1 Tɛsalɔnik munu 5:21 - Kazambale lé Sebe Sauunu 1979

²¹ ’Ka wenu faa va si. ’Ka kun a zin ma ma.

1 Tɛsalɔnik munu 5:21 ပူးပေါင်းရင်းမြစ်များ

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

Wegɔnévɔlenu 3:1

An be, té i gi é san anlé wepaale ma lo, yé anlé bélidɔwenu ’é vo i bli gi ma;

Wegɔnévɔlenu 4:13

We lé wa paa i gi, ’é vo i gi, té é san i gi lo; é a i bélifɛ nya amalé bé tabin.

Wegɔné Ma Lɛrɛ 3:4

Ko gié é ke la tɔɔn, yé maa an sɔlɛzan ye; Maa a kun yé an ’ka daan lɛ a ma lo, Fɔɔ yé maa go a nya an bu lé kɔn gi, Mi lé é an bɔn si, a yiikɔn gi. —

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

WENÉNÉ LÉ LUK A GYE (Évangile selon Luc) 12:57

Dé we a tegeleoo, dé é ’ka tegele looo, mɛmalé kabozen ’ka a va sina dɔɔa loo?

WENÉNÉ LE JAN A GYE (Évangile selon Jean) 15:4

’Ka vo an gi, yé maa dan vo lɛ ka gi. Fɛan zo lé dé yilibɛ ’ka yili ma lo, yee a bɛ ’ka bɔa baale lɛ éboan lo, a zo duo lé ka é ziin, dé ka ’ka voo an gi lo, ka ’ka bɔa baale lɛ lo.

WENÉNÉ LE JAN A GYE (Évangile selon Jean) 8:31

Yé Juifinu lé wo bli vo a lɛ bɛ, é lé wo lɛ léé: Dé ka tawoo an dére ta, ’té ka a an zuomunu nya webozen nya,

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

1 Korent munu 2:11

Dé é ’ka mibozen léli lé é ke ’é gi, a nya lo, munu va mi kyɛn ɛ mi giwe dɔɔ? A zo duo lé mi do kpen ’ka Kazambale giwe gi maan lo, ’té dé é ’ka Kazambale bozen Léli nya lo.

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Éfez munu 5:10

We lé é sɔ Mizan lɛ, ’ka yee ɛ nagini;

Filip munu 1:10

léé, ’ka we va sile dɔɔ. A zo lé dé Krist lé yi bɔ ka dan kɛlɛ lɛ sauun valé wéiin,

Filip munu 3:16

Naa, é a lé kaa tawo we faa lé kaa a dɔɔ, a yɛrama.

Filip munu 4:8

Bwenu, a nyaala lé é ke ’ko: we?-?bozennu faa koo, wenu lé wa lɛdɔama koo, we tegelenu faa koo, we wéiinnu faa koo, we sɔkenu faa koo, wenu faa lé wo tɔbɔ yara lé koo, we nénénu faa koo, wenu faa lé wo tɔ zin fe yara lé koo, wo ɛ kɛlɛ ka ’wuogibɔrɔmawenu nya ma.

1 Tɛsalɔnik munu 5:15

’Ka yuɛ pa kabozen va léé, té mi do é wenyané lɛgi pa é bɔluzan ma wenyané nya lo. Naa, ’ka yara pa wezin kɛlɛle ta ka ke lɛ, é valé munu faa lɛ.

1 Tɛsalɔnik munu 5:22

’Ka sɔn vɔ wenyané gɔnɔ faa ma.

2 Tɛsalɔnik munu 2:15

Bɛwemalé, bwenu, ’ka dɔ gligli, yé wenu lé ko a paa ka gi, dé é a ko fedére nyaoo, dé é a ko gyɛsɛbɛ nyaoo, ’ka kun wo ma.

2 Timoté 1:15

Bé gi dɔɔ léé, munu lé wo ke Azi tɛrɛ la, wo faa si an va; Fijɛl valé Emɔjɛne a wo va mi fié nya.

2 Timoté 3:6

Wo va mi kenu éé wɔraan kɔnnu gi nuu, yé tavolomu lé wo ke é fanle wenyané nya, ’té wenaané gɔnɔ faa lɔrɔ éé wo nyunuan bɛ, woo wo sian ana.

2 Timoté 4:14

Folibozan Alézandre wenaané kɛlɛ an lɛ kiɛre. Mizan é dan a lɛgi pa lɛ a ma a kɛlɛwenu yɛrama:

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 2:25

naa, yee lé é ke ka lee, ’ka kun a ma kli fɔɔ yé an da.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.