1 Tɛsalɔnik munu 5:6 - Kazambale lé Sebe Sauunu 1979

⁶ Bɛwemalé, té kaa yi gyɛ bélé mi pɔnénu zo lo; kaa vo é yuɛma yé kaa kaabo kun.

1 Tɛsalɔnik munu 5:6 ပူးပေါင်းရင်းမြစ်များ

Wegɔnévɔlenu 19:15

Kun‐anwole éé mi gya yi nya, yé lɔrɔ é dan mi yowuliné gyɛ lɛ.

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Jonas 1:6

’Yitagoro vɔzan go a vuo lɛ, yé ’bɛ lé a lɛ léé: Mɛmalé i a yigyɛnaa? ’I nwa, ’ilé Bale tɔ laa, dé é dan é gi bɔrɔ lɛ ko ma yé ko ’ka zamaga wo loo?

Matio 13:25

Naa, munu a yi gyɛna aan wo, féizan nyanézan da, yé é kyankyan wɔlɛ nwɛɛn ’sa méléna, yé é go.

Matio 24:42

Yian nya lé kazan é dan da lɛ, ka ’ka a dɔɔa lo, amalé ’ka vo é yuɛma.

Matio 25:13

Ka ’ka lesizan dabléyi valé a dayi dɔɔa lo, bɛwemalé ’ka vo é yuɛma.

Matio 25:5

Lesizan a mɔnna, amalé yi vɔ wo yuɛ la yé wo yi gyɛ.

Matio 26:38

Yé é lé wo lɛ léé: An bɔn‐in kyɛ dɔle ’ko, é vo sɛ yé é an gyɛ; ’ka vo ’ko yé ’ka vo é yuɛma an va.

Maak 13:37

We lé maa a fé ka lɛ, maa a fé munu faa lɛ, léé: ’Ka vo é yuɛma.

WENÉNÉ LÉ LUK A GYE (Évangile selon Luc) 12:37

Wuomunu lé wozan é dan bɔ lɛ wo ma é yuɛma, wozé é dan kɛlɛ lɛ é zima. Maa lé ka lɛ webozen nya léé, wozan é dan sɔ vɔ lɛ é tɛrɛla, yé é dan wo nyana lɛ tablé zi, yé é dan fɛ nɔ lɛ wo lɛ.

WENÉNÉ LÉ LUK A GYE (Évangile selon Luc) 12:39

’Ka we ’ko gi dɔɔ é zima ma, dé é kɛlɛ léé, kɔnzan kyeenwozan dabléyi dɔɔ, ’té é dan vo lɛ é yuɛma yé é ’ka dan a nyi si lɛ léé, ’wo wɔra élé kɔn gi lo.

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

WENÉNÉ LÉ LUK A GYE (Évangile selon Luc) 22:46

Yé é lé wo lɛ léé: Mɛmalé ka a yigyɛnaa? ’Ka nwa yé ’ka bazoro, té wo ka gi dan lo we ma.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

1 Korent munu 16:13

Té ka vo yi bla lo. ’Ka dɔ gligli Kazambale lé we gi. ’Ka kɛlɛ gɔné nya. ’Ka dɔ plɛplɛ.

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

Éfez munu 5:14

Bɛwemalé wo léé: Bii lé i ke yiɛna, ’i vuo, ’I vuo mi galenu va, Yé Krist é dan i va kini lɛ.

Éfez munu 6:18

Bléyi faa ma, ’ka ba gɔnɔ faa zoro Kazambale Léli nya yé ’ka zanté gɔnɔ faa vɔ Kazambale Léli nya. ’Ka yara pa we ’ko kɛlɛle ta ka sɔbɛla nya, yé ’ka bazoro Kazambale lé munu faa lé we ma.

Filip munu 4:5

Munu faa ’é ka dɔɔ bli drɔɔzannu nya ma. Mizan bɔ é pu.

Kolɔs munu 4:2

’Ka yara pa bazorole ta, ’ka vo é vuole a gi bɔvɔle nya.

1 Tɛsalɔnik munu 4:13

Bwenu, ko ’ka a va léé, ka vo ka tanyila, munu lé wo ke yiɛna, wolé we ma lo; té ka bli kyɛ é dɔ bélé munu lé wo bli ’ka we do lɛ lo, wozé zo lo.

1 Tɛsalɔnik munu 5:10

É ga kaalé we ma, léé, dé kaa a é yuɛmaoo, dé kaa a yiɛnaoo, kaa béli a va.

1 Tɛsalɔnik munu 5:8

Naa, kaa lé kaa ke yiéyi munu nya, kaa kaabo kun ma; blipale valé sɔlɛle ’é kɛlɛ kaa golɛtayɔɔfɛ nya; yé bli kɛlɛle sile we gi lɛ ’é kɛlɛ kaalé kanakoro nya ma.

1 Timoté 2:15

naa, lomu é dan si lɛ we gi né yaale ma duowo, ’té dé wo yara pa blipale koo, sɔlɛle koo, kɛlɛle sauun koo, wo ta yaragyɛle nya.

1 Timoté 2:9

É sɔ an lɛ é ziin léé, lomu ’é sɔ zén wo ta é zima, yaragyɛle nya, té ’wo ’wo ma bɔra lo; té wo ’lɛrɛ nwin tanle koo, kyan koo, wɛɛwɔlɛnu koo, sɔvlɛzannu koo, wo nya lo;

1 Timoté 3:11

A zo duo lé é a lé wo nanu é ziin, ’wo kɛlɛ tegele; té wo kɛlɛ wenaané fezannu nya munu ma lo, naa, ’wo kɛlɛ wobo kun?-?zannu valé yarapawelazannu nya we faa gi.

1 Timoté 3:2

É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

2 Timoté 4:5

Naa, Timoté, é a lé ibo kun we faa gi; ’i dɔ kleblelenu wuo; ’i wenéné fe, ’ilé nyanama pale lɛ sɔɔ é zima ma.

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Tite 2:6

A zo duo lé, ’i we pla pɛniɛnu lɛ léé, ’wo ’wobo kun we faa gi,

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

Wegɔɔnle 16:15

Bé ye, maa dan bélé kyeenzan zo. Mi lé é vo é yuɛma, ’té éé yuɛ paan élé sɔ ta léé, té é tawo é porole yé yara ’é gyɛ ’bɛ we ma lo, ’bɛzan zé a néné.

Wegɔɔnle 3:2

’I vo é yuɛma, yé yee lé é vo i lee, ’té é bɔ nyaana bɛ, ’bé dɔ gligli; naa, maa a ye léé, gun a i kɛlɛwenu ma anlé Bale yuɛ gi.