1 Jan 2:11 - Kazambale lé Sebe Sauunu 1979

¹¹ Naa, mian a bwe za ke a gi, é a gunutinu va, yé é a tawona gunutinu va yé gunutinu a yuɛ ’wii, amalé é ’ka é gona dɔɔa lo.

1 Jan 2:11 ပူးပေါင်းရင်းမြစ်များ

2 Samuɛl 13:22

Dé é a wezin nyaoo, dé é a wenaané nyaoo, Abusalɔm ’ka a do kpen fe lɛ Aminɔn lɛ lo, naa, é a za pa é bli gi; é a zuané Tamaa sɛrɛ, azama.

Wegɔnévɔlenu 4:19

Wenyanékɛlɛmunu lé zi a bélé gunuti zo; fɛ lé éé wo diaan wo ’ka a yé lo.

Bale Lé We Gifezan 2:14

wedɔɔzan yuɛ a é fuole, yé ’tugyɛzan éé tawoo gunuti va. Yé maa ye é ziin léé, wo fiénu ’wuoplana a do.

Lévinu 19:17

Té i bwe za pa i bli gi lo; é a lé i we pla i bɔluzan lɛ, naa, té i wenyané dɔ ibo nwiin alé we ma lo.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

2 Korɛnt Munu 3:14

Naa, wo tɔné gi kɛlɛ é yuyu fɔɔ yi ’ko nya, ’té sɔné duo ana, bléyian va lé wo ke Gipawe Kwa ta fena, a bléyi va, ’té é ’ka é sile lo, naa, dé mi a Krist gi, ’té é a é sile ’bɛzan ta.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

2 Piɛri 1:9

Naa, mian we ’konu ’ka a gi lo, a yuɛ a é ’wiile yé é ’ka fɛna yé baa lo, yé a gi san élé wenyané kyɛn sile é lee ma.

1 Jan 1:6

Dé kaa fe léé, kaa a wo nya mi do, yé ’té kaa tawoo gunuti va, ’té vié lé kaa ke a wona, ’té kaa ’ka we kɛlɛna webozen yɛrama lo.

1 Jan 2:10

Mian a bwe é sɔa a lɛ, é a san va, yé we do kpen ’ka a gi a saanwe nya lo.

1 Jan 2:9

Mian é léé, ’é a san va, ’té a bwe za a a gi, é a tan gunutinu va.

1 Jan 3:15

Dé mianzan bwe za ke é gi, ’té ’bɛzan a migyɛzan nya. Yé ka a gi dɔɔ léé, vole é yuɛma lé a glɛ ’ka lo, é ’ka migyɛzan do kpen zé nya lo.

1 Jan 4:20

Dé mi do a fe léé, Kazambale sɔ ’é lɛ, yé a bwe za a a gi, ’té ’bɛzan a viéwona. A bwe lé éé ’bɛ yé, dé ’bɛ ’ka sɔa a lɛ lo, Kazambale lé é ’ka ’bɛ yé lo, ’té ’bɛ éé sɔa a lɛ kaa?

Wegɔɔnle 3:17

Bii léé, ’é a fua nya, yé ’é a fua blena yé ’é mawe ’ka fɛ do kpen gi lo, yé i ’ka a gi dɔɔa léé, i a wenaanébɔmazan koo, nyanaizénlazan koo, nyanégyɛzan koo, yuɛwiizan koo, mi porole koo, wo nya lo;