1 Tɛsalɔnik munu 4:3 - Kazambale lé Sebe Sauunu 1979

³ We lé é sɔ Kazambale lɛ, yee lé ke léé, ’ka kɛlɛ sauun, té ka pɛnpɛnné gyɛ lo;

1 Tɛsalɔnik munu 4:3 ပူးပေါင်းရင်းမြစ်များ

Lɛrɛvɔ Sɛbɛ 143:10

’I ilé blibɔmawe kɛlɛle paa an gi, Naa, bii a anzé Bale nya. I léli zima ’é go an nya zi tegele ta ma,

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Lévinu 15:18

Dé gɔné valé le yii, wo fiénu é dan zuru lɛ, ’té wa é naané duowo fɔɔ yé nyanadi é pa.

Matio 12:50

Naa, an Ti lé é ke la gi, dé miomian éé alé blibɔmawe kɛla, ’té yee ɛ ke an zuané koo, an buru koo, an bu koo, wo nya.

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

Matio 5:32

naa, maa lé ka lɛ léé, mian é na bɔra, ’té dé é ’ka gɔné bɛ gini lɛ lo, ’té a zana ɛ a kɛlɛ gɔnéginizan nya; yé mi lé é le bɔrale si, é mi bɛ na si.

Matio 7:21

Munu lé wa fé an lɛ léé: Anzan, anzan, Kazambale ’ka dan pla lɛ wo faa nwiin lo, naa, an Ti lé é ke la gi, mi lé éé alé blibɔmawe kɛla, Kazambale a é plale ’bɛzan do kpen ɛ nwiin.

Maak 3:35

Mian éé Kazambale lé blibɔmawe kɛla, yee ɛ ke an zuané koo, an buru koo, an bu koo, wo nya.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 15:20

Naa, ’wo sɛbɛ gyɛ wo lɛ léé: Fɛ lé wa no miyilinu lɛ, ’té é kɛlɛ é lɛrɛlɛrɛ, té wa ble lo; té wo pɛnpɛnné gyɛ lo; winu lé fɛ fɔnɔ wo bɔrɔ gi yé wo ga, té wo ’bɛnu ble lo; té wo wi nyɛ ble lo.

Kelewenu 15:29

Té ka miyili banwi ble lo; té ka wi nyɛ ble lo; winu lé wo fɛ fɔnɔ wo bɔrɔ gi yé wo ga, té ka wo ble lo; té ka pɛnpɛnné gyɛ lo; fɛnu lé ke ’ko, dé ka yuɛ pa kabo va wolé we ma ka kɛla é zima. Ka yaima.

Kelewenu 20:32

Laona, an ka vo Kazambale lee, é valé alé zin dére lee; mi lé é bɔalɛ, é ka tin yé é tɔnɔfɛ nɔ ka lɛ é va, munu faa lé é wo pa é yɛrama, wo va bɛ, maa ka vo ’bɛzan lee.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 6:22

Naa, sin ka si wenyané lee yé ka kɛlɛ Kazambale lé luu nya, ’té ka ma tɔnɔ lé ke kɛlɛle sauun nya yé a ’wuoplana lé é ke vole é yuɛma lé a glɛ ’ka lo, a nya.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 7:2

Naa, pɛnpɛnnégyɛzannu a kiɛre; amalé gɔné faa do do ’é le do si ébozen zé na nya ma, yé le faa do do ’é gɔné do si ézé zana nya ma.

2 Korɛnt Munu 12:21

An kana léé, dé an bɔ, yara dɛrɛ é dan an gyɛ lɛ anzé Bale yara kalé we ma, yé an dan wuvɔ lɛ mi kiɛre lé wo wenyané kɛlɛ turu yé wo ’ka ’wo bli nɔla lɛ we tiridɔle koo, pɛnpɛnnégyɛle koo, we vɔnle koo, wo ma lo, wolé we ma.

Galasi munu 5:19

Mi faa mi dɔbɛ kyɛn kɛlɛwenu dɔɔ. Wo lé ke ’ko: pɛnpɛnnégyɛle koo, we tiridɔle koo, we vɔnle koo,

Éfez munu 5:17

Bɛwemalé, té ka kɛlɛ ’tugyɛzannu nya lo, naa, Mizan lé blibɔmawe a fɛan zo, ’ka a dɔɔ ma.

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Kolɔs munu 1:9

Bɛwemalé, é sia yian nya lé ko ka tawe ’ma, ko ’ka daanma bazorole ma Kazambale lɛ ka tɔ ma lo; ’té ko a laan Bale lee léé, ’é we dɔɔle faa nɔ ka lɛ yé ’é ka gi kini léliwenu gi, yé ’bɛ zo lé ka alé blibɔmawe dɔɔ,

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

1 Tɛsalɔnik munu 4:2

Wenu lé ko wo pla ka lɛ Mizan Jézu dére nya, ka wo dɔɔ.

1 Tɛsalɔnik munu 4:4

ka faa do do kabo kun, ka kɔlɛ vole sauun valé wéiin we gi.

1 Tɛsalɔnik munu 5:18

Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.

1 Tɛsalɔnik munu 5:23

Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ.

2 Tɛsalɔnik munu 2:13

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 12:16

’Ka yuɛ pa kabozen va, té pɛnpɛnnégyɛzan é kɛlɛ ka méléna lo; mi lé Balebɔwe ’ka a ma lo bélé Ézau zo, té ’bɛzan ’é kɛlɛ ka méléna lo. É dɔna dan fɛ pala do kpen va.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

1 Jan 2:17

Tɛrɛlawe éé giéan, é valé ’é sɔlɛwenu nya é ziin. Naa, mian éé Kazambale lé blibɔmawe kɛla, éé voo ana lɛɛfaama.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.