1 Jan 2:24 - Kazambale lé Sebe Sauunu 1979

²⁴ We lé ka a ’ma a pélisia bléyi va, ’é vo ka gi ma. Yé we lé ka a ’ma a pélisia bléyi va, dé é vo ka gi, ’té ka dan vo lɛ Be valé Ti gi é ziin.

1 Jan 2:24 ပူးပေါင်းရင်းမြစ်များ

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

WENÉNÉ LÉ LUK A GYE (Évangile selon Luc) 1:2

Munu lé wo kɛlɛ anayemunu nya a pélisia bléyi va yé wo kinin Dérefezannu nya bɛ, wa fe ko lɛ.

WENÉNÉ LÉ LUK A GYE (Évangile selon Luc) 9:44

’Kaanu, ’ka tɔné dɔ we ’ko lɛ é zima ma: wo dan maa blami Be pa lɛ munu lee.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 15:7

Dé ka vo an gi yé an dérenu vo ka gi, fɛ faa lé é sɔ ka lɛ, ’ka a ma laa, yé wo dan a nɔ lɛ ka lɛ.

WENÉNÉ LE JAN A GYE (Évangile selon Jean) 6:56

Mi lé éé an wi blé yé éé an nyɛ minian, éé voo an gi, yé maa voo ’bɛzan gi.

WENÉNÉ LE JAN A GYE (Évangile selon Jean) 8:25

Yé wo lé a lɛ léé: Bii a de nyaa? Jézu a zi pa wo lɛ léé: Maa a mi lé maa a fe ka lɛ a pélisia bléyi va, a nya.

Filip munu 4:15

’Kaa Filip munu, ka a gi dɔɔ kaboan léé, Wenéné fele pélisiana, bléyian va lé an si Masédɔane, léglizi bɛ do kpen ’ka we lɛ an zi gɔɔli lé wa ye, a nya lo. ’Kaa do kpen ɛ a kɛlɛ.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

1 Jan 1:3

Yee lé ko a ye yé ko a ’ma, ko a yee ɛ fena ka lɛ, kaa kɛlɛle do we ma. Naa, ko a é kɛlɛle do kaa Ti valé é Be Jézu Kristnu nya.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 2:7

’Kaa lé ka sɔ an lɛ, maa ’ka bélidɔwe dɛrɛ gyɛna ka lɛ lo. Bélidɔwe kyɛn lé ka a ’ma a pélisia bléyi va, yee lé. Bélidɔwe kyɛn ’ko, yee lé é ke dére lé ka a ’ma bɛ, a nya.

1 Jan 3:24

Mian éé alé bélidɔwenu kɛla, ’bɛzan a Kazambale gi, yé Kazambale a ’bɛzan gi. A léli lé é a nɔ kaa lɛ, a nya lé kaa gi dɔɔ léé, é a kaa gi.

1 Jan 4:13

A Léli nɔle kaa lɛ lé we ma lé kaa a gi dɔɔ léé, kaa a a gi, yé é a kaa gi.

1 Jan 4:15

Dé mian é a fe léé, Jézu a Kazambale Be nya, ’té Kazambale a ’bɛzan gi, yé ’bɛzan a Kazambale gi.

1 Jan 4:16

Yé kaa va sɔlɛle a Kazambale gi fɛan zo, kaa a dɔɔ, yé kaa bli a ’bɛ lɛ. Kazambale a sɔlɛle nya, yé mian munu éé sɔa a lɛ, é a Kazambale gi yé Kazambale a ’bɛzan gi.

2 Jan 1:2

Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.

2 Jan 1:9

Miomian éé go baa yé é ’ka voo Krist lé wepaale va lo, Kazambale ’ka azé nya lo. Yé mian éé tawo wepaalenu ’ko ta, Kazambale valé é Be a azé nya.

3 Jan 1:3

Bwenu da aan wo, webozen lé é ke i gi, é valé tawobɛ lé i ke tawona a nya webozen nya, wa fe aan wo ko lɛ, é an gi nana é baba.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.