1 Jan 2:1 - Kazambale lé Sebe Sauunu 1979

¹ Anlé né kiénénu, maa a we ’konu gyɛna ka lɛ, té ka wenyané kɛlɛ lo we ma. Yé dé mianzan wenyané kɛlɛ, kaa ta weblezan a kaa Ti sɔnɔ mi, yee lé é ke mi tegele Jézu Krist nya.

1 Jan 2:1 ပူးပေါင်းရင်းမြစ်များ

Lɛrɛvɔ Sɛbɛ 4:4

Naa, ’ka we ’ko dɔɔ ma: Bale élé zi sɔlɛzan sié a va ébozen zé nya, Dé an siaa Gakelebale lɛ bléyian va, éé an dére maan.

Ézékiɛl 3:21

Naa, dé i we lɛ kini mi tegele lɛ léé, té é wenyané kɛlɛ lo, yé é ’ka wenyané kɛlɛ lɛ lo, é dan vo lɛ é yuɛma. I we lɛ kini a lɛ yé é a nyi si, azama. Té we ’ka i nwiin lo.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 10:15

fɛan zo lé an Ti an dɔɔ yé an Ti dɔɔ, a zo, yé maa gaan anlé ’blanu ta.

WENÉNÉ LE JAN A GYE (Évangile selon Jean) 13:33

Anlé né kiénénu, maa a ka va bléyi sɛ nya é ziin. Ka dan an gini lɛ yé fɛan zo lé maa a fe Juifinu lɛ léé, fɛana lé maa ke gona wo ’ka bɔa gole lɛ ’bɛna lo, a zo duo lé maa a fena ka lɛ é ziin kyɔ.

WENÉNÉ LE JAN A GYE (Évangile selon Jean) 14:16

Yé maa dan bazoro lɛ an Ti lɛ, yé é dan tɔrɔpaazan bɛ nɔ lɛ ka lɛ, yé ’bɛ é dan vo lɛ ka va yifaama.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 21:5

Jézu lé wo lɛ léé: Anlé nénu, fɛ do kpen ’ka ka lee blefɛ nya loo? Yé wo lé a lɛ léé: Iin.

WENÉNÉ LE JAN A GYE (Évangile selon Jean) 5:14

’Bɛ zuo, Jézu a ye Balebangikɔn gi yé é lé a lɛ léé: I a yé loo? I béli; té i wenyané kɛlɛ é dɛrɛ lo, we lé é ke tɔntɔn é mini a koɛ ta, dé ’bɛ é da bɔ i ma.

WENÉNÉ LE JAN A GYE (Évangile selon Jean) 5:36

We lé ’bɛ an ma we fé, ’bɛ blɛn mini Jan lé an ma we fele ta; nyanamanu lé an Ti a nɔ an lɛ léé, maa wo pa, nyanama ’ko bozennu lé maa ke a pana, woo ɛ an ma we fé léé, an Ti ɛ an pa zia.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

WENÉNÉ LE JAN A GYE (Évangile selon Jean) 8:11

Yé lezan léé: Iin, Mizan. Yé Jézu lé a lɛ léé: Maa é ziin, maa ’ka ga dɔa i nwiin lo. ’I go; té i wenyané kɛlɛ é dɛrɛ lo.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Rom munu 6:15

É dɔ ka gi kaa? Kaa ’ka bélidɔwe la lo, kaa a zin la, bɛwemalé kaa dan wenyané kɛlɛ lɛɛ? Gba.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 4:19

Ka a anlé nénu nya; kalé we ma lé maa a nyané blena é ziin né yaale lé nyanéblelenu zo, fɔɔ yé Krist ’é kɛlɛ ka bli gi.

Éfez munu 2:18

naa, alé we ma lé a se a Juifinu lɛ léé, ’wo bié Kazambale sɔnɔ Kazambale Léli nya, yé yee Léli duo nya lé a se a bɛnnu lɛ léé, ’wo bié Kazambale sɔnɔ.

Éfez munu 4:26

Yé dé ka bli fli té ka wenyané kɛlɛ monomono lo. Té yiri é vɔ kalé bliflile ma lo,

1 Timoté 2:5

Naa, Kazambale a do kpen, yé Kazambale valé munu pa ékemazan a é ziin do kpen, Jézu Krist lé é ke blami nya,

1 Timoté 3:14

An bli a a lɛ léé, an dan go lɛ i va é kele, naa, dé an mɔn, é a lé Kazambale lé kɔngimunu lé we é kɛlɛ fɛan zo, é a lé i ’bɛ gi dɔɔ, amalé an sɛbɛ ’ko gyɛ i lɛ é nya do. Kazambale lé kɔn a Bale yuɛmale lé léglizi nya, yee lé ke webozen dɔgliglifɛ valé a dɔ?-?plɛplɛfɛ nya.

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

SEBE LÉ JAK A GYE (Épitre de Jacques) 3:9

A nya lé kaa Mizambale, kaa Ti, drɔɔ voo; yé a nya lé kaa bale paan munu lé, Kazambale wo kɛlɛ ébozen zo, wo ma.

1 Piɛri 2:22

Krist ’ka wenyané kɛlɛ lɛ monomono lo, Yé dabli dére do kpen ’ka a ’léé lo;

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 3:18

Né kiénénu, té kaa mi lɔrɔ pa dérenu valé kaa nɛnɛ saa nya lo, naa, kaa mi lɔrɔ pa webozen valé we kɛlɛle nya ma.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

1 Jan 3:7

Né kiénénu, té mi do é dabli kɛlɛ ka lɛ lo ma. Mian é ke we tegele kɛlɛna, ’bɛzan a tegele, bélé fɛan zo lé Jézu ke tegele, a zo.

1 Jan 4:4

’Kaa, anlé né kiénénu, ka a Kazambale zé nya. Yee lé é ke ka gi é a plɛplɛ é mini yee lé é ke tɛrɛ la, a ta, bɛwemalé ka viebalelayemunu kele.

1 Jan 5:17

Weple faa a wenyané nya, naa, wenyané ke ana, ’bɛnu ’ka mi no ga lɛ lo.

1 Jan 5:21

Anlé né kiénénu, ’ka yuɛ pa kabozen va miyilinu lé we ma.

3 Jan 1:4

Dé maa a ’mana léé, anlé nénu a tawona webozen yɛrama, we lé é an gi nana yé é mini ’bɛ ta, ’bɛ ’ka lo.