1 Jan 2:16 - Kazambale lé Sebe Sauunu 1979

¹⁶ We faa lé é ke tɛrɛ la, mi dɔbɛ kyɛn lé sɔlɛwe koo, yuɛbɔle fɛ ma koo, bo kɛlɛle blɛn koo, wo ’ka sié Ti va lo. Woo sié tɛrɛlawe va.

1 Jan 2:16 ပူးပေါင်းရင်းမြစ်များ

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

Wepélisiananu 6:2

yé Bale benu munu lunu ye, léé, wa nɔnɔmi, yé wo wo si ’wo nanu nya, é sɔ wo lɛ fɛan zo, a zo.

JOB (Job) 31:1

An gi pa an yuɛ va do léé, Té an yuɛ dɔ blɛnzan ta lo we gi.

Lɛrɛvɔ Sɛbɛ 73:6

Boblɛn a é vɔle wo bɔrɔ ma bele bɔrɔmafɛ zo, Glawe kɛlɛle a wo ta bélé varɔ zo.

Lɛrɛvɔ Sɛbɛ 78:18

Wo Bale gi dan wo bli gi, Yé wo ’wo blibɔmafɛ blele ma laa a lee.

Lɛrɛvɔ Sɛbɛ 78:30

Bléyian va lé wolé fɛblele a tan wo ’léé, ’Té a lɔrɔ ’ka tan si lɛ wo ma lo,

Wegɔnévɔlenu 27:20

Gamunu nyanana valé guru ’ka faan lo, a zo duo lé mi yuɛ ’ka kaan yɛrɛ yele nya lo.

Wegɔnévɔlenu 6:25

Té i bli é bɔ a ma a nɔnɔmi we ma lo, yé té i daan ibo ma léé, é i saan é yuɛtakɔné gyɛle nya lo.

Daniɛl 4:30

minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Mi Nɔnɔle 11:34

Wo fɛkona tɔ pa Kibrɔt‐Ataava. Munu lé, blibɔle fɛ ma wo kun, wo wo pa ana, azama.

Mi Nɔnɔle 11:4

Boamunu lé wo zén Izraɛlnu va, wo bli bɔle sia fɛnu ma, yé Izraɛlnu boen é ziin, wo kun wuvɔle ma, a fele nya léé: De ɛ dan wi nɔ lɛ ko lɛ yé ko blee?

Matio 4:8

Yonufaatagɔné go a nya é ziin gɔ grɔgrɔ nwiin, yé é tɛrɛ la bɛntɛrɛ faa valé ’wolé fua gɔɔn a lɛ,

Matio 5:28

Naa, maa lé ka lɛ léé, miomian é yuɛ vɔ le do ta é bli bɔle a ma we gi, ’té é a gini é bli gi kwakwa.

WENÉNÉ LÉ LUK A GYE (Évangile selon Luc) 4:5

Yonufaatagɔné go a nya loru yé é tɛrɛ la bɛntɛrɛnu faa gɔɔn a lɛ bléyi do kpen nya

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

1 Korent munu 10:6

Naa, we ’konu bɔ tɔmasenu nya, a gɔɔnle ko lɛ we gi léé, té ko bli é bɔ weplenu ma bélé wozé zo lo.

Galasi munu 5:17

Naa, mi dɔbɛ kyɛn lé blibɔmawe a Kazambale Léli lé blibɔmawe ma é yɛrama, yé Kazambale Léli zé a é ziin mi dɔbɛ kyɛn zé ma é yɛrama; wa za kɛlɛna. Amalé wenu lé é sɔ ka lɛ léé, ka wo kɛlɛ bɛ, ka ’ka bɔa wo kɛlɛle lɛ lo.

Galasi munu 5:24

Munu lé wo ke Jézu Krist zé nya, wo ’wo dɔbɛ kyɛn gyɛ yiliblan ta, é valé élé blibɔmawenu valé é lɔrɔ nya.

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

SEBE LÉ JAK A GYE (Épitre de Jacques) 3:15

’Bɛ zo wedɔɔle ’ka sié lagi loru lo; naa, tɛrɛla zé lé; mi dɔbɛ kyɛn zé lé; yo zé lé.

SEBE LÉ JAK A GYE (Épitre de Jacques) 4:16

Naa, sin, ka a kabo tɔ kɛlɛna blɛn ’wuogibɔrɔle blɛnnu nya. Botɔkɛlɛlɛ blɛn ’bɛ zo a we lɛrɛlɛrɛ nya.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

1 Piɛri 1:14

’Ka we kɛlɛ bélé mi lɛdɔma nénu zo, fɛnu lé ka bli bɔ wo ma é kyɛn ka tanyila bléyi va bɛ, té ka tawo wo zuo lao lo.

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

2 Piɛri 2:18

Boawe blɛn kiɛre fele nya lé munu lé wo si lao mi sanlenu lé zi ta, woo wo sian ana mi dɔbɛ kyɛn sɔlɛwe valé pɛnpɛnnégyɛwenu nya;