1 Jan 2:19 - Kazambale lé Sebe Sauunu 1979

¹⁹ Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

1 Jan 2:19 ပူးပေါင်းရင်းမြစ်များ

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

Lɛrɛvɔ Sɛbɛ 37:28

Naa, we tegele sɔ Gakelebale lɛ, Yé é ’ka sɔn vɔa élé yarapawelazannu ma lo; Éé wo tabin‐é yifaama. Naa, mi nyanénu kulu é dan ga lɛ.

Lɛrɛvɔ Sɛbɛ 41:9

Wo léé: Gawe a kun, Bé ye é yiale bɛ; é ’ka dan nwa lɛ é dɛrɛ lo.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 8:13

Wo lé wo dia gɔlɛ ta, wa munu lé woo Bale dére maan yé wa sié gi nanale nya, wo nya; naa, wo suni ’ka goo baa lo, woo bli voo Bale dére lɛ bléyi sɛ nya, yé woo diaan mi gidanbléyi va.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

Kelewenu 15:24

Ko a ’ma léé, mi kenu lé wo si ko va, ’té ko ’ka wo nwunvɔ lɛ lo, wo gi bɔrɔ pa ka ma wo dérenu nya yé wo ka gi vuru ka ma.

Kelewenu 20:30

Yé maa gi dɔɔ léé, ka va mi kenu é dan nwa lɛ yé wo dan zirizowenu paa lɛ munu gi, yé Jézu zuomunu é dan zén lɛ wo zuo.

Rom munu 9:6

É ’ka kɛlɛ lɛ léé, Kazambale dére ’lɛ ka lo lo; naa, munu lé wo ke Izraɛl kulu nya, wo faa ’ka Izraɛl bozen nya lo,

1 Korent munu 11:19

Yé é a lé ka gi é bɔi, yé ’bɛ nya lé munu é dan mi zinnu dɔɔ lɛ.

Bélidɔwesɛbɛ Fiézan 13:13

mi sɛrɛlenu nwa wo méléna, yé wo flamunu ’wuo sɛrɛ a fele nya léé, kaa go, kaa bale bɛnu bɔ, ’té ka ’ka ’bɛ balenu dɔɔa lo,

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

2 Timoté 3:9

Naa, wolé we ’ka dan vɔ lɛ a ma lo, yé munu faa é dan wo ye lɛ ’tugyɛzannu nya, bélé fɛan zo lé wo Janɛs valé Jambrɛs ye ’tugyɛzannu nya, a zo.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

2 Jan 1:7

Misaanmunu kiɛre ana tɛrɛ la sin. Wo léé: Jézu Krist ’ka da lɛ blami nya lo. Misaanzannu lé é ke wo nya; Jézu Krist mazannu lé é ke wo nya.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

SEBE LÉ JUD A GYE (Épitre de Jude) 1:19

Wa tan ’wo dɔbɛ kyɛn gi yé Kazambale Léli kele wo ma, yé woo ɛ munu kinié ékema.