1 Tɛsalɔnik munu 5:14 - Kazambale lé Sebe Sauunu 1979

¹⁴ Bwenu, kalé zanté. Munu lé wo ’ka we tegele kɛla lo, ’ka we pla wo lɛ. Munu lé wo fuu si wo ta, ’ka wo tɔrɔ paa. Munu lé wo ’ka plɛplɛ Kazambale lé we gi lo, ’ka bɔ wo va. Ka bli ’é kɛlɛ tiéé munu faa ma.

1 Tɛsalɔnik munu 5:14 ပူးပေါင်းရင်းမြစ်များ

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 6:12

Gakelebale léé: Dé an bɛ nwa tɛrɛ ’ko lamunu ma bléyian va, wolé kɔnnu é dan kɛlɛ lɛ mi bɛnu zé nya, wolé féinu valé wo nanu koo é ziin.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Matio 12:20

É ’ka dan gyan yélile ’wii lɛ lo, Kyɛbɔ bale lé a goi ke dɔna, é ’ka dan a diri lɛ lo, Fɔɔ yé é we ’wuo vo we tegele lɛ,

WENÉNÉ LÉ LUK A GYE (Évangile selon Luc) 22:32

Naa, an bazoro ilé we ma, léé, té i blipale ta é zana lo; yé bii, dé i bli nɔla yian ma, ’i i bwenu dɔ gligli ma.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

Kelewenu 20:35

Maa a nagɔɔn ka lɛ bɛ faa ma léé, nyanama ’ko zo pale nya lé é a lé wo bɔ mi tɔɔtɔɔnu va. Yé Mizan dérenu sele ’é dɔ ka gi ma, yeebozen a fe léé: Fɛ nɔle lé gi nanale mini fɛ yele zé ta.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Rom munu 14:1

Mi lé a bli ’ka é pale tegele lo, ’ka ’bɛzan si é zima, naa, mi do léé, ’ézé kɛla ’ko zo, yé a do léé, ’ézé kɛla ’ko zo, naa, té ka zavɔ ’bɛ wenu ta lo.

1 Korent munu 4:14

Maa ’ka we ’konu gyɛna ka lɛ yara nwɛnnwɛnné nya lo; ka a anlé blibɔmanénu nya, amalé maa we plaan ka lɛ.

1 Korent munu 8:7

Naa, wedɔɔle ’ko ’ka mi faa gi lo. Munu lé wo yo ban é vinin, dé wo yobanwi ble tɔɔn, ’té yobanle sele a dɔna wo gi, ’té wolé wevasibli lé é ’ka plɛplɛ lo, ’té a tiri a dɔna.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

2 Tɛsalɔnik munu 3:15

Naa, té ka a ye bélé ka nyanézan zo lo; ’ka we pla a lɛ bélé ka bwe zo.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

2 Timoté 4:2

’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.

Tite 1:10

Tɔnégiplɛplɛzannu koo, weboa fezannu valé misaanmunu koo, wo ana kiɛre weboen nya; yé wa ganedɔmunu va di é minini.

Tite 1:6

dé i mi do ye yé alé tawobɛ a tegele, ’té a na a do kpen, ’té alé nénu bli a é pale yé i ’ka we vɔnle valé tɔnégiplɛplɛwe ’ma lɛ alé nénu ma lo, ’i ’bɛzan dɔ léglizi gi mi segele nya.

Ébrunu 12:12

Bɛwemalé, ka bɛ lé wo ke é zanale ka ma, É valé ka powuo lé wo wɔlɛ gi nyaa, ’ka wo dɔ plɛplɛ,

Ébrunu 13:3

Bokɔngimunu sele ’é dɔ ka gi ma, bélé ka ɛ ke bokɔn gi. Munu lé woo nyané blé, wo sele ’é dɔ ka gi ma, bélé ka ɛ ke nyané ’ko blena.