1 Tɛsalɔnik munu 4:9 - Kazambale lé Sebe Sauunu 1979

⁹ Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

1 Tɛsalɔnik munu 4:9 ပူးပေါင်းရင်းမြစ်များ

Lɛrɛvɔ Sɛbɛ 133:1

Gɔ gié lɛrɛ do lé. David zé lé. Dé bwenu nyana ékeva É a é sɔke, é a néné;

Ézai 51:13

Yé Gakelebale lé é lanu fwila, ’té é tɛrɛ gane vɔ, ’Té é biibozen kɛlɛ, yé i gi é san ’bɛ maa? Yé yaamitazan lé ke kwa kulina léé, ’é i gyɛ, Mɛmalé i ma é vo nyɔɔnna ’bɛ lé bliflile lee yifaamaa? Yaamitazan lé bliflile a mɛ ɛ nyaa?

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Lévinu 19:8

Mi lé é a ble, é wenyané dɔ ébo nwiin, naa, é Gakelebale ’lɛfɛ kɛlɛ fɛ pla nya; mi ’ko bɛ, wo dan a si lɛ élé munu va.

Matio 22:39

Yé a fiézan lé é ke bélé yee zo, yee lo: ’I bɔluzan lɔrɔ pa bélé biibozen zo.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

Kelewenu 4:32

Mi gu lé wo bli ke Jézu lɛ, wo bli valé wo gibɔrɔle a do. Wo va mi do ’ka a fé léé, ézé fɛ ɛ ke ’ko lo, naa, wolé fɛnu faa vo ékeva.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

2 Korɛnt Munu 9:1

É ’ka lé maa sɛbɛ gyɛ ka lɛ blɛ kɛlɛle Kazambale lé munu lɛ we ma lo.

Filip munu 3:15

Bɛwemalé, kaa faa lé kaa ke é tinle Kazambale lé we gi, bɔn‐in bɔrɔlenu ’ko zo ’é vo kaa gi ma. Yé dé ka a ka bɔn‐in bɔrɔna we bɛ ma, Kazambale é dan ka bɔn gi kini lɛ ’bɛ we ma é ziin.

1 Tɛsalɔnik munu 5:1

Bwenu, é ’ka lé maa bléyinu valé yinu lé we gyɛ ka lɛ lo.

Ébrunu 10:16

Mizambale léé: Gipawe lé maa dan a kɛlɛ lɛ wo va, yee lé é ke ’ko: Yi ’konu zuo Maa dan anlé bélidɔwenu pa lɛ wo bli gi, Yé maa dan wo pa lɛ wo ’wuo gi. ’Bɛ zuo é lé é ziin léé:

Ébrunu 13:1

’Ka yara pa bwenu lɔrɔpale ta.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Piɛri 4:8

We blɛn lé ke ’ko: ’ka sɔ ka ke lɛ é baba, naa, sɔlɛle éé wenyané kiɛre ta saan sɔɔn.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 2:10

Mian a bwe é sɔa a lɛ, é a san va, yé we do kpen ’ka a gi a saanwe nya lo.

1 Jan 3:11

Wean wa fe ka lɛ yé ka a ’ma a pélisia bléyi va fɔɔ kyɔ, yee lé é ke ’ko: é a lé kaa sɔ kaa ke lɛ.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 4:21

Kaa bélidɔwe ’ko ye Jézu va, léé, mian Kazambale sɔ a lɛ, a bwe ’é sɔ a lɛ ma.