1 Tɛsalɔnik munu 4:6 - Kazambale lé Sebe Sauunu 1979

⁶ Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

1 Tɛsalɔnik munu 4:6 ပူးပေါင်းရင်းမြစ်များ

Lɛrɛvɔ Sɛbɛ 140:12

Mian dabli ke a nɛnɛ ta, é ’ka dɔa gligli tɛrɛ la lo; Yé wenaané éé goo glazan nya é sanna.

Lɛrɛvɔ Sɛbɛ 94:1

Gakelebale, welɛgipa Bale, Panu dɔrazan Bale, ’i bɔra a gi.

Fwile 20:15

Té i kyeenwo lo.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Wegɔnévɔlenu 11:1

Dabli fɛdan kilo a é naané Gakelebale yuɛ gi, naa, fɛ dan kilo lé poa tegele éé sɔa a lɛ.

Wegɔnévɔlenu 16:11

Kilo lé poa valé fɛdankilo tegele a Gakelebale lee; kilo lé poa lé wo ke bɔlɔné gi, wa Gakelebale panyanama nya.

Wegɔnévɔlenu 20:14

Fɛlɔzan a fé léé: Fɛ ’ko a lɛrɛlɛrɛ! Fɛ ’ko a lɛrɛlɛrɛ! Dé é a lɔ, ’té éé goo ébo ze vɔle nya yee fɛ ma.

Wegɔnévɔlenu 20:23

Té fɛ do vlɛ é kɛlɛ fié lo, ’bɛ a é naané Gakelebale yuɛ gi, yé dabli kilo lé poa ’ka fɛ zin nya lo.

Wegɔnévɔlenu 28:24

Mi lé éé kyeen woo é ti valé é bu ma yé é léé, wenyané ’ka ’bɛ nya lo, é a guruzanaagizan bɔluzan nya.

Bale Lé We Gifezan 5:8

Dé tɛrɛ do la munu ’wo nwiinzan tɔ bɔa, ’bɛ tɛrɛ ’ko la wenu nyian é wo bɛ faa ma.

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Jérémi 9:4

É a lé mi faa do do ébo tabin é béé lee, Yé té wo bli é vo wo bwe do kpen lɛ lo. Naa, bwenu faa a dablikɛlɛzi ginina, Yé mi béénu faa a mi tɔ sɛrɛna.

Ézékiɛl 22:13

Bé ye, an bɛ gya ilé bli bɔle fɛ ma lé we ma, é valé nyɛ lé wa zana i ta bɛ, alé we ma.

Lévinu 19:11

Té ka kyeenwo lo, té ka viéwo ka ke lɛ lo, té ka dabli kɛlɛ ka ke lɛ lo.

Lévinu 19:13

Té ka yaa ka bɔlunu ta lo, té ka fɛ do kpen sia gla nya lo. Té ilé nyanamapazan ban é yii i lee fɔɔ yé tu é kini a ma lo.

Lévinu 25:14

Dé ka fɛ dɔ ka bɔluzan lee, ɛɛ, dé ka fɛ dɔle si ka bɔluzan lee, té ka dabli kɛlɛ ka ke lɛ lo.

Lévinu 25:17

Té ka va mi do kpen é dabli kɛlɛ é bɔluzan lɛ lo, ’i kana ilé Bale lee; naa, maa a Gakelebale, kalé Bale nya.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Sofoni 3:1

Fla lé é ke é fanle yaamitazannu nya, tɔnégiplɛplɛzannu lé fla lé a tiri ke é dɔle, we tɔntɔn é bɔ a ma ma.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Maak 10:19

I bélidɔwenu dɔɔ: té i le bɛ gini lo, té i mi gyɛ lo, té i kyeenwo lo, té i viéwo mi ma lo, té i mi ta ble lo, i ti valé i bu lɛdɔma, woo lé.

WENÉNÉ LÉ LUK A GYE (Évangile selon Luc) 12:5

Mi lé é a lé ka kana a lee, maa dan ’bɛzan nagɔɔn lɛ ka lɛ. Mi lé dé é mi kɔlɛ gyɛ faa, a vulile jéɛna kyɛ va se ke a lɛ, a lee lé ’ka kana ma; iin, maa lé ka lɛ léé, mi lé é a lé ka kana a lee, yee lé é ke bɛ.

WENÉNÉ LÉ LUK A GYE (Évangile selon Luc) 16:28

we ’konu zuo fele wo lɛ we gi léé, té wo da nyanéblena ’ko lo.

Rom munu 1:18

Munu lé wo webozen gi sɛra wolé weple kɛlɛle nya, Kazambale bli a flina wo ma la gi wolé Kazambale lé zi ma wenyané fele faa valé wolé weple faa lé we ma.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Rom munu 13:4

Minwiinzan a Kazambale wuozan nya ilé wezin yele we ma. Naa, dé i wenyané kɛla, ’i kana ma; naa, gwɔun ’ka a lee é pla lo, é a Kazambale wuozan nya we lɛgi pale valé we lɛdɔle wenyanékɛlɛmunu gi we ma.

2 Korɛnt Munu 7:11

Yé blikyɛdɔle ’ko lé éé sié Kazambale va, ka ’ka a ma tɔnɔ ye lɛ kiɛre loo? Ka ’ka kwa kuli lɛ léé, we é si ka nwiin loo? Ka bli ’ka nwa lɛ loo? Kana ’ka zén lɛ ka gi loo? An dale lɔrɔ ’ka ka gyɛ lɛ loo? Ka fuu ’ka dɔ lɛ ka ta loo? Ka ’ka we lɛdɔ lɛ mi ’ko gi loo? Ka ana gɔɔn bɛ faa ma léé, ka a tegele we ’ko gi.

Galasi munu 5:21

palu kɛlɛle koo, bli bɔle fɛ ma koo, nwɛ lé mi gyɛle koo, kɛlɛle bun‐anzan nya koo, ’bɛ zoɛ we bɛnu koo, woo lé. Maa a lɛ kini ka lɛ, fɛan zo lé maa a fe ka lɛ é kyɛn, a zo, léé, munuan woo ’bɛ zoɛ wenu kɛla, wo ’ka dan tɔnɔ ble lɛ Kazambale lé fuatɛrɛ la monomono lo.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Bélidɔwesɛbɛ Fiézan 24:7

Dé mi do é bwe Izraɛl lé mi do kyeen wo, dé é a kɛlɛ élé luu nyaoo, dé é a dan‐oo, dé wa ye wo dan we lɛdɔ lɛ kyeenzan ’ko gi a gale nya. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

1 Tɛsalɔnik munu 2:11

Ka a dɔɔ é ziin léé, né ti é élé nénu paan fɛan zo, ko ka pa a zo.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

Ébrunu 2:6

Naa, mi do a fe fɛdona léé: Blami a mɛ fɛ nya yé ’bɛ sele éé dɔa i gii? Taa, blami be a mɛ fɛ nya yé i ’bɛ mawe kɛlaa?

SEBE LÉ JAK A GYE (Épitre de Jacques) 2:6

Yé ’kaa, ka a nyanégyɛzannu sɔnɔna. Fuanuan wo ke nyané pana ka ta loo? Woan wo ke ka ganana weble?-?kɔnnu ’léé loo?

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.