1 Jan 1:2 - Kazambale lé Sebe Sauunu 1979

² wo yee bélile nagɔɔn ko lɛ, yé ko a ye yé ko kɛlɛ a nayezannu nya, yé yee bélile lé a glɛ ’ka lo, é a Ti va yé é a nagɔɔn ko lɛ, yé yee lé ko ke a fena ka lɛ.

1 Jan 1:2 ပူးပေါင်းရင်းမြစ်များ

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 1:4

A gi lé vole é yuɛma ke, yé yee vole é yuɛma a munu lé san nya.

WENÉNÉ LE JAN A GYE (Évangile selon Jean) 10:28

Vole é yuɛma lé a glɛ ’ka lo, maa wo wɔra ’bɛ gi, yé wo ’ka dan zamaga wo lɛ monomono lo; yé mi do kpen ’ka dan wo si lɛ an lee gla nya lo.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 15:27

é sia a pélisiana ka a an va, bɛwemalé ka é ziin, ka dan anlé we fe lɛ.

WENÉNÉ LE JAN A GYE (Évangile selon Jean) 16:28

An si an Ti va, yé an da tɛrɛ la; sin, maa a sina tɛrɛ la yé maa go an Ti va.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 19:35

Maa lé maa ana ye, maa ɛ fe, yé we lé maa a fe, é a webozen nya. Yé maabozen a gi dɔɔ léé, maa a fe webozen nya, ka dɔle a ta we ma é ziin.

WENÉNÉ LE JAN A GYE (Évangile selon Jean) 21:14

É sia Jézu nwale ma gamunu va, abo nagɔɔnle é zuomunu lɛ gɔnɔ yaazan lé ke bɛ.

WENÉNÉ LE JAN A GYE (Évangile selon Jean) 3:13

Mi vinin ’ka tan go lɛ la gi lo, ’té dé é ’ka mi lé é si la gi, maa blami Be lé an ke la gi mi, an nya lo.

WENÉNÉ LE JAN A GYE (Évangile selon Jean) 7:29

Naa, maa a dɔɔ; a va lé an si, yé yee ɛ an pa zia.

WENÉNÉ LE JAN A GYE (Évangile selon Jean) 8:38

We lé maa a ye an Ti va, yee lé maa ke a fena, yé ’kaa, we lé ka a ’ma ka ti ta, yee lé ka ke a kɛlɛna.

Kelewenu 1:22

é sia bléyian va lé Jan Jézu batizéwo fɔɔ yé é bɔ Jézu nwayi ma ko méléna, é a lé ko wo va mi do si yé é kɛlɛ ko va Jézu nwanayezan nya.

Kelewenu 10:41

naa, mi faa kaan lo; wenayezannu lé Kazambale wo si a va é kyɛn, wo ɛ ye, ’bɛ gi léé, ko lé, ko fɛ ble yé ko ’yi mini a va a nwale gale va zuo, ko lé.

Kelewenu 2:32

Jézu ’ko lé Kazambale a nwa. Ko faa a anayezannu nya.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Kelewenu 5:32

Ko a we ’konu nayezannu nya, yé Léli Sauun a ’bɛ nya é ziin, ’té Kazambale a no munu lé wa lɛdɔama, wo lɛ bɛ.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

1 Jan 1:1

Yee lé é ke ana a pélisia bléyi va fɔɔ kyɔ, yé ko a ’ma, yé ko a ye ko yuɛ nya, yé ko a nagini, yé ko bɛ mane a ma, yee ɛ lé we lé ko ke a fena. Mibélidére lé;

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.

1 Jan 4:2

Kalé Kazambale Léli dɔɔmawe lé ke ’ko: léli faa lé wo ke a fena léé, Jézu da blami nya, wa Kazambale zé nya.

1 Jan 5:11

Yé yee wenayedére lé ke ’ko: vole é yuɛma lé a glɛ ’ka lo, Kazambale a nɔ kaa lɛ, yé yee vole é yuɛma ɛ ke a Be gi.

1 Jan 5:13

’Kaa lé ka bli vo Kazambale Be tɔ lɛ, maa we ’konu gyɛ ka lɛ kalé a gi dɔɔle we gi léé, vole é yuɛma lé a glɛ ’ka lo, é a kazé nya.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.