1 Jan 2:10 - Kazambale lé Sebe Sauunu 1979

¹⁰ Mian a bwe é sɔa a lɛ, é a san va, yé we do kpen ’ka a gi a saanwe nya lo.

1 Jan 2:10 ပူးပေါင်းရင်းမြစ်များ

Lɛrɛvɔ Sɛbɛ 119:165

Munuan ilé bélidɔwenu sɔ wo lɛ, vole drɔɔ kiɛre a wozé nya, Yé wenaané do ’ka bɔa wo ma lo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Matio 13:21

naa, a suni ’ka goo baa lo; é ’ka é yara paan we la lo, dé we tɔntɔn bɔle a ma léé, ɛɛ, dé nyané pale a ta Bale dére lé we ma léé, éé kɛla a diérawe nya.

Matio 18:7

We tɔntɔn ’é kɛlɛ tɛrɛlamunu lɛ diérawenu lé we ma. É a lé diérawenu é bɔ, naa, mian é da mi diérawe nya, we tɔntɔn ’é kɛlɛ ’bɛzan lɛ ma.

WENÉNÉ LE JAN A GYE (Évangile selon Jean) 11:9

Jézu lé wo lɛ léé: Yi do gi, lɛrɛ ’ka vu ta fié loo? Dé mi a tawona é yiéyi, fɛna a é kinile, bɛwemalé a sɔnéwɔlɛ ’ka saan lo.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

WENÉNÉ LE JAN A GYE (Évangile selon Jean) 8:31

Yé Juifinu lé wo bli vo a lɛ bɛ, é lé wo lɛ léé: Dé ka tawoo an dére ta, ’té ka a an zuomunu nya webozen nya,

Rom munu 14:13

Bɛwemalé, té ko ko ke ma we ble é dɛrɛ lo; naa, ’i bɔn‐in dan, yé we lé é ke ka bwe do saanwe valé a diérawe nya, té bé kɛlɛ lo.

Filip munu 1:10

léé, ’ka we va sile dɔɔ. A zo lé dé Krist lé yi bɔ ka dan kɛlɛ lɛ sauun valé wéiin,

2 Piɛri 1:10

Bɛwemalé, an bwenu, ’kabo tunu Bale lé ka laale valé alé ka sile a va kɛlɛle webozen nya we gi. We ’ko kɛlɛle nya lé ka ’ka dan saan lɛ monomono lo.

1 Jan 2:11

Naa, mian a bwe za ke a gi, é a gunutinu va, yé é a tawona gunutinu va yé gunutinu a yuɛ ’wii, amalé é ’ka é gona dɔɔa lo.

1 Jan 3:14

Bwenu sɔ kaa lɛ, bɛwemalé kaa a gi dɔɔ léé, kaa si gale va yé kaa go vole é yuɛma va. Mian sɔlɛle ’ka a gi lo, ’bɛzan a ga wuo.