1 Tɛsalɔnik munu 4:4 - Kazambale lé Sebe Sauunu 1979

⁴ ka faa do do kabo kun, ka kɔlɛ vole sauun valé wéiin we gi.

1 Tɛsalɔnik munu 4:4 ပူးပေါင်းရင်းမြစ်များ

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 1:24

Bɛwemalé, Kazambale wo nɔ wolé tiridɔwe lɛ wo blibɔmale yɛrama léé, ’wo pɛnpɛnné gyɛ ’wobo kɔlɛ ma;

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Rom munu 6:19

Maa a wefena munu lé wefebɛ gi ka dɔbɛ kyɛn tɔɔtɔɔ lé we ma. Fɛan zo lé ka ka kɔlɛvafɛnu nɔ luu nya we tiridɔle valé weple lɛ, weple kɛlɛle we gi, a zo duo lé sin ’ka ka kɔlɛvafɛnu nɔ luu nya we tegele lɛ, kɛlɛle sauun we gi.

1 Korent munu 6:15

Ka ’ka a gi dɔɔa léé, ka kɔlɛnu a Krist kɔlɛvafɛnu nya loo? Maa Krist kɔlɛvafɛnu sié ’té maa wo kɛla bɔrɔdɛ le kɔlɛvafɛnu nyaa? Pelo!

1 Korent munu 7:2

Naa, pɛnpɛnnégyɛzannu a kiɛre; amalé gɔné faa do do ’é le do si ébozen zé na nya ma, yé le faa do do ’é gɔné do si ézé zana nya ma.

1 Korent munu 7:9

Naa, dé wo ’ka bɔa wobo kunle lɛ lo, ’wo le si ma; ’wo bo si ma. Lesile valé bosile fila vɔ é mini gale le lɔrɔ nya valé gɔné lɔrɔ nya ta.

2 Korɛnt Munu 4:7

Fɛwezan ’ko, é a ko tɛrɛbɔnu gi, léé, munu a gi dɔɔ léé, plɛplɛ boen ’ko éé sié Kazambale va; é ’ka sié ko va lo.

Filip munu 4:8

Bwenu, a nyaala lé é ke ’ko: we?-?bozennu faa koo, wenu lé wa lɛdɔama koo, we tegelenu faa koo, we wéiinnu faa koo, we sɔkenu faa koo, wenu faa lé wo tɔbɔ yara lé koo, we nénénu faa koo, wenu faa lé wo tɔ zin fe yara lé koo, wo ɛ kɛlɛ ka ’wuogibɔrɔmawenu nya ma.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

1 Piɛri 3:7

’Kaa gɔnénu, le ’ka plɛplɛ bélé gɔné zo lo, amalé ’ka nyana ka nanu va wedɔɔle nya. Fɛan zo lé kabozen vole é yuɛma ye zin nya, a zo duo lé wa ye é ziin, amalé ’ka wo kun é zima, té kalé bazorole é sɛrɛ lo we gi.

1 Samuɛl 21:5

David a zi pa Balebanzan lɛ léé: É sia anlé zi sia bléyi va a yi yaa lo, ko ’ka tan go lɛ lomu va lo, yé anlé munu faa a tegele. Yé dé kolé tawogiwe a we pla nya, é ’ka kɛla tegele kyɔ a lɛsɔɔzan lé we ma loo?