1 Jan 1:8 - Kazambale lé Sebe Sauunu 1979

⁸ Dé kaa fe léé, kaalé wenyané ’ka lo, ’té kaa a dabli kɛlɛna kaabozen lɛ, ’té webozen ’ka kaa gi lo.

1 Jan 1:8 ပူးပေါင်းရင်းမြစ်များ

1 Minwiinzannu 8:46

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo, dé i bli fli wo ma yé i wo pa wo nyanézannu lee, yé wo go wo nya luu gi wolé tɛrɛ la, dé tɛrɛ baa léé, dé tɛrɛ pu léé,

2 Minwiinzannu 20:15

Ézai lé é ziin léé: Mɛ fɛ lé wa ye ilé kɔn gii? Ézékia lé a lɛ léé: Wo anlé kɔngifɛnu faa ye; anlé fɛwezannu va fɛ lé maa ’ka a gɔɔn lɛ wo lɛ lo, é ’ka lo.

2 Minwiinmunu lé Wezuofe Sɛbɛ 6:36

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo; dé i bli fli wo ma yé i wo pa wo nyanézannu lee, yé wo go wo nya luu gi ’wolé tɛrɛ la, dé tɛrɛ baa léé, dé tɛrɛ pu léé,

JOB (Job) 14:4

É kɛla ka yé fɛ gibɔle é si fɛ tiridɔle vaa? ’Bɛ ’ka kɛla lo.

JOB (Job) 15:14

Mɛ fɛ lé ke blami nya yé a gi éé bɔaa? Mi lé le a yaa, é bɔalɛ é kɛlɛ tegelee?

JOB (Job) 25:4

Mi é bɔalɛ léé, é kɛlɛ tegele Kazambale yuɛ gi kaa? Mi lé lezan a yaa, a gi éé bɔa kaa?

JOB (Job) 9:2

Maa gi dɔɔ é zima léé, é a ’bɛ zo; Mi éé bɔa kɛlɛle lɛ tegele Kazambale yuɛ gi kaa?

Lɛrɛvɔ Sɛbɛ 143:2

Té i kun i wuozan lé weblele ma lo, Naa, mi yuɛmalenu va mi do kpen ’ka tegele i yuɛ gi lo.

Wegɔnévɔlenu 20:9

Mi kyɛn ɛ dan a fe lɛ léé: Maa an bli gi bɔ, maa anlé wenyané fwii?

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézai 64:6

Mi do ’ka ana yé ’bɛ i tɔ laan lo, mi do ’ka vuo lɛ yé é yere i ma lo; amalé i yara yɔɔ ko ma é ziin, yé i ko vo yé ko zamaga wo kolé wenyané blɛnnu ma.

Jérémi 2:35

Naa, duowo, ka léé: Iin, ko a weanwiinlozannu nya; a bli ’ka dan fli lɛ ko ma lo. Ka ye, an dan we ble lɛ ka va; ka léé, ’wo ’ka wenyané kɛlɛ lɛ pelo, azama.

Lévinu 13:12

Dé pantɛn kɛlɛ a kɔlɛ ma fɛfaana, dé Balebanzan a ma gini fɛfaana, é sia a nwiin fɔɔ yé é bɔ a gane ma,

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Rom munu 3:10

bélé fɛan zo lé é a é gyɛle sɛbɛ gi, a zo; wo léé: Mi tegele ’ka lo, A do kpen ’ka lo;

Rom munu 3:23

Naa, munu faa wenyané kɛlɛ yé Kazambale lé fuasan vuru wo faa ma;

1 Korent munu 3:18

Té mi do kpen é dabli kɛlɛ ébozen lɛ lo ma. Dé é dɔ ka va mi do gi léé, ’é kɛla tɛrɛ ’ko la wedɔɔzan nya, ’é kɛlɛ ’tugyɛzan nya ma, a kɛlɛle wedɔɔzan nya we gi.

Galasi munu 6:3

Dé é dɔ mian gi léé, ’é a blɛn, dɔlé té é ’ka we do kpen nya lo, ’té é a ébozen saanna é wo.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

SEBE LÉ JAK A GYE (Épitre de Jacques) 1:22

Naa, we do ana, é a lé ka tawo Kazambale dére ta, té ka tɔné dɔ a lɛ é pla saawo lo, dé ’bɛ kaan lo, ’té ka a dabli kɛlɛna kabo lɛ.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

2 Piɛri 2:13

A zo lé wo dan ’wolé weple ma ban ye lɛ. Wobo nɔle we vɔnle kɛlɛle lɛ é yiéyi éé wo gi nanaan; mi sɛrɛle valé mi tiridɔlenu lé ke wo nya, wolé dabliwenu a wo ginanawe nya wolé fɛti kɛlɛbléyi nya ka va.

1 Jan 1:10

Dé kaa fe léé, kaa ’ka wenyané kɛlɛ lɛ lo, ’té kaa a Bale kɛlɛna viézan nya, ’té a dére ’ka kaa gi lo.

1 Jan 1:6

Dé kaa fe léé, kaa a wo nya mi do, yé ’té kaa tawoo gunuti va, ’té vié lé kaa ke a wona, ’té kaa ’ka we kɛlɛna webozen yɛrama lo.

1 Jan 2:4

Mian éé a fé léé: Maa Jézu dɔɔ, yé é ’ka alé bélidɔwenu kɛla lo, ’bɛzan a viéwona yé webozen ’ka ’bɛzan gi lo.

1 Jan 4:20

Dé mi do a fe léé, Kazambale sɔ ’é lɛ, yé a bwe za a a gi, ’té ’bɛzan a viéwona. A bwe lé éé ’bɛ yé, dé ’bɛ ’ka sɔa a lɛ lo, Kazambale lé é ’ka ’bɛ yé lo, ’té ’bɛ éé sɔa a lɛ kaa?

2 Jan 1:2

Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.

3 Jan 1:3

Bwenu da aan wo, webozen lé é ke i gi, é valé tawobɛ lé i ke tawona a nya webozen nya, wa fe aan wo ko lɛ, é an gi nana é baba.