1 Tɛsalɔnik munu 5:8 - Kazambale lé Sebe Sauunu 1979

⁸ Naa, kaa lé kaa ke yiéyi munu nya, kaa kaabo kun ma; blipale valé sɔlɛle ’é kɛlɛ kaa golɛtayɔɔfɛ nya; yé bli kɛlɛle sile we gi lɛ ’é kɛlɛ kaalé kanakoro nya ma.

1 Tɛsalɔnik munu 5:8 ပူးပေါင်းရင်းမြစ်များ

Lɛrɛvɔ Sɛbɛ 42:11

Dé nyanépa‐antazannu a an sɔnɔna, ’té wa fé an lɛ yifaama léé: Izé Bale a kyɛɛn? É so an wɔlɛ zi.

Lɛrɛvɔ Sɛbɛ 42:5

We lé ko kɛlɛ yi la, dé a sele dɔ an gi, ’té an bli sɛrɛ an gi, Dé maa a tawona mi gu va, ’Té maa a wo ’lɛ, ’té ko go Bale lé kɔn vazia, ’Té fɛti kɛlɛmunu Woo siaan ginanale valé Bale bɔvɔle nya; Dé a sele dɔ an gi, ’té an bli sɛrɛ an gi.

Lɛrɛvɔ Sɛbɛ 43:5

An boen, mɛmalé i fuu éé sié i ta yé i dunnuma an gii? I bli ’é vo Bale lɛ; naa, maa dan a tɔ zin fe lɛ é ziin, Yee ɛ ke an Siéwegizan valé anlé Bale nya.

Ézai 59:17

É dan wetegele zén lɛ ’é ta gɔlɛtayɔɔfɛ nya, yé é dan silewegi wɔra lɛ ’é ’wuo ma bélé kanakoro zo; é dan welɛgipale zén lɛ ’é ta varɔ nya, yé é dan maawole zén lɛ ’é ta sɔ zo.

Jérémi Lé Wuvɔ Sɛbɛ 3:26

Dé mi éé Gakelebale lɛbɛn‐é léé, é bɔ ’é va yé é vo é tadɔle, ’Bɛ a é zima.

1 Korent munu 13:13

Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.

2 Korɛnt Munu 6:7

webozen dére koo, Kazambale lé plɛplɛ koo, we tegele lé é ke gulidanfɛnu valé mi botakuunfɛnu nya, ’bɛ koo, wo nya.

Galasi munu 5:5

Naa, ko, Kazambale Léli éé bɔa ko va, yé ko a blivolɛdére lɛsɔɔle lɛbɛnna, yee lé ke léé, ’wo ko ye tegele ko blipale ma.

Éfez munu 6:11

’Ka Kazambale lé gulidanfɛnu faa zén ka ta, ka dɔle gligli we ma yonufaatagɔné lé gi kinilenu ma.

Éfez munu 6:23

Tibale valé Mizan Jézu Krist, ’wo sɔlɛle valé blipale nɔ bwenu lɛ ma, yé ’wo wo vo drɔɔ ma.

1 Tɛsalɔnik munu 5:5

Ka faa va a é kinile; yé ka a é ziin yiéyi munu nya. Kaa ’ka béli valé gunu vamunu nya lo.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

Ébrunu 6:19

Bli vole we lɛ ’ko, é a kaa gi kaa bélimafɛ blɛɛn boen nya. Éé goo fɔɔ yé éé wɔraan Balebangikɔn gi, sɔ lé wa kɛlɛ kɔnmi nya, a zi, yé ’bɛ a la gi.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.