35

Naa, bɛn faa gi, mi lé éé kanaan Bale lee, ’té ’bɛzan éé we tegele kɛla, yee ɛ sɔ a lɛ.

Kelewenu 22:14

Yé é léé: Ko tranu zé Bale i si a va léé, ’i élé blibɔmawe dɔɔ, yé ’i Mi Tegele ye, yé ’i yeebozen dére ’ma.

Kelewenu 3:14

Ka sɔn vɔ Mi Sauun lé é ke tegele, a ma, yé ka a laa Pilat lee léé, ’é wezin kɛlɛ ’wo lɛ migyɛzan bɔrale nya bokɔn gi ’wo lɛ.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Ébrunu 7:2

Yee ɛ lɛ lé Abraam fɛ faa vuzan nɔ. A tɔ gi léé, minwiinzan lé éé we tegele kɛla, yé é ziin, é a Salɛm nwiinzan nya, ’bɛ gi léé, minwiinzan lé éé mi voo drɔɔ.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

1 Piɛri 1:23

Naa, wo ’ka ka yaa lɛ é dɛrɛ fɛwɔlɛ lé éé vɔn‐o, a nya lo, wo ka yaa é dɛrɛ fɛwɔlɛ lé é ’ka vɔn‐o lo, a nya, Kazambale dére yuɛmale lé éé voo lɛɛfaama, a nya.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

2 Piɛri 1:4

Alé fuasan valé alé wezin ma lé Bale blivolɛdére wezannu blɛɛn fe kaa lɛ, yé wo yele ma lé we vɔnle lé é ke tɛrɛ la, blibɔle fɛnu ma we ma, yé ka bɔ sole lɛ ’bɛnu lee yé Bale dɔbɛ é vɔ ka lee.

1 Jan 2:1

Anlé né kiénénu, maa a we ’konu gyɛna ka lɛ, té ka wenyané kɛlɛ lo we ma. Yé dé mianzan wenyané kɛlɛ, kaa ta weblezan a kaa Ti sɔnɔ mi, yee lé é ke mi tegele Jézu Krist nya.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

1 Jan 3:7

Né kiénénu, té mi do é dabli kɛlɛ ka lɛ lo ma. Mian é ke we tegele kɛlɛna, ’bɛzan a tegele, bélé fɛan zo lé Jézu ke tegele, a zo.

1 Jan 4:7

Ka lé ka sɔ an lɛ, kaa sɔ kaa ke lɛ ma, naa, Kazambale va lé sɔlɛle éé sié, yé miomian munu sɔ a lɛ, ’bɛzan a Kazambale lé né nya yé ’bɛzan Kazambale dɔɔ.

1 Jan 5:1

Mi faa lé wo bli ke a lɛ léé, Jézu a Krist nya, wa Kazambale lé nénu nya, yé dé mi yaati sɔ miomian lɛ, ’té a giné éé sɔa a lɛ é ziin.

1 Jan 5:18

Kaa gi dɔɔ léé, Kazambale lé né do kpen ’ka wenyané kɛla lo. Naa, Kazambale Be éé yuɛ paan wo va, yé Satan ’ka manean wo ma lo.

1 Jan 5:4

munu faa lé wo ke Kazambale lé nénu nya, woo tɛrɛlawenu keleé yifaama, bɛwemalé Kazambale lé bélidɔwenu kɛlɛle ’ka wo ma tɔntɔn lo. Fɛ lé éé tɛrɛlawe keleé yé a ’wuo éé voo a lɛ, yee lé ke kaa blivole Jézu lɛ nya.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.