1 Jan 2:27 - Kazambale lé Sebe Sauunu 1979

²⁷ Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

1 Jan 2:27 ပူးပေါင်းရင်းမြစ်များ

Wegɔnévɔlenu 28:5

Munu lé wo wobo no wenaané lɛ, wo ’ka we tegele gi maan lo, naa, mi lé éé Gakelebale naginian éé we faa gi maan.

Lévinu 7:35

Sarakanu lé woo wo kyɛ blé Gakelebale ’lɛ, a vafɛ lé wa no Arɔn valé é benu lɛ, yee lé ke bɛ; a péli é dan sia lɛ yian nya lé wo baleban nyanama pale péli sia an lɛ, a yi nya.

Mi Nɔnɔle 7:43

Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya;

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

WENÉNÉ LE JAN A GYE (Évangile selon Jean) 14:16

Yé maa dan bazoro lɛ an Ti lɛ, yé é dan tɔrɔpaazan bɛ nɔ lɛ ka lɛ, yé ’bɛ é dan vo lɛ ka va yifaama.

WENÉNÉ LE JAN A GYE (Évangile selon Jean) 14:17

Yee tɔrɔpaazan lé ke webozen Léli nya; tɛrɛlamunu ’ka a yé lo, yé wo ’ka a dɔɔa lo, bɛwemalé wo ’ka bɔa a sile lɛ wozé nya lo; naa, ka a dɔɔ, é a é nyanale ka va yé é dan kɛlɛ lɛ ka gi, azama.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 6:45

Balelayemunu a gyɛ wolé sɛbɛ gi léé: Kazambale é dan we paa lɛ wo faa gi. Dé miomian é an Ti dére ’ma, yé é alé we paale nyi si, ’bɛzan ɛ dan an va.

1 Korent munu 2:12

Dé é a kaa nya, léli lé kaa a ye, é ’ka tɛrɛlamunu léli nya lo, naa, léli lé éé sié Kazambale va, yee lé kaa a ye, wenu lé Kazambale a nɔ kaa lɛ élé zin lé we ma, wo dɔɔle we ma.

1 Korent munu 2:13

Ko ’ka a fé tɛrɛlamunu lé wedɔɔdérenu nya lo; naa, dérenu lé Kazambale Léli a paan ko gi, wo nya lé ko fé, ’té ko léliwenu gi fé lélimunu lɛ.

2 Korɛnt Munu 1:21

Yé mian é ko dɔ gligli ka va Krist gi, yé é nyɔnɔ zén ko nwiin, Kazambale lé,

Éfez munu 4:21

’té dé ka alé we ’ma webozen nya, ’té webozen lé é ke Krist gi, ’té ’bɛ yɛrama lé wo we paa ka gi.

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

1 Piɛri 1:23

Naa, wo ’ka ka yaa lɛ é dɛrɛ fɛwɔlɛ lé éé vɔn‐o, a nya lo, wo ka yaa é dɛrɛ fɛwɔlɛ lé é ’ka vɔn‐o lo, a nya, Kazambale dére yuɛmale lé éé voo lɛɛfaama, a nya.

1 Jan 2:28

Sin, né kiénénu, ’ka vo Jézu gi, yé dé é bɔra kaa yuɛ va yé kaa bli ta dɔ plɛplɛ, yé dé a dabléyi bɔ yé yara ’ka kaa gya yé é kaa si ’é ma baa lo.

1 Jan 3:24

Mian éé alé bélidɔwenu kɛla, ’bɛzan a Kazambale gi, yé Kazambale a ’bɛzan gi. A léli lé é a nɔ kaa lɛ, a nya lé kaa gi dɔɔ léé, é a kaa gi.

2 Jan 1:2

Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.